ابوي حرمني منه من صغري .. و الحين كبرت و بوصل رحمه يصرفني :( !

[NoNoSha Al-3oba]

السلام عليكم

انا اللي نزلت موضوع " احصلها من وين ولا من وين "

هذا ..

http://www.q8yat.com/t960645.html

طبعاً ابوي انا مو شايفته من زماااااان :eh_s(2):
و مااقدر حتى اتحجى فيه
الله يسامحه بس على اللي سواه فينا

..

نزلت الموضوع اللي قبل
قالوا لي البنات كلميه يمكن بعد اللي سواه
يحن قلبه و يوضكم عن اللي فات

لكن الصدمه
اليوم دقيت عليه بس بقوله يبا عيدك مبارك
انصدم انه يصرفني انا و اخوي !

اقوله يبا عيدك مبارك
يقول لي انا مو فاضي الحين
سكت و سديته
دقيت مره ثآنية
ما يرد
دقيت هم
قلت له يبا انا ماابي شيء
بس ابي اقولك عيدك مبارك
جان يقول ايامج سعيده
و سده حتى ما قال مع السلامة
و هم لما دق عليه اخوي قاله كل عام و انت بخير يبا
قاله زين زين مو فاضي

طبعا بتقولون جذابة مااكو ابو جذي
لكن هذا اللي صار وياي

ليش يسوي جذي انا ماابي منه شيء
و القهر ان انا دقيت اول مره الصبح
يعني الكل يهنيء الصبح
شنو مو فاضي !
يعني انا اخر شيء بنتك
و ما سويت لك شيء
ولا انا عار عليك
ولا ماخذه شيء من حلالك
حتى الكلمة مستخسرها فيني

شسوي ؟
يعني اذا ما دقيت قالوا قطعت صلت الرحم
و اذا دقيت ضايقته و صرفني

 

[قسوة الزمن]

طاف لا تدقين ولا شي

 

[سكوتي بذوقي]

الله يهديه ويحنن قلبه عليكم يارب

لاتضايقين اختي الغاليه

الله يفرجها عليكم يارب وابوكم يهتم فيكم

 

[cba girl : )]

الله يعينج

ويحنن قلبه عليج وعلى اخوج

 

[!witcha!]

حياتي الله يعينج

 

[ساره أمها كويتيه]

أصبري حبيبتي الله يكون بعونج
المهم خليج متواصله معااااااااه
واذا يتضايق من اتصالج أرسلي له مسج
زوريه في بيته وارسلي له هدايه
سوي الاشياء اللي هو يحبهااااااااا
مصيره يحس بغلطته وتقصيره
الله يحنن قلبه عليكم ويألف بين قلوبكم
ياااااااااااااااااااااااااااارب

 

[فيونكه..~!]

.
.

آلله ة يععينك ويفرج هـمك يآأرب

.
.

 

[خفايا البحر]

ماعليه
واصلي ابوؤج

 

[ليناالعالية]

حبيبتي دقي عليه مرة ثااانية مو مشكله يمكن هو بالعيد بديوانية أو صج مشغوول لأن أغلب الناس بيوم العيد مشغولين
دقي عليه وإن شاءالله بيرد
الله يحفظج يعجبني صبرج ماشاءالله عليج الله يفرجها عليج يااارب

 

[دلع العتبان]

ياقلبي قلبج عسى الله يفرج عليج وعلى اخيج حياتي

ادعي عسى الله يحنن قلبه عليكم وانتي سويتي الي عليج والباجي على الله بعد شتسوين اذا دق يسده بوجهه هذا الله وهذا حكمته جايز احسن انه مومعاكم جان عقدكم والله كريم ويعوضج بزوج مثل الابو واكثر اللهم امين ​

 

[مهجدتهم]

انتي اللي عليش تدقين علي وتوصلينه بس دامه هو يسكر الفون ويتصدد خلاص يعني هو ما يبي بس انتي دزي له مسجات بالمناسبات لا تقطعين فيه .. الله يعينش

 

[Unusual]

لاتتصلي عليييه ارسليله مسجات بالمناسبات ..
او كلميييه واتحملي اللي يجي منه ..
يمكن سبحان الله في يوم يحن ويلين ..

ووووكمان ارسليله مسجات كل بين فترة وفترة ..
اطمني عليه واسألي عن احواله ..

مهما كان هذا ابوك والابو ملزووووومة تبرينه لو اش ماكان ..

حتى لو مالقيتي تجاوب اسمك انك سويتي الواجب وتكوني بريتي ذمتك امام الله ..

الله يحنن قلبه ويهديه ويلين لكم ..

 

[جود المري]

أختي الحبيبه أنتي على ثغر عظيم ..

لعل هذا إبتلاء من ربك وصاحب البلاء معروف أنه من خير خلق الله بإذن الله ,,

والدك حتى وإن أخذ مالك فبرك به واجب ..

إنتي ماتبين منه شي ولا ترتجين منه شي انتي بس تصلين رحمك ترتجين ما عند الله جل وعلا

حتى إن صرفك أو ماعانك على بره حاااااااولي حاولي ياقلبي انتي في جهاد

سأل النبي صلى الله عليه وسلم رجل ، وقال : يا رسول الله ! إن لي أقارب اصلهم ويقطعونني ، و أحسن إليهم ويسيئون إلي ، و أحلم عنهم ويجهلون علي ! فقال النبي صلى الله عليه وسلم : (( إن كنت كما قلت ، فكأنما تسفهم الملّ ، و لا يزال معك من الله ظهير عليهم ما دمت على ذلك )) (أخرجه مسلم رقم [22]كتاب البر والصلة ) .

وقوله : (( تسفهم الملّ )) ، أي كأنما تضع التراب أو الرماد الحار في أفواههم .

 

[! بــدويه وآآيــد !]

،


لاحول ولاقوة الا بالله
الله يحنن قلبه عليج

 

[طموحه بزياده]

الله يهديه لكم يارب ويحنن قلبه

 

[زوجة عزيز]

الله يعينكم

 

[Lourdez]

الله يهديه لكم يارب

 

[NoNoSha Al-3oba]

مشكورييين :*

 

[نور خانوم]

يااحبيبتي انتي سويتي الي عليج ياقلبي يعني رايتج بيضه وقمتي بواجبج جدام الله وابوج والحمدالله ..

والله يصبركم ويهدي ابوج وانتي كله ادعي انه الله يسخر قلبه لكم

 

[FeShinGoOo]

وايد ابهات جذي مو بس ابوج
خلاص اهو عايش دنيته ولاهي وانتي جدام ربج ماقصرتي وصلتي رحم بس ابوج مايبي هالشي
فخلاص خليه على راحته واهو يعرف رقمج متى ماحس بتقصيره بيدق عليج ..