ابيكم تساعدوني بنتي عمرها 11 سنه

[همس الشعر]

السلام عليكم
حبوبات شخباركم
بنات انا بنتي عمرها 11 سنه قبل يمكن اربع اشهور جاها التهابات في المنطقه الحساسه وكانت حيل تحرها وتحك واجد فقمت وديتها عن دكتورة وقالت عادي هذي تجي البنات يمكن طريقة تنظيفها للمنطقه غلط او من بعض الكلوتات الي تكون شوي ضيقه وتحك بالمنطقه بس الحمد الله علمتها اشلون تتنظف عدل وخذيت لها الملابس الداخليه قطنيه وشوي واسع والحين الحمد الله مافيها اي شي بس مو هذي المشكله المشكله عطتني الدكتوره غسول وكريم للتهاب كنت انا الي احطهم لها وبنتي ماشاء الله تبارك الرحمن بشرتها حيل حيل بيضاء يعني ماعمري قابلت احدمن مدرساتها ولا ناس جدد الا يقولون والله ماتوقعنا انها خليجيه نحسب يا سوريه ولا من برا بقول عاد الصدق طالعه على ابوها:rgewrg: مو علي:eh_s(11): ابوها طفره جينيه غريبه في اخوانه من بياضه طولتها وهي قصيره :ch12:بس حريم وش تقولون
المهم من وقت العلاج ماخلص وعلمتها شلون تتنظف ماقد شفت عندها المنطقه الا امس ولاحظت انها بدت تغير لونها سارت اغمق من لونها اول بس مو مره وسط وانا مابغا ها تسمر مرره بيسير بعدين في فرق واضح لانها بيضاء ومابيها تعاني لكبرت الي عندها طريقه تبيض للبنات ولا تاثر تلحقني فيها فديتكم

 

[Break Time]

حبيبتي اخاف من الاحتكاك سوا لها سواد

اسالي الدكتورة

و الله يشفيها يا رب

 

[توتا حمرا]

ااب

 

[همس الشعر]

حبيبتي اخاف من الاحتكاك سوا لها سواد

اسالي الدكتورة

و الله يشفيها يا رب

مشكوره حبيبتي علي الرد
اكيد عيوني فيه احتكاك بس انا حريصه دايم البسها بجايم قطنيه بالبيت وحتي لما يكون لبسها تنوره
او ثوب قصير البسها من داخل سروال نص مالبسها كلوت

 

[عطر ملائكي]

هلا حبيبتي
عجبني اهتمامك ببنتك من ناحية الغسول الماي والملح او مغلي البابونج تراه مضاد حيوي روعه او الارطا عند العطار تغلينها وتغسل فيها بنتك

ومن ناحية السواد زيوت طبيعيه جنين القمح او لوز مر

وعلى فكره انا بنت بس جتني الحساسيه والحكه وانا عمري 14
ومارطبت نفسي وصارت غامقه بس هذا انا احوس ومافيه مثل الترطيب
لان الترطيب المستمر بياااااض واسالي اللي تبين

 

[a7вĸ мσσστ]

الله يحفظها لك
ـآـآب

 

[&موناليزا&]

عزيزتي رفع لعيووووونج

 

[فراوله..]

استخدمي لها سودو كريم مع كينا كومب وجلسرين وخليها تستخدمه كمرطب

 

[ام كوثر2007]

عسى الله يخليها لج وتفرحين فيها يا رب ..


حطيلها زيت لوز المر مع فازلين وكل يوم خليها تحطه مرتين او ثلاث ما راح يضرها كلش ويفتح المنطقه بشكل ملحووظ

واهم شي لمن تخلص من الحمام مكرم السامع تنشف نفسها عدل لا تقعد رطبه ..


وان شاءالله ما تشوف شر .. وطمنينا عليها .

 

[سويت فانيلا]

أخذي كريم تريسبوت روعه للتبيض اناجربته ونفعني

 

[Gatwa DaloO3a]

حطيلها كريم حساسيه ، عشان مايتغير اللون

 

[انثى عاشقة]

البنت صغيرة لو مكانك ما اجازف حتى لو بشغلة طبيعية
وديها نفس الدكتورة او حتى غيرها
المهم لاتتصرفي بنفسك
​

 

[aحلم عمريa]

up

سبحان الله وبحمده سبحان الله العظيم.....
اللهم صل على محمد وعلى اله وصحبه وسلم...

 

[رهـوم]

استخدمي لها كريم سودو مال البيبيات

 

[همس الشعر]

يابعد قلبي كويتيات هذي الردود الي تبرد الخاطر
امووووووووت عليكم

 

[ديمــــــــــه]

سودو كريم روعه لهالمنطقه وخلاص لاتعبثين فيها اكثر
ومن ناحية التنظيف خوذي لها ديتول اللي لونه اخضر وتخففه بمويه وتغسل نفسها فيه وتلبس بانتيات قطنيه وبسسسس
والله يخليها لتس ويفرحك فيها
موفقه

 

[الحــــــلا كله]

اسم الله عليها الله يحفظها

انا اقول فازلين وبس علشان الاحتكاك والجفاف هم سبب السواد
علميها ان بعد الحمام تنشف المنطقه وتحط فازلين وبس
توها صغيره بدري ع الخلطات

 

[رووح ابووها]

بسم الله البنت صغيره شنو خلطات ومادري شنوو لاتلعبين ببنتج
وطبيعي بتسمر المنطقه شوي يمكن بداية شعر بيطلع
بس خليها تنشف المنطقه اذا غسلت وبس