ابيكم تساعدوني ضروري

[miss-_-eng]

سلام بنات بليز ابيكم تساعدوني حالتي النفسيه زفت و غير الحمال
بنات ابي امي تييلي آمريكا حق ولادتي يعني ابيها شهر 11 يمي لان لا سمح الله اخاف اولد باول التاسع جذي
بس المشكله امي ماتعرف انغلش كلش ولا عمرها سافرت دول اجنبيه فماتعرف بالمطارات شتسوي وين تروح وين تيي وانا بحجزلها عالاماراتيه يعني ترانزيت و سوالف اخاف عليها تضيع بنات عفيه شسوي ابي امي توصلي بسلامه عندي
مادري شلون بتتصرف بجمارك امريكا و الاسئله و الجنط منو بيساعدها يشيلهم لها
عفيه بنات ضروري ابي رد اللي مرت بنفس الحاله تقولي شسوي واللي تعرف هم خل تقولي ترا والله حدي تعبانه من هالشي

 

[D.asmaa]

يا حياتي والله اكيد بتحاتيج اميمتج بس ليش الترانزيت حجزيلها عالدايركت الكويتيه نيويورك او اليونايتد دي سي واخذيلها درجه اولى اريح ..واذا ماصارت اهيا راح تطب مطار عربي الامارات يعني ماعليها خوف تمشي وتسال ولما توصل امريكا عاد على حسب المطار انا عندي مطار دي سي وايد احسن من نيويورك وعادي كتبولها ورقه فيها كل معلوماتج انا شايفه واحد صيني مره ولا كلمه ومشوه عادي بس عطاهم ورقه واذا توهقو فيها ينادون اي واحد يتكلم عربي ويترجملهم ان شاءالله سهاله ادعي الله يسخرلها من عبيده ولاتحاتين حبيبتي