اخذي توست ملون من بريد توك شكله يونس ويشهي وحشيه علي شكل طبقات جبن كرفت سائل وبيض عيون اوشريحه طمام خفيفه وشربحه ديك رومي مدخن او اي نوع من الحوم البارده اللي تحبونها او تونه مخلوطه بالمايونيز او مخلوطه بصلصه الكول سلو وشريحه بصل ابيض واخرطبقه جبن سلايس وغطيتها بطبقه ثانيه من التوست الملون وضغطي عليها عشان تمتزج المكونات فوق بعض وقطعيها الي اربع قطه من الزوايا وارح تكون كل قطعه علي شكل مثلث شهي زينيه بعود الخشب الصغير وفوقه شريحه خيار او زيتونه
((2)) اخذي مثلجات مثل شاورما الجاهزه من امريكانا شوحيها علي النار اشوي وحطي ايضافاتج ونكهاتج عليها مثل جوانح بصل وسماق وبهارات خفيفه وبقدونس ناعم او اي نكهه تفضلينها وبعد ما تستوي اخذي الخليط واحشيه بخبز الصاج الجاهز متوفر بالجمعيات احشي كل خبزه علي شكل المتعارف عليه للشاورما بس بشكل ضعيف ومرصوص في صحن بايركس وقطعيه علي الحجم اللي تبينه وبعدين صبي عليه خليط من الليمون الحامض وزيت الزيتون والسماق صبيه بشكل متساوي ودخلي البايركس للفرن لمده 10 دقائق حتي يتشرب الخليط الحامض ويتشوح الخبز يم يم لا تطوفينه حده لذيذ
((3)) اخذي صمون صغار وبطليه علي قطعتين او شرائح خبز المطاحن المتين يسمونه خبز لبناني وقطعيه لمثلثات مثل مثلثات البيتزا
وادهني سطح الصمون او الخبزه بالخليط المكون من جبن كرفت السائل وبقدونس مفروم ناعم وبصل اخضر ناعم ومايونيز بنسب متساويه وزيدي النكهه اللي تحبينها اكثر مثل البقدونس او البصل او المايونز المهم تخلطينهم مع بعض وتدهنين سطح الصمون او الخبز واخر شي تزينيه بجبن المازوريلا المبشور واتخيلنه الفرن لمده 5 اي 10 دقائق فقط حتي يسيح الجبن وتتشوح الصمونه او الخبزه وتصير مقرمشه ولذيذه
وعليكم بالعافيه واتمني لكم رحله سعيده
