ابيكم تساعدوني تعبت منها

[O+L=love]

السلام عليكم اول شي بنات انا حدي تعبانه من ام ريلي تخيلو كل يوم من تزوجت لازم تقط كلام مع انها مو مرا عوده يعني لا مشببه رةحها وماترضا تقولين لها انتي عودة المهم اهيا سافرت قبل فتره عند اهلها وعمي قال مابيها ترد البيت لانها بالاساس طليقته بس مقعدها عشان عيالها وريلي مسكين يحاول فيه موراضي عمي مايرفضلي طلب قلتله ووافق بس قال اهيا سوتلج مشاكل ومن هالحجي قلتله لجل عين تكرم الف عين عشان زوجي بنات لما تيي شلون بعاملها تخيلو اسلم تحقرني تقولي اشكرا انا ماكنت ابيج حق ولدي كنت ابي له بنت خالته وعلى فكره انا وريلي ماخذين بعض عن حب وتشككني بريلي تقولي لما كان خاطب يدخل بنات البيت تخيلو وانا اعرف ريلي مو جذي يعني اهيا تربط عصاعص بكل مكان شسوي شلون اعاملها والله الشاهد علي اعاملها مثل امي وكله تقول ولدي معقد وتقعد تحش فيه جدامي عند الخدامه تخيلو عن ريلي تحش فيه تخيلو بس استحي اكلمها كله تقول لاتقولين شي حق ريلج ترا يطلقج تخيلو تحش بعمي جدامي تقول كلام موزين عنه وتقول لا تقولين حق زوجج ترا يطلقج لانه يحب ابوه انا شكو انتي تحشين انا شكو بس الصج بنات انا ماخش شي عن زوجي بس شلون اتعامل معاها والله تعبتي وغير سوالف وايد والله ​

 

[aloooya]

الله يعينج

 

[shak!shoka]

وليش متوسطه تبينها ترد

خليها تروح مع الف سلامه

الله يستر عليج منها
اخذي حذرج و لا تكثرين قعداتج و سوالفج معاها
سلام و بس

 

[LA TROO7]

الموضوع كله تخيلوا وتخيلوا !

 

[shak!shoka]

ههههههههههههههههههه الله ياخذ بليسج خليتيني ااقراه مره ثانيه

 

[Queenleo]

اييي وليش رادتها؟؟؟
يعني كنتي شريتي رااحتج ووخليتيها بعيد ووريلج ريااال يروح يزورها ويرد او يحطلها شقه
ماعندي حل لج كلش
بعد استمحليها هذا الي اقدر اقوله

 

[سكوتي بذوقي]

لاتقعدين معاها دايم

سلمي عليها وروحي

 

[فدوووو]

خلي علاقتك فيها رسميه

 

[حلا&حلا]

الله يعينك
كوني لطيفه معاها تر بن ادام يلين
وتحس في خاطرها

 

[! بــدويه وآآيــد !]

،


لاتروح هههههههه حتى انا رديت اقراااه لوول


حبيبتي صاحبة الموضوع سوري لاتزعلين بس من الاول غلطانه ليش تدخلين بينهم؟ وتقولين له يردها !
عطيهااا اكبر طااااف ولاتردين عليها واذا ردهااا ديرتها لاتروحين تقولين ردهاااا لان مايبين بعينهاا شي للاسف

 

[عبير-الشرق]

والله انج طيبه وعلى نياتج جان خليتها تروح مع الف سلامه مادام انها قشره شتبين فيها المهم لاتكثرين قعداتج معاها وافتكي منها الي تحش بولدها وطليقها موبعيده تحش فيج جدام الناس

 

[دلع العتبان]

هذا موضوع ولا فلم خيالي

الله يفرج عليج هههههههههههههههههههه

 

[قسوة الزمن]

طاف ما عليج منها

 

[O+L=love]

اول شي مشكورين الي ردو علي وكلمة تخيلو لووول دايم عالساني من صغري لما اندمج بالكلام اقولها والي قالت ليش توسطت لها لان ريلي نفسيته تعبانه يفكر بامه واخته ولان خالتي عليها سوالف فيخاف عليهم ومايقدر يحطلها شقه انا موموظفه واهوا يصرف علي وعنده التزامات والله ان سويت هالشي عشان ريلي بس والي تقول فلم خيالي يزاج الله خير لو موراده احسن بس صج الي بيده بالماي مو مثل الي ايده بالنار ومشكورين

 

[باتي باتي]

الله يعينك

 

[زوجة عزيز]

ماعليج منهم يايبه باجر اي شي يصير يقطون السالفه عليج