ابيـكم تسـاعدوني : ( ابي اشياء در الحليب

[ThaRbah .]

سلام عليكم

بنآآت بليز ابي شي يدر الحليب حدي ضايق خلقي وحآسه بتأنيب الضمير فيني بجيه : (

آنا ألحين نفآس صآرلي 29 يوم ..
أول أسبوع بنتي كله على صدري وآي شعور اينن كنت حدي مستآنسه وكنت اشفطلها واعطيها من الصدري
وكآن صدري يآبس ويعور متروس يدر حليب وآيد ماشالله ..
من بعد اسبوع ! ماكو حليب يقطر بس وبنتي تقوم تصرخ وتبجي مآتبي صدري حآولت فيها شكثر مآكو عنيده اسم الله عليها تبي شي سريع وقمت وعطيتها صنآعي : ( بس حآسه بتأنيب الضمير ماكو شي مآخذيته رهش - حلبه - تمر - سمج أبي حليب مآكو نشف

بنآت بليز الي تعرف حبوب شي من الصيدليه تزيد الحليب والله لدعيلها من ظهر غيب كل مآرضعت بنتي

آنا قآطعه الرضاعه من أول اسبوع نفاس هل ممكن يرد يزيد ألحين ليمن اعطيها ؟

و آنا قريب عن هل حبوب ( حبوب فيتوليت ) منو جربها وشلونها معآج وهل كثر الحيلب معآج ؟

ويعطيكم العآفيه

 

[tmtmt]

رد: ابيـكم تسـاعدوني : (

والله مادري بقولج عن الي اسمعه
الرهش واااايد زين

 

[أميرة طفولتي]

رد : ابيـكم تسـاعدوني : (

والله حبيبتي للأسف ماعندي فكره
انا مارضعت كلش
اب لعيون بنوتج

 

[غلاي امي وزوجي]

رد: ابيـكم تسـاعدوني : (

انا بعد ما رضعت كللللش

ما حبيت اطلع من غير رد

 

[*ماي الورد*]

رد : ابيـكم تسـاعدوني : (

كمادات ماي حار و مساج للصدر من اعلى الي اسفل
و شرب السوائل و الخضرة و الاكل الصحي يدر الحليب

 

[eman84]

رد: ابيـكم تسـاعدوني : (

الخضراء والبقدونس بالذات

الرهش

السمسم

وان شاء الله يرد احسن من اول بس اهتمي بتغذيتج

 

[أماني الورد]

رد: ابيـكم تسـاعدوني : (

عصير برتقال

ولازم النفسية تكون اوكي

 

[جذابه بنت ذيابه]

رد : ابيـكم تسـاعدوني : (

حبيبتي
انصحج بالسسسسسمسسسم

والرهش والحليييييييييييييب

 

[ThaRbah .]

رد : ابيـكم تسـاعدوني : (

يعطيكم العآفيه حبايبي
بس السمسم الي مآجربته بجربه انشالله

آب .. أبي وحده مجربه الحبوب

 

[fofowa_q8]

رد: ابيـكم تسـاعدوني : (

انا نفسج بالضبط قل معاي الحليب بآخر نفاسي وخذيت هالحبوب والحمدلله وايد زينين

واهم شي السوائل وخصوصا الماي والحليب

وعندج بعد السمسم والكراويه والشمر (الحبه الحلوه) انا اطحنهم وابلعهم نفس اللهوم

والحمدلله كل شي تمام

 

[ThaRbah .]

رد : ابيـكم تسـاعدوني : (

يعطيج العآفيه حبيبتي
شجعتيني على الحبوب .. ويوم خذيتهم زاد ادرار الحليب يعني ؟

 

[فـراوله]

رد : ابيـكم تسـاعدوني : (



إي اخذيهم الحبووووووووب وايد حلوووه

أنا كان ناشف عندي ألحين يدر الحليب

بس لازم بنتج ترضع اذا ما رضعت الحبوب ما منها فايده

لانه كل ما رضعت كل ما در الحليب اذا ما رضعت ما راح يدر

وأنا اقولج شيء سويته وحيييييييل عجبني


ولدي تعود عالمميه فرفض صدري نهاااائيا رحت شريت من الصيدليه

مثل حلمة المميه تنحط عالصدر ورضعته

والحمدالله صاااااار يرضع ألحيين من صدري اذا حطيت هالحلمه

وتكون بلاستيك

أنا سويت المستحيل عشانه لانه كنت أحس بتأنيب الضمير

ولا تسحبين وتعطينها عوديها على صدرج تركي المميه عنج

خليها بس للطلعات أما البيت عطيها من صدرج

وكثري رهش وسمسم وحليب انا يوميا لازم أكل رهش وسمسم

وأشرب حليب

 

[فـراوله]

رد : ابيـكم تسـاعدوني : (



إي اخذيهم الحبووووووووب وايد حلوووه

أنا كان ناشف عندي ألحين يدر الحليب

بس لازم بنتج ترضع اذا ما رضعت الحبوب ما منها فايده

لانه كل ما رضعت كل ما در الحليب اذا ما رضعت ما راح يدر

وأنا اقولج شيء سويته وحيييييييل عجبني


ولدي تعود عالمميه فرفض صدري نهاااائيا رحت شريت من الصيدليه

مثل حلمة المميه تنحط عالصدر ورضعته

والحمدالله صاااااار يرضع ألحيين من صدري اذا حطيت هالحلمه

وتكون بلاستيك

أنا سويت المستحيل عشانه لانه كنت أحس بتأنيب الضمير

ولا تسحبين وتعطينها عوديها على صدرج تركي المميه عنج

خليها بس للطلعات أما البيت عطيها من صدرج

وكثري رهش وسمسم وحليب انا يوميا لازم أكل رهش وسمسم

وأشرب حليب

 

[fofowa_q8]

اي يزيدون الحليب باذن الله بس هم خليها ترضع نفس ماقالت فراوله

يعني حتى لو الحليب شويه ميخالف خليها ترضع لان المص يزيد الحليب سبحان الله

ونصيحه لاتستعملين شفاط الحليب يقطع الحليب والله عن تجربه

 

[*uM_MiMi*]

اول شي لازم تحطينها على صدرج كل ساعتين عشان جسمج يستجيب حق الرضاعة و البيبي و يفرز حليب بس لازم لازم كل ساعتين او ثلاث ترضع عشان يرد يفرز الجسم و اذا ما قدرتي خلي الشفاطة يمج عشان تعودين جسمج كل ثلاث ساعات يدر و هذا طبعن ينطبق على نظام الليل هم كل ثلاث ساعات لازم ترضعين او تشفطين .. يعني الجسم و العقل و الحليب و البيبي يعتمدون على الاستجابة الاشتراطية للعرض و الطلب.. و بالنسبه للحبوب انا جربتها بس ما حسيت ان نفعتني مع ان اختي جربتهم و ما شاء الله كانت تدر.. و لازم لازم اهم شي بالرضاعة شرب الماي بكثرة بكثرة بكثرة و بعد بكثرة !!!! و اكل و تغذية عدلة سلطات وعصاير و مشتقات الحليب و الدياي و اللحم و الخضرة.. مو فاست فود و بطاط و خرابيط و كاكاوات.. راح تتعبين على مايرد بس الرضاعة جد واجتهاد و الله يوفقج و يترسج و يترسني حليب يا رب العالمين

 

[عاشقه الاسمرانى27]

حبيبتى البنات ما قصروا بس فى شىء انتى قولتيه مارضعت الا اسبوع واحد بس

والباقى ما رضعت ولا حطيتها على صدرج حبيبتى لو البنت يومين كاملين ما رضعت وعلى حطيتها على صدرج ما يصيرمره ثانيه ترضع

خلاص ممكن تسحبى وتنعطيها بالبطل....وعسا الله يخليهالج ان شاء الله يارب

 

[sweet-rose]

انا جربت الحبوب وايد زيينين بس لازم الرضاعة لا تشفطين الشفط يوقف الحليب ...بس ديري بالج ترى هالحبوب تزيد الخصوبة لانه فيها حلبة انا كنت اخذهم وارضع وحملت عقب 5 اشهر من الولادة مع اني كنت معالجة عشان احمل اول مرة

 

[ThaRbah .]

رد : ابيـكم تسـاعدوني : ( ابي اشياء در الحليب

يعطيكم العافيه بنآت مآقصرتوا
انشالله بشريهم وبحآول ارضعها من صدري واعودها عليه
مآقصرتوا

 

[sharoo_e5]

عندى من امريكا شاى اعشاب مخصوص للأم المرضع يزيد الحليب ويدرة


دشى موقعى

www.joly-fashion.com

 

[om al ghaleen]

حاسه بشعوٌرج " بس شوفي انتي كلما كثرتي رضاعه زاد الحليب
ماله علاقه الاكل او الحبوب بالموضوٌع لو تاكلين تمره تدر الحليب
فآنتي خليها على طول على صدرج ورضعيها

وع فكره انا ولدي جذي من قمت اعطيه صناعي كرهه صدري
وفطمته بس بنتي الحين اعطيها من الاثنين علشان لاطلعت تكون متعوده ع الصناعي

\\