ابوي يطق امي وابوي-2

[العاطفية]

بنات تذكروون القصة الي كتبتها قبل مدة عن الولد العاق الي يطق امه وابوه ودورنالها حل انا وياكم الحين الي صار شي كبير حيل حيل..الابو طاح بالمستشفى وللأسف راح عقله منه من كثر ضغط الولد والحالة النفسية السيئة بالبيت الابو بدا يخرف وفقد عقله وتخيلو الام لازالت ماتبي تسوي شي للولد وللعلم الولد طلع بايق كل حلال الابو وفوق هذا حاط ديون عالابو يعني تخيلو عقب ماكان الابو من الاغنياء صار من المطلوبين..يا بنات انا طلبت منكم حل اخر مرة لكن الحين انا اكتب وابجي من حرتي ودمي يغلي فماني طالبة حل ابيكم تدعون عالولد ابيكم تدعون عليه لان صج خلاص ماكو حل الابو بيموت والام لازالت عايمة ماتبي تحط حل وتخيلو الابو بالمستشفى والام عنده الولد بروحه بالبيت تخيلو شسوا؟؟قلب البيت فوق تحت يفتش على فلوس الابو لدرجة ان مكسر الاثاث يا بنات اترجاكم ردو علي بردود تبرد جبدي لان صج بموت قهر وابجي 24 ساعة --ناطرة ردودكم​

 

[StrOnG WoMeN]

انا ماقريت موضوع الاول ياريت تحطين الرابط عشان نعرف
بس الانسان مايدغي على احد مالنا الا ندعي بالهدايه
حبيبتي انا مادري بصله القرابه بس الموضوع صج يعور القلب اتمنى تكونين اقوى وادعي الله يقوم الاب بالسلامه لاتلومين الام الام طبهها حنون
بس لازم احد يشوف صرفه للولد طبيب احد كبير يكلمه او اي شي
الله يصلح حاله ويحس بلي يسوي
ان الله يمهل ولا يهمل
الدنيا دين اذا اهو طبيعي ومو مريض وعاصي اهله راح يشوف بعياله**بس انا من البدايه مو فاهمه الموضوع الاول فسامحيني اذا ردي كان في خطا بس مانقدر ندعي على احد
الله الهادي

 

[العاطفية]

قصة حقيقية و أحداثها دارت من20 سنة واحداثها مستمرة لهاللحظة الي قاعدة اكتبلكم فيها وندور عندكم انشالله الحل..


بالبداية اقسم بالله العظيم كل كلمة حقيقة ومافيها مبالغة ورب الكعبة الشريفة اني انقل لكم احداث بيت كويتي مافيه الا اب وام وابن عاق لابعد الحدود..


رفيجتي عندها اخو مطلق وعنده بنت وقاط بنته عند امها بحياته ماشاف هالبنت كان يطق زوجته طبعا ويهينها..بس نقول يمكن الحياة الزوجية بينهم كانت صعبة!!خل نلتمسله العذر..عايلة هالولد معروفة وماشالله ابوهم عنده خير كثير فهالولد كان يتشرط كل يوم يبي سيارة شكل واذا ما يابوها قال عيل بحرق السيارة الي عندي وبالفعل مرة كسرها لين شروله الي يبيها!!


مرت السنين واهما على هالحال وكان يغلط على امه وابوه ويسبهم وعنده اخو اكبر منه حاول يحل الموضوع لكن ماقدر وقال لامه ترى اخوي مريض نفسيا خل نعالجه مارضت الام لغاية ما الابو قال خلاص ولدي مريض وهالشي واضح وانا بعالجه وحطه بالطب النفسي وكان يتصل على عمامه ويقولهم ترى امي وابوي بواقين ونصابين وانتو منغشين فيهم ويدق على ازواج خواته ويقولهم ترى امنا رايحة فيها صدقوني ورب العباد شاهد على ان كل كلامه زور لكن عالاقل افتكو منه واهوا بالطب النفسي لكن للاسف الام راحت وطلعته ويابته البيت ومن يومها والابن تمادى اكثر..والابو كان فيه مرض القلب وسوا عملية لكن من كثرة القهر هالسنة 2009 طاح عليهم وخلاص الريال تحرول ماقام يمشي وحالته مأساوية بس يطالع ما يتكلم ولا يقول الا آآآه !! والله العظيم اكتبلكم ودموعي بعيني..



كانت رفيجتي اخته الصغيرة وتموت على امها وابوها وبارة فيهم حيل لين تزوجت السنة الي طافت ومن تزوجت خلااااااااااااااااص فضالة الجو هالاخو..قام شسوا؟؟ باق فلوس ابوه كلها وسوا حركة حول فيها معاش ابوه لحسابه الخاص!! وقام يصرف على بنات الحرام واييب البنات للبيت جدام امه ويقول للبنات امي رايحة فيها ترى وكل يوم يسلم بنات الحرام معاش ابوه لان مافي وحده ترضى تكلمه الا عشان الفلوس لانه شكله يخوف متين وما عنده ضروس ولسانه طايح من السكر وكله ريحته خايسة!! وقال لاهله ان ما شريتولي سيارة((فيراري)) بحرق البيت وانتو فيه..البنت (رفيجتي)قالت لامها تكفين خل نوديه(الاخو) الطب النفسي لان صج الابو كان كل مايسمع كلامه يطيح عليهم ويقعد ايام ما يتكلم لكن الام رفضت ..






الولد قال منتو شارين الي ابيه؟؟ الام قالت من وين ايبلك قالها من الشقيق روحي ((....مع رياييل وييبيلي فلوس)) !!


الام انهارت وبجت جدامه .. جان يطقها ويرفس ابوه واهوا عالكرسي( الابو)..تخيلو وهم الام رفضت انها تبلغ عنه الطب النفسي..



ومن عقب هالموقف قام كل يوم يمد ايده عالام ويتفل بوجه الابو.. واخوه يترجى امه ان يحط حد لتصرفات اخوه لكن الام ترفض لغاية اليوم الصبح مقعد الام من نومها بطراق وتفله !!



والله يا بنات وربي شاهد على كلامي ما زليت عليكم بحرف والله اني متقطعة وانا اكتب هالسالفة لكن جد ابيلها حل تكفووووووووووووووووووووووووووووون نبي حلول ولكم الاجر والثواب بهالاب والام الي باي لحظة ممكن يقتلهم هالابن!!




بانتظار ردودكم على احر من الجمر..

 

[العاطفية]

حبيبتي انا حطيت الموضوع السابق وبانتظار ردج

 

[SaD FaCe]

الغلط من الام !!!!!!!!!!!!!! خوش ام والله تشوف ريلها اللي اهوه جنتها ونارها بيموت وساكته عشان صبي عاق !! خل تقطه باللي ما يحفه ان شاءالله

حسبي الله ونعم الوكيل فييييه

وين اخوه الكبير خل يعطيه طرااااق يسنع ويها ... حدي محتره والله

الله ينتقم منه ياااااااااارب ...!! وعسى ايده الكسر البواق

ماكو حل الا الشرطه والاخوان خل يشتكون مالهم شغل بالام ..!

 

[fatomy]

اكيد مو صاحي او يتعاطي مخدرات
وين اخوانه . اعمامه. اخواله
ماعندكم احد يربيه
حسبي الله ونعمه الوكيل
يالله لا تبلينا

 

[العاطفية]

مادري الام الظاهر عقلها وقف خلاص تخيلو بنتها تقولها تكفين خل نسوي حل تقول لبنتها مالج شغل والبنت لي لزمت عليها تسد التلفون بويه البنت!! والله البنت والولد عاجزين تماما لان الام واقفه بطريجهم عشان جذي قاعده اقول خلاص ماعندي حل غير اني ادعي عالولد يطلع ويندعم او سكته قلبيه فجأه ويفتكون منه او ينشل لا انا اقول الموت ارحملهم وارحمله ليت ربي يرأف فيهم ويسوي عمل لهالولد ينهي هالمأساة الي عمري ماسمعت فيها ولا شفت اكبر منها

 

[sara al3soola]

والله اذا تبينا ندعي فماكو غير الام حسبي الله عليها اهي اللي ندعي عليها


قلنا قلب ام بس زين اتشوف زوجها ينطق وينهان واخرتها يفقد عقله علشان ننوس عين ماما

حيل حيل السالفه اتحر والله البلا كله من هالام

 

[StrOnG WoMeN]

حبيبتي انا حطيت الموضوع السابق وبانتظار ردج

تسلمين حبيبتي وانا متابعه معااااااج الموضوع
هذا مريض نفسي ماقدر اقول 100%
اقدر اقولج 99%لازم يوقف عند حده اخو خطر على بيتهم والله قلبي عوررررني ومشكوره تعبتج باعادتج القصه
بس بليز لازك تودونه طبيب حرررررررام جذي الله يهدي اهو المشكله مو خايف الله بسوالفه الله يهدي ويصبر اهله
ياربي حيرتيني
لازم تلقون حل وان متابعه وياااااج الموضوع عطيني الخبر حبيبتي
خل احد كبير بالعايله يدخل يحلها
الله يهدي انشاء الله عشان خاطر الاهل​

 

[العاطفية]

الام نوعيتها ماتفكر تعرفون النوع الي المهم ما انفضح المهم الناس ماتعرف سالفتي وعقب مانفضحت والناس درو عن الولد بالطب النفسي طلعته مثل ماقتلكم وشقالت؟قالت تعالج ومافيه شي وليدي الحين عاقل وبعد عمري شايلني شيل!! كل هذا عشان كلام الناس!!!!!!!!
وغير جذي اهي تموت على هالولد تخيلو عقب ماطقها شتقول؟تقول حرام كسر خاطري قاعد يشرب زقاير وشكله متضايق!

 

[العاطفية]

(كسرني الهم) حبي لا شكر على واجب حبيبتي اشكرج عالمتابعة بس صدقيني ماكو حل الام رافضه كل الحلول البنت رفيجتي قالت لاختها الكبيرة وماكانت تدري لان الام ماترضى احد يدري غير ولدها الكبير والبنت رفيجتي لكن رفيجتي انفجرت وقالت لاختها شسوت الاخت؟ولا شي ماسوت ولا شي لان تعرف الام عدل ماتبي تعور راسها معاها وماتبي تدخل نفسها بمعمعة مع الام الي تموت على هالولد حتى الخدم ماسلمو منه 24ساعة طق فيهم وكلام وصخ والعياذ بالله..من جذي قلت مابيدي غير اني ادعي عليه واطلبكم تسندوني بهالحل الي صج يعور قلبي لكن مابيدي غيره

 

[روح الدنيا]

لا حول ولا قوه الا بالله ..


حسبي الله ونعم الوكيل

 

[نونيا]

لازم احد يتدخل هالحال ما ينسكت عليه شوفي العمام اخوان الابو لازم يتصرفون خليهم يدقون على الطب النفسي و بسكات ياخدونه والام ودوها اي مكان على شان ما اتشوفه واتوقفكم
واللله ييسرر امووركم

 

[pama girl]

لا حول و لا قوة الا بالله العلي العظيم


ماكو فايده بدام الام راضيه عل وضع


فبجذي راح اتشيل ذنب ريلها و ولدها وعايلتها كلها



بسبت سلبيتها وسكوتها الي مخلي ولدها متجرئ عليهم جذي




مااا اقوووول الا الله يرحم الحال

 

[زيتونه مرت باباي]

حسبي الله ونعم الوكيل

الولد وااايد تمادى مو واشوي

والمفروض امه وابوه مايسكتون له من البدايه شنو اخليه عشان كلام الناس : /

بس ماللحين ماينفع شيء غير الدعاء الله يفكهم من شر ولدهم

ولازم الاهل اخوه اعمامه يتدخلون ويوقفون الولد عن حده سواء يدقون عالطب النفسي ولا الشرطه شيء ماينسكت عنه

يمكن اشوي كنت قاسيه بس حرني هالولد

الله يرحم حال االام والابو

 

[على وجهها سمة الأبرياء]

حسبي الله عليه

هذا من ردات امه الحمدلله والشكر

ربي بيحاسبها اهي على كل اللي صار

 

[الكويت غالية]

لا حول ولا قوة الا بالله العلي العظيم

الله يعينهم اعوذ بالله مو ولد هذا عدو

بس انا مستغربة من سلبية الام عاااد تحب ولدها بس مو لهذه الدرجة

يعني واضح ان هالولد مريض عقلي والا انسان صاحي ما توصل فيه لهدرجة

ويبيله علاج كلموها انتم وقولولها انتي تحبين ولدج عالجيه احسن لا تموتين على ايده

وبعدين وين اخوه الكبير خله يتصرف معاه

وعسى الله يستر علينا بكبرتنا ويحنن قلب عيالنا علينا اللهم امييييييييين

 

[دمعه حزينه]

حسبي الله عليه ونعم الوكيل فيه

حسبي الله عليه ونعم الوكيل فيه

حسبي الله عليه ونعم الوكيل فيه


ربج بوري فيه يوووم بس نطروا لان الله يمهل ولا يهمل ..

 

[تسوااهن]

انا بفهم علاقة العنوان بالموضوع..؟!

 

[*تسواهن*]

حسبي الله ونعم الوكيل على كل ولد عاق باهله
لاحول ولا قوه الا بالله