ابيكم اتعلموني اشلون ؟؟

[شيــوخه]

يا امهات الي عندهم بنات باولى ابتدائي

بنتي الي باولى ماتعرف لرياضيات نهيا تكتب وخلاص توها اتعرف رقم 7 و8 و9 و10 من كثر ماحنيت عليها الحين تكوين العدد او عندكم الدرس الي حطي رقم + رقم يطلع الناتج 7 مثلا ماتعرف اتجمع ارقام اشلووووووووووووون افهما ااشلون اخليها تستوعب ؟؟؟؟؟

 

[DooNy]

حبيبتي روحي معرض الكتاب تلقين كتب ووسائل تعليميه وايد راح تفيدها
واشتري اللعبه الي تصير مقسمه آحاد عشرات مئات وفيهم خرز يعني كل سلك يصير فيه مجموعه خرز وايد راح تفيدها

 

[شيــوخه]

يسلموووووووو حبيبتي على الرد بس هذي مالت الخرز ماضن اتسوي شي انا شريت لها اعواد ملوت الببسيي
بس ماكو فايده قعدت اعلم فيها شنو نحط جم عود نحط علشان يصير العدد 7 اشلون علشان يصير الناتج سته جم عود نحط بس ماكو مو راضيه تستوعب معاي واليوم بلكتاب كاتبه لي المدرسه البنت ضعييييييييفه جدا مادري شنو الحل ؟؟؟

 

[اشراقة الحياة]

والله نفس الحاله ........

وسالفت الخرز مانفعت مع بنتي ..... والله انا نفسج تعبت.....

لان مو المستوى الي ودي فيه .... لان صج قاعده اتعب وياها

 

[شيــوخه]

مشكوره يا حياتي انا لما اسمع انه في يهال مشاء تبارك الرحمان يكونون فاهمين الشغله ويعرفون اتحبببببببببببببببط صج يصير معاي احباط مو طبيعيييييييييييييييييي

بس لما ااسمع انه حتى بنتج وجذيه اقول مو بنتي بس يعني مو من اليهال من المنهج ال لي ماله اول ولا تالي صراحه منهج الشكوى الله

شنقووووووووووول والله مرات ابجي على حالتها اقول انا السبب اني ماعرفت افهم بنتي ولا شنو السبب مادري مادري

 

[(كويتيه عسل)]

يبيلها جيس او علبه او صندوق كيفيج مثلا فيه 6 الوان خشبيه

وجيس ثاني فيه 7 الوان شينينيه

وقوليلها شرايج نلعب يالله كلهم نيمعهم في جيس واحد يالله نعدهم كلهم

6 و 7 يعني

6 + 7 = 13 قلم

هذا طريقه بالوسايل المحسوسه بعدين كثرين منها بارقام ثانيه واشياء ثانيه موشرط جياسه واقلام ممكن

بالعاب او شي من البيت

بعدين شوي شوي ليما تحسينها فهمت

المرحله الثانيه

رسمي بالرصاص منحى فيه 5 نجوم لونهم اخضر ومنحنى ثاني فيه 6 نجوم اصفر

ومسحي المنحيات وحطي كل النجوم الصفر والخضر في منحنى واحد

وقوليلها خلينا نعدهم مع بعض بصوت عالي يستانسون اليهال لما تقولينهم نعدهم بصوت عالي

يعني 6 نجوم و 5 نجوم

6 + 5 = 11 نجمه

وكثري من هالتمارين ليما تفهمم

وموشرط نجوم ممكن ترسمين وايد شغلات ممكن دائر خطوط كيفيج

المرحله الثالثه

عطيها تمارين بدون وسايل واشياء محسوسه ولا رسم يعني مجرده ( بدون اغراض واشياء مسائل ولا رسم )

وكثري من هالتمارين وااااااااايد مهمه اهم شي المجرد

مثل 6 + 8

8 + 8


شوفي هالموضوع في العاب تعليميه متروس العاب تعليمية

http://www.q8yat.net/showthread.php?t=260516

دوري يمكن تلقين العاب عن الرياضيات عطيها تعلب من هالالعاب تستانس وتتسلى وبنفس الوقت تتعلم

وهم اشتريلها تلوين وقصص وفيهم تمارين والغاز والعاب وتركيب عن هالسوالف مكودين بكل المكتبات وبجمعية المعلمين

وفي برامج عن اهالسوالف مثل افتح يا سمسم وافتح ياوطني ابوابك اشتري اشرطت فيديو

وحطيلها وقت الغدا والعشا ولا العصاري

وبالطلعه اذا شريتي شي قوليلها يالله ساعديني انتي شطوره وذكيه بالرياضيات

6 دنانير و5 دنانير جم يساوي واذا جاوبت صح بوسيها وشجعيها

 

[ام لآلئ]

حبيبتي حاولي تعلمينها عن طريق الاشياء اللي تحبها
مثلا : شنو تحب من الاكلات او الحلاو او الفواكه ...
مكعبات اللي بمكتبات دسمان ... انا بالسبه لي علمت بنتي العد عن طريق الكاكاو والحلاااااااو
وجذي بدت اشوي اشوي تعد مووووو عدل عدل بس ارحم بوااايد من أول السنه ...
ترا اذا ماتعلمت امبجر راح تضيع بالنص الثاني لان راح ياخذون لمن 20

والله ولي التوفيق ادعو لعيالي بالتوفيق وعيالكم

 

[basema]

بصراحة أنا أول ما علمت بنتي كان من الأشياء الموجودة بالغرفة يعني نلعب و نتعلب وهذي أنسب الطرق للتعليم و بعدين إبدي معها العد علي الأصابع أيضا باللعب

 

[شيــوخه]

مشكورين حبايبيييييييييييييييييييييييي

وان شاء الله بسوي الطرق الي عطيتوني اياها وان شاء الله تستفيييييييييييد يارب