ابيكم اتساعدوني شلون اكتشف موهبتي

[Zinab BH]

سلام عليكم كويتيات شخباركم؟
يمكن الموضوع غريب شوي
حبيت اتساعدوني في اكتشاف هوايتي
الحمدالله الله منعم علي بالعلم و الوظيفة و حياة احمد الله عليها
مثل مانعرف كل واحد له هوايته احد يحب يرسم و مبدع فيه احد يحب الشعر ناس تصفيف الشعر ناس فوتوغرافي و ناس ميك اب
انا من زمان احاول اكتشف اي شي ابدع فيه مااحس فيه شي مميز او ابدع فيه
لان ابي اسوي شي انا احبه واسوي عن حب عن شغف مو كواجب عليي
و ممكن اطور هالموهبة لمشروع ممكن في المستقبل او لشي ثاني؟
هل احد عنده طريقة في الاكتشاف ؟
و شنو الخطوات اللي ممكن اسويها لاعرف او اكتشف الشي المميز اللي ممكن امتاز فيه؟
و لكم مني جزيل الشكر :eh_s(7):

 

[مدمنة كوفي]

الهواية هي ممارسة شي تتميزين فيها عن غيرج قد تكون تصوير طبخ رسم سواء على الصور او فنانة في الحنة وحتى الكتابة والشعر

شلون تكتشفين الموهبة هل انتي حاولتي ترسمين شي او تصورين انتي في داخلج شنو تحبين , مثلا وحدة تحب تكتب لازم تطور قدرتها في الكتابة تبحث عن مواضيع سياسية اجتماعية واسرية وتكتب اما في منتديات او جرائد او مجلات

انزين طباخج حلو احد امدحج في طباخ او في حلويات او طبق معين اعرف وحدة ما تعرف تطبخ بس من الفشل صارت تهتم والحين احلى طباخ اهي تقدرين تصورين اي حلويات او اكلات وتبيعينها

الهواية انتي تعرفينها مع الممارسة تكتشفينها شي طبيعي اذا تميزتي فيها تصير كدخل مثل في بنات فنانين في المكياج افتحت لها مشروع في بيتها تمكيج

 

[ام الدرر]

زنوب
انتي هني
وانا ادورج
حبيبتي
لان عارفة ظروفج
احس حاليا صعبة تحددين
زحمة الشغل والدراسة
تشتت تفكيرج
نطري لما تتخرجين وتستقرين بوظيفتج
وقتها تقدرين
بس اعتقد
ممكن متابعة برامج التي في
او اخبار بالنت او الجرايد او المجلات لمواضيع معينه تساعدج
يعني اللي تحب الطبخ اتابع برامج الطبخ
اللي تحب الميك اب والستايلست اتابع خطوط الموضة واخبار المصممين
اللي تحب الرسم اتابع اخبار الجاليريز
وهيك يعني
موفقه حبيبتي
وناطرينج بالكويت​

 

[وردة الدوحه]

جربي كلشي ليما تلاقين الشي اللي تتولعين فيه

على فكره انتي مثل مرت حماي ما عندها موهبه

وانا الحمدلله موهوبه في عدة اشياء ودايما تقولي نفس كلامج انه خاطرها تكتشف موهبتها

مع الوقت والسوالف كل ما قتلها مثلا طالعتلي حبوب والا اسمرار على طول تجيبلي خلطه أقولها شعرفج تقول لي بس أحب أقرا عن الخلطات واطبقها ( بدون ما تاخذ بالها )

قتلها بس لقينا الشي اللي انتي موهوبه فيه

الا تقول شنو ؟ قتلها الخلطات !

الا تقول ايه والله هههههههه

مع الايام قتلها دام انج شاطره في الخلطات سويلج خلطات وبيعيهم وفيدي واستفيدي

والحين هي من اشهر التاجرات في الدوحه !