ابوي مسحور وابي شيخ ثقه يطلعه الله يخليكم

[Behtar]

السلام عليكم
الله يخليكم طالبتكم ابوي مسحور
ونبي شيخ يقرا ومضمون وثقه
مو نصاب بس يطق بالعصا ويسحب فلوس
ابي واحد شفتوه طلع سحر ووخر العين من ناس تعرفونهم
مو سمعتوا ابيكم متاكدين ابوي اغلا ماعندي
مابي اتعبه بالفراره بين نصابين
تكفووووووون تكفوووووون والله حالتنا حااله
والله المستعان

 

[حضن امى]

لاحول ولا قوة الا بالله
الله يشافيه ويعافيه
حاسه فيج وان شاء الله البنات ماراح يقصرون

 

[A_M_A]

آستغفر الله يارب

آلسسحر صآر حلآآو هآلآيآم لآحول ولآقوة آلآ بالله

والله بنـآآت منتشر حييل مو شوية يآرب تحمينـآ

الله يشآفي آبووج ويحفظه لكم ويفرج همكم

عآجل غير آجل

 

[KOKO_284I]

ربي يشافيه ودوه حق بهمن يسويله حجامه

في روايات عن النبي صلى الله عليه وسلم ان الحجامه تبطل السحر

 

[اشراقه]

الله يشفيه عندكم شيخ مشهور اسمه عبدالله الخليفه ناس كثيير كتب الله شفاها على ايده..وله موقع موقع على الانترنت

 

[Behtar]

والله لو تدرون شصاير ابيتنا والله والله والله الوضع مدهور
وابوي تعبااااان تعبااان وابوي ماقدر اعيش من غيره اهو الي ضافنا حامينا حتى من ازواجنا
اااه يابوي حبيبي

 

[حلا الشمآل]

أختي الكريمه ,

لآ حول ولآ قوه إلا بِ الله ,
حسبنا الله على كل سآحر/سآحره ..

الله يشفي والدك شفاءا لا يغادر سقما ,
عآجل غير آجل و أن شاءالله يفيدونك البنات ,

الله يقويكم و يصُبركم بِ أذنه

 

[Behtar]

عبدالله خليفه جم رقمه

 

[ام شاهين الشاهين]

السلام عليكم

حبيبتي مايشوف شر ان شا الله والله يخليه لكم
وحسبنا الله ونعم الوكيل على كل من يتعامل بالسحر ويضر المسلمين
حبيبتي بقولج شغله عن تجربه وقناعه
الشيخ مع احترامي للكل شنو يبي يسوي له ؟ يبي يقرا عليه يرقيه يعني
انتي وخواتج واخوانج لو كل يوم واحد منكم يرقيه
حطوله ماي زمزم واقروا فيه ايات الرقيه وابطال السحر بيتعافى باذن الله
ودوم اقري عليه ... الفاتحه والمعوذتين والصمد
وحطي ايدج على راسه واقري هالكلمات وربي عجيبه عن تجربه
بسم الله بسم الله بسم الله
اعوذ بالله وبقدرته من شر ماتجد وتحاذر 7 مرات
وان شا الله خير
وعندج بعد شريط للشيخ خالد الجبير اسمه قلوب مأسوره محدد فيه أيات رقية السحر

ومثل ماقالت اختي كوكو سووله حجامه
عندج الاستاذ فهد البناي استاذ حجامه
بصراحه ما اعرفه ولا جربته بس شفته بالتلفزيون و يمدحونه
حطي اسمه بالنت وشوفي شيقول

والله يقومه لكم بالسلامه ويجازي من كان السبب

 

[طموحه بزياده]

الله يشافيه يارب

ان شا الله البنات يفيدونج

 

[Behtar]

جزاكم الله الف خير
ماعندي مشكله اقرا عليه
بس مايرضا يقول انا مو مجنون حسيت يحاول يتهرب
واحنا متزوجات والله اني احاول قد ماقدر
والي اعرفه تأثير قراية المشايخ اقوى عالجن عشان مايطول وبسرعه ينفج السحر
انا اعرف منو ساحره تهقين هالشي ممكن يساعدنا ؟

 

[Habooon]

واي حبيبتي الله يفرجها عليكم , لا حول ولا قوة الا بالله

انا اقول ودوه عند شيخ احسن لأنه ابوج ريال و اذا استحضر الجن اللي فيه رح يكون قوي و يمكن ما تقدرونله شيخ و اخوانج موجودين احسن , بس والله ما اعرف شيخ ثقه , اتمنى يساعدونج البنات

 

[بآتونيآ]

ربي يفرج همكم يارب ويذهب عنه السحر بالقريب العاجل اللهم امين

 

[اشراقه]

ماعرف رقم الشيخ بس لم موقع وله مقاطع رقيه على اليوتيوب

بس الشيخ مشهووور وعالج حالات كثيره سحر ومس..

 

[عبالي حبيبي]

الشيخ ابو خليفه من تجربه شيخ خايف ربه واخر همه الفلوس

يطلع للبيت اذاتبون

بدزلج رقمه على الخاص

 

[mona q8]

الشيخ ابو خليفه من تجربه شيخ خايف ربه واخر همه الفلوس

يطلع للبيت اذاتبون

بدزلج رقمه على الخاص

قصدك ابو خليفه اللي بالجهراء
اذا هو والله خوش ريال ومايرقي ببيته
ييچ البيت ويرقي
حبيبتي صاحبة الموضوع الله يشافي الوالد إن شاء الله
ويشافي جميع المسلمين
أنا وامي قالولنا المشايخ اننا مسحوورين
وما خليت شيخ مارحتله والله كلهم ماخذينها تجاره
ومره رحت لشيخ معروف عندنا ولما أخذت منه الادويه
شكيت بامر الادويه وكلمت شيخ عن الادويه وقالي انه جذاب ويحضّرهم بالادويه
أنا الحين كل يوم اقرأ البقره وأقوم الليل والحمدلله ان شاء الله اشفى

 

[قحطانيه ذربه]

ياحياتي انتي والله حاسه فيكم حييييل
اسمعي كلامي
اول شي خلوا ثقتكم بالله كبييييييرة بالدعاء
واعلموا ان البركة في القران وليس في الاشخاص انما هم سبب
اذا تقدرون تجون عندنا بالسعودية تقولون له مثلا بناخذ لنا عمرة يبه ومن هالكلام
تاخذون ما زمزم وشربه يكون دفعات كبيره ويملى بطنه بالماي حيييييل لين خلاص يحس انه بيستفرغ تكرمين ويمكن يخرج معه السحر
هذي هي الطريقة الصحيحة للتشافي بالماء
بالنسبة الرقية أنصحك بالشيخ ابراهيم الرويس العتيبي في الرياض ويجي على قناة المرقاب مفسر أحلام هذا مشهوووووور ماشاء الله عليه
وعنده خلطة مجرية لفك السحر وعلاج العين وغيرها أبحثي بقوقل وبتلقينها ويقول هي لوجه الله ما يبغى منها اي مقابل
وعندك رقية الشيخ السدحان مشهووووووور ماشاء الله عليه
حملي الرقية بالنت وتراها مجربة وتشافى كثير بعد الله بسببها
وخلطة الشيخ الرومي أبحثي كلها بالنت
والأمر المهم. بما انك تعرفين اللي ساحرته ومتاكده مليون بالمئة من هذا الشيء
أخذي معك شيخ وأي رجل امن شرطي وروحوا يم بيتهم وخلي الشيخ يثبت انهم ساحرين أبوك والشرطي يهددهم اذا ما طلعت السحر كله
حتى تعترف وتودين العمل لشيخ مشهور يفكه
حسبنا الله على من كان السبب
اتمنى تسوين كل اللي قلتلك عليه
اسال الله العظيم رب العرش الكريم ان يعجل بشفاءه
وعسى الله يطول بعمره ويخليه لكم ويرزقه الصحة والعافيه عاااااااااجلا انه على كل شيء قدييييير
وخلي ثقتك بالله كبيرة حبيبتي "