ابى نادى بالقرين

[أم وهابي]

بنات عفيه الله يخليكم ابى نادى قريب على بيتى ويكون فيه حمام سباحه او نادى نظيف بأى مكان بالقرين ضرورى

 

[^شرطان الذهب^]

اقرب شي حق القرين الفنطاس او ابو حليفه انا سامعه انه في نوادي هناك
بس ماعندي فكره عن اساميهم

 

[dan]

في نادي الفتاة

شوفيه شنو عندهم

 

[أم وهابي]

مشكورين على الرد حبايبى

رحت نادى بالفنطاس - المهبوله وسخين وريحه المكان تكرمون بواليع وسقف المكان نازل وحمام سباحه كبر عينى وفيه مليون وحده

 

[giddy]

يــعطيكم العافية بس نــــادي فتيات القرين وين صاير بالضبط ؟!! لاني كلش ما ادل بالقرين:eh_s(1):

 

[بنوته سمره]

الله يعافيج عمري بس نادي الفتاة موجود يم جمعية القرين رقم 3 بالضبط يم مستوصف الجمعية تلقينه بظهره واذا مادليتيه تلقينه يم مطافي القرين صوب مدرسة حصه الحنيف المتوسطه

 

[مناره]

نادي الفناة حق شنو؟فيه سباحة ورياضة؟
منى يبدي وبكم الاشتراك؟
ياليت تفيديني باسرع وقت

 

[بنوته سمره]

والله مادري حق شنو بالضبط روحي وسالي وان شاء الله يجاوبونج

 

[**candygirl**]

والله نادي فتيات القرين في عندهم سباحه وببلاش بدون فلووس
بس ترى في سوالف المصخره وعلى راحتج يمكن ترتاحيله انا بصراحه ما ارتحت في كلش رحت بس مره وحده وعندي عضويه