ابيكم تسآعدوني :(

[تمطاف]

بسم الله الرحمن الرحيم ،،

السلام عليكم بنات

شخباركم ؟؟

ان شاءالله بخير يا رب

بنات انا قبل فترة حطيت موضوع عن مشكلتي الصحية و الدراسية !!

و راح اقولها لكم باختصار الحين ..

انا فيني قولون عصبي و الكورس الثاني صارت عندي مشكلة اني ما اقدر احظر و السبب بطني بالكلاسات يعورني و يطلع اصوات و يسبب لي احراجات :/

بس الحمدلله تفاهمت مع الدكتورة و جذي خاصة ان العوار بدا على آخر الكورس و ما كان باقي شي !!

المهم الحين اليوم انا كان تسجيلي و سجلت مواد الكورس الأول ،،

و رجعت المخاوف لي خايفة وايد يا بنات

أخآف جذي يصير فيني و يرجع عوار بطني بالكلاسات لان صار عندي فوبيا لي درجة كل ما اتخيل اني بكلاس احس بالعوار مادري شلون بتحمل !!

و ماخذة 5 مواد و كل مادة يبيلها مجابل مو مال دلع و أنآ حاطة ايدي على قلبي مابي الكورس يبدي

والله انا احب الجامعة و ما كنت جذي كنت احظر مواد مو موادي اصلاً و أقعد طول اليوم بالكلية بس من صار فيني جذي و انا مختبصة حتى النوم ما انامه اخاف من شي اسمه (( محاظرة ))

أبيكم تساعدوني بنات شلون اتعدى هالمرحلة ؟؟

شنو لازم اسوي و اذا يالي العوار بالمحاظرات شلون اتصرف ؟؟

تقولون اكلم الدكاترة و لا اروح اتعالج مع العلم اني ضيعت وقتي و فلوسي بالمستشفيات و لا استفدت شي لانه " قولون عصبي " و العلاج نفسي و ما لقيت حل لي الحين !!

الله يخليكم ابي مساعدة و حتى لو دعوة بسيطة بس عشان اجتاز هالمرض و ارجع لحياتي السابقة

و مشكورين وايد

 

[مطيريه شي]

رد : ابيكم تسآعدوني

ما دام تعالجتي خلاص شحقه خايفه

واكييد بتنسين اول ما تدخلين الكليه


وكل ما تذكرين ان بطنج كان يعورج حاولي تنسين

 

[* فراشة فوشية]

الله يكون بعونج ياقلبي
...
يمكن فيج عين والله اعلم بس كملي علاجج عادي لاتقطعين لاتيأسين نهاااائي خلي فيج أمل كبييييييير بالله انه راح يشفيج ....
والله يوفقج ان شاء الله ويشفيج ويبعد عنج كل شر ان شاء الله ..

 

[* فراشة فوشية]

وعلى فكرة ترى هذي كلها وساوس من الشيطاااااان تبين نصيحة اذا جاج هالتفكير انج تتوهمين على طووووووول اقطعي التفكير بهالشي نهااااااائي وتعوذي بالله من الشيطااااااان ...

 

[نوفلتي]

مشكلتج بالظبط مثل مشكلة اخت زوجي فيها قولون عصبي للما تتذكر الدراسه تقعد تولول ويقعد بطنها يعورها ويطلع اصوات وتتفشل تحضر اقولها شدعوه محد يسمعها ولو سمعها شعليج منهم تقول لا ولا تحضر بس الحين الحمدلله تحسنت حالتها وانتي بعد لاتحطين على بالج انه بيطلع صوت وتوسوسين وانه الحين بيعورج بطنج... الله يشافيج ان شاءالله وسمي باسم الله وتعوذي من الشيطان قبل لاتدشين المحاضره وماعليج شر

 

[مرمووور]

رد : رد: ابيكم تسآعدوني

الله يشفييييج
ليبدت الدواماات كلمي دكااترتج واشرحي لهم حآلتـج وإذا عندج اوراق من الطبييب احسسن بعد
عششان لوو تعبتي بالمحااضره لاسمح الله تقدرين تستأذنيين ع طوول تطلعيين

بسس انتي لاتوسوسسسين
والله يووفقج يارب

 

[miss.mute]

رد : رد: ابيكم تسآعدوني

حبيبتي شـوري وشور البنـآـآت وآحد وانشالله مانختلف ..!
علمي دكـآـآترتج عشـآن اذا حسيتي بعـوآر على طوول تستأذنين وتطلعين وتفكين نفسج من الاحرآج " مع ان حبيبتي مافيهـآآ احرآج كلش هاذا مرض واغلبية النآس امرآضهم اكبر من جذي وتحرجهم اكثثر ..
عموما يا قلبي لا توسوين وتحبطين عمرج الصووت ماطلع الا من آلامج واللة يشفيج يآرب واذا ع العوآر قلت لج علمي دكـآترتج قبلهآ بوقت ..

واللة يشفيج حبوبة

 

[زهراء الركابي]

رد : رد: ابيكم تسآعدوني

ماتشوووووووفين شر

 

[تمطاف]

رد : ابيكم تسآعدوني

مشكوورين بنات اللي ردوا الله يوفقكم ان شاءالله

و الله يشفيني ان شاءالله ادعووولي !!

نوفلتي ممكن تقولين لي اللي تصير لج شنو سوت و شلون كانت تتصرف ؟؟

 

[بولندية]

رد : ابيكم تسآعدوني

اقري على نفسج حبيبتي

 

[الليدي رانيا]

رد : ابيكم تسآعدوني

حياتي يمكن انتي خايفة من خوفج هالشعور اييلج
سمي بسم الله
وابدي الكورس لا تخافين ربي يسهل عليج
وييسر امورج

 

[حرم الكابتن]

رد : ابيكم تسآعدوني

الله يشافيج حبيبتي
لا تخلين عاق علي مستقبلج ادعي وتوكلي علي الله ان الله يستر عليج
كثر ماتقدرين
اقري علي نفسج الرقيه الشرعيه

 

[المغفره يالله]

رد : ابيكم تسآعدوني

اذا كلش كلش كلمي الدكاتره !!

 

[يوآش يوآش]

رد : ابيكم تسآعدوني

الله يشفيج ..

حبيبتي انتي لازم تهدين اعصابج عشان ما تتعبين

لان قولونج عصبي وبعدين هذا التفكير اصلا

راح يتعبج خلاص خليها على الله وصدقيني ماراح

يصير الا كل خير بس انتي هدي : )

 

[تمطاف]

والله كلامكم كله صح بنات بس مادري شلون اشرح لكم

والله نفسيتي تعبانة و خايفة !!!!

مشكورين اللي ردو الله يوفقكم يارب

 

[ابلة لطوفة]

ياقلبي انا بقولج عن حالتي اتوقع نفس حالتج انا طالبه بالجامعه وكذا مره اطيح غشيانه وافقد الوعي بالجامعه صار عندي خوووف شديد من اني ادوام وكنت بنص الدواام اطلع واكشت بالمحاضراات وصلتني انذارات بغيت انفصل من الكورس والسبه انذاراتي

وبعدين يااعمري كنت لما ادش المحاضره تجيني ضيقه واوهام اني بطيح غشيانه وسبحان الله كنت احس بدووخه جني الجين بطيح وصرت اخاااااف بشكل مو طبيعي حتى اذا بطلع السوووق ا او بروح مشواراو الجامعه اخذ معاااي عطر قوي او عصير فرش لان في بالي اني بطيح غشيانه يعني صارت مشكلتي نفسيه كنت اقول حق امي يما بطيح مسكيني كانت تسمي علي وبعدين قامت تزفيني تقولي مافيج شي لا تتخيلين

وبعدين وحده نصحتني الله يجزاها خير ويوفقها ويسعدها قالتلي كل ماحسيتي بالخووف انج بيغمى عليج اقري المعواااذات وامسكي ايد رفيجتج وقولي حق نفسج انا مافيني شي هذي كلها اوهاام وانا مافيني الا العافيه الحمدلله


والله ياقلبي طبقت كلام البنت وكثر القرااايه والحين اسمله علي مافيني الا العافيه

صدقيني كل اوهااام وهذا يعتبر مرض نفسي مو شرط ترووحين طبيب نفسي تقدرين تعالجين عمرج بعمرج بس توكلي على رب العالمين وكثري القرااايه كل ماتفكرين قولي شنو يعني بتطلع اصووات عاادي عودي نفسج انه عااادي وبعدين رااح تكووين انشالله زينه ومافيج الا العافيه ياقلبي

اتمنى اني افتدج

 

[BNT KWT]

الله يشافيج ياااررب

 

[((shoOoshoOo))]

توسألت رفيجتي لانها اهيا هم متعذبه من هالسالفه تقولـج جربي شاي ابن سينا للغازات من العطار وراح ترتاحين باذن الله
وابعدي عن الغازات والاكل الثجيل

والله يشافيج حبيبتي

 

[أنا Top أنا]

رد : رد: ابيكم تسآعدوني

انا نفسج بالضبط

حتى سجلت بالجامعه المفتوحه على اساس اكمل دراستي واقبلوني فيها .. بس من جبت طاري الدراسه والمحاضرات 3 ايام راسي يعورني وانتفخ بطني من القولون .. ماقدرت ليما قمت اقول حق نفسي خلاص مابي الجامعه .. وتركتها مع انه اسمي طلع بس ما سويت وقف قيد ولا راجعتهم !!

 

[خواطر المساء]

الحل بيدك أنتِ

اهتمي بغذائك جيداً ، لا تأكلي طعام مثير للغازات

قاومي بشدّة هذا الهاجس ، إن تركتيه سيسيطر على حياتك ،

كوني قوية ، ولا تجعلي مرض عادي جدا يهزمكِ