ابوي تغير علينا ومب مثل اول خايفة يصير له شي

[حلم ميت]

اقاربي على بالهم احنا عايشين مرتاحين
وكله يقولون لنا عندكم فلوس واراضي وعمارة واي شي نسويه على طول يروحون ينشرون الخبر
يدققون حيل في حياتنا وكل شي لنا يركزون عليه
مايدرون ان الفلوس مب كل شي وياليت ماعندنا فلوس وعايشين مرتاحين
استغفر الله ماادري ليش حياتنا جذي؟؟؟
البلاوي تتحاذف علينا من كل جهه عايشين في ضغط نفسي كبيييييير من عمتي وجدتي وصابرين
غير ان اي شي اسويه مااتوفق فيه
النصيب متعطل مع ان مب ناقصني شي
الوظيفة من تجي اتركهها
الدراسة تسكرت في وجهي كان حلمي اكمل ماجستير ومع الاسف طاااااار هالحلم
استغفر الله اقول ليش ادعي واطلب من الله وانا ادري ماراح يستجيب لي ليش اتعب نفسي اكيد مسوية شي كبير
والله يعاقبني(شنو هالشي ماادري)
الي زاد الطين بلة ان ابوي تعبان نفسيا حييل من تقاعد وقال بيشتري العمارة ماكأنه ابوي الي يطلع ويروح ويجي واجتماعي
الحين صار مايحب يشوف الناس وكله حابس نفسه في البيت وماينام الاكم ساعة في اليوم
وضعف حيل :eh_s(2)::eh_s(2):
صرنا معه على طول مانتركه نجلس معه ونسولف الحمد لله عادي معنا بس اذا يبي يطلع الشارع تنقلب نفسيته

هموم مثل الجبل جاثمة على صدري
شايلة همي وهم ابوي وهم امي الي تعبت نفسيتها من جدتي وعمتي

 

[نفهمها صح]

ابوج
معه عين هي تسسوي اكثر تخليك كانك مريضه
الله يعينكم يارب

 

[Laidy n3ooma]

اكثر الواصدقات والزكاه طلعوها بوقتها ..

وتحملوا من المال الحرام والربا والرشاوي ..

حطوا سوره البقره بالبيت وطول الليل بالصاله ... واكثروا الاستغفار

وان شاء الله همومكم تنفرج

 

[عبير العنزي]

قال تعالى:}أَمْ يَحْسُدُونَ النّاسَ عَلَىَ مَآ آتَاهُمُ اللّهُ مِن فَضْلِهِ فَقَدْ آتَيْنَآ آلَ إِبْرَاهِيمَ الْكِتَابَ وَالْحِكْمَةَ وَآتَيْنَاهُمْ مّلْكاً عَظِيماً{[النساء:54] ، ويقول تعالى : }وَمِن شَرّ حَاسِدٍ إِذَا حَسَدَ{

وقال رسول الله صلى الله عليه واله

إذا رأى احدكم من اخيه ومن نفسه ومن ماله ما يُعجبه,فليبركه,فإن العين حق




حياتي هذا رابط فيه ايات وادعيه لاإبطال العين والحسد

ومن اعراض المحسود هو نفوره من المجتمع

والله يختي الناس عبالهم اللي عنده فلوس مرتاح وطايحيله حسد

مايدرون بحياتنا كلها مشاكل وهموم الله المستعان

على قولت اهلنا لو ما الحسد مامات احد


الله يحفظ لكم الوالد ويطول بعمره وديرو بالكم عليه

انا بعد سمعت من دكتور نفسي ان الانسان بعد سن التقاعد حالته النفسيه تتعب

تصدقين حتى ابوي اغلب وقته بالبيت؟؟؟

روحو للعمره وغيرو جو

والله لايوفق كل حاسد



http://www.khayma.com/ashab/almaas_malafaat/aun.htm

 

[asoomh]

... يالبىىىى قلبج حبيبتي

الله يعينكم استغفري ربج كل يوم وانشاءالله ربي يفرج عليكم ..

 

[ام زهقانه]

ليش ما تثقين بدعاء لله علشان جذي الله ما يوفقك يا اختي اكثري من استغفار

 

[راقية بذوقها]

اختي اتجهي بسرعه لربك ونصيحه سوره البقره ماطفونها ببيتكم لين تتحسن الاحوال ورشي على بيتكم سدر وملح خشن وادعي ربك باخر الليل لو ركعتين تصلين وعقبها الدعاء بالفرج وكثروا من الاستغفار والصدقه كل يووم لو بمبلغ زهييد وحصنوا نفسكم بالمعوذات والفتحه واية الكرسي واقري انتي لابوج سوره البقره والمعوذات على ماي وخليه يشرب ويتسبح فيه وربي معاكم

 

[روانتي 12]

وقفو عمتج و يدتج عند حدهم ...لا يدتخلوون بشي مايعنيهم

 

[كنوشة 2009]

رب العالمين اذا حب عبده ابتلاه علشان يمتحن صبره
وهذا ابتلاء وما يجوز تقولين ليش ادعي لان الله ما يستجيب دعائي
استغفري ربك واكثري من الدعاء
ودايما اي واحد يتقاعد وخصوصا الريال في بداية التقاعد لازم يحس بالضيق
بس لما يتعود يصير عادي ويتعود على الوضع
والله يعين الجميع

 

[ام ميميتو]

الله يعينكم حبيبيتي البيوت ما تخلى من المشاكل كثرو من الادعيه والله يفرج همكم

 

[الغاليه ام احمد]

حبيبتي الله يعينكم هذي اكيد عين نفس قويه عليكم

زيدي الدعاء وقراءة القران بجميع الاوقات وان شاء الله بمرة ملاك وانتي تدعين ويقول امين

وروحوا عمره انتي والاهل وحصنوا نفسكم

زكوا وتصدقوا والله يصبركم ويريح بالكم