ابوي الله يهديه يارب ناسي اني متزوجه

[مع الخيل ياشقره]

بسم الله الرحمن الرحيم

والله مادري شلون ابدي:bbbiu:

السالفه ان ابوي الله يهديه عليه حركات كرهتني اروح بيت اهلي

انا الكبيره وتحتي ثنتين اصغارانا متزوجه وعندي صبيان اثنين ولدي الاخير

لما كنت بالاربعين دقيت علي زوجي وقلت ابي الصالون المهم رحت الصالون الساعه

11 وسويت حنه وتعرفون الصالون زحمه خصوصا رشنه خلصت وحده الظهر وانا بالطريق

دق علي ابوي وشرشحني انتي وينج ليش تاخرتي قلت انا مع زوجي والله يابنات يزف فيني جنه

طالعه مع رفيجي مو زوجي هذا موقف والموقف الثاني يوم صبغت شعري قاعد يصرخ يقول

ليش تصبغ شعرها لا والمكياج لايشوفني حاطه يووووو والله بالعيد كنت كاشخه وسلمت عليه

وعايدته حقرني ولارد علي جدام عماتي وبناتهم عاد سبحان الله كله يمدح في بنات عمي كل

ماشافهم للعلم مايشوفهم الا بالعيد وفول ميكب وصبغ وحركات وعيالي اذا بطلع اقطهم عند امي

مع خدامتهم يقعد يهاوش ليش تطلع ليش قاطه عيالها علينا

والله كرهت اروح بيت اهلي مادري شنو اسوي

 

[كسرنى الهم]

الله يساااعدج
لاصرتى بترحين بيت اهلج لا تكشخين خليج
طبيعيه او ايذا بتكشخين يكون ابوج مو موجود
بلبيت لان صعب التافهم معاه او تعصين امره مهما كان ذا ابوج
ويمكن اهو مومتعود عليج يشوفج جذيه وانتى بنت
فا مومتقبل الموضوع وعيالج لا تخلينهم بيت اهلج
خذيهم معاج لحد ماتتعدل امورج مع ابوج طيب ليه
ماتجلسين معاه وتفهمين منه بظبط ليه يرفض جذيه وليه
يدخل لصرتى بطلعين وانتى متزوجه المفروض مايدخل
فيج وين رايحه وين جايه انتى حاولى تخلين امج تكلمه تعرف منه
ليه جذيه او انتى كلميه وشوفى ليه
الله يسهل امورج يارب

 

[نعوووووومه]

والله مادري شي غريب الصراحه ابوج شكله يتحكم فيكم حييييييل ومتعود من قبل يتحكم فيج منشان هيك متعود شلون يغير طبعه صار طبع عادي حياتي هذا ابوج تحملي يمكن عادج مثل خواتج مثل مايحاسبهم يحاسبج ومايبي يفرق بينكم بالعكس هذا شي حلو انه مايفرق

 

[الـــغـــلآ]

الله يخليه لج و يطول لج بعمرهـ

 

[أعشقه]

والله جاتني الضحكه شكل ابوك هذا ابوي ليكون ابوي متزوج امكم ههههههه امزح
بس والله نفس ابوي .. وحتى اللبس ابوي ترى مايرضى نروح بيتنا ولابسين بونطلين ولا تنوره قصيره ولا شي ضيق
يبي نلبس جلابيه او نجلس بعباتنا لين نمشي لبيوتناااا مكياج والله في المناسبات مانخليه يشوفنا
من يشوفنا وهو يصوت ويصارخ ويهاوش ونفس الشي مايبي نودي عيالنا لمي او لخواتي يمسكونهم
يقول تجلس هي بعيالهااا .. واحيانا يرضى لعيالنا يرحون ع حسب شكل مزاجه
عادي اخذي وخلي

 

[| تفاصيل |]

الله يخليه لكم

 

[ســتارز]

ياقلبي الله يهديه ويحط في قلبه اللين والرحمة عليج

 

[ايطاليه]

وااااي سبحان الله جنج تتكلمين عن ابوي

الله يعينج

 

[غلآ نوآف]

واي جنه عم ابوي بالضبط جذي

اووف الله يعينج

 

[حبيبي فهوودي]

اب اب

 

[ياغفور اغفر لي]

الله يهديه اقري سورة البقرة يمكن عين صايبته

 

[أخر العنقــــود]

في اباهات حتى لو اتزوجوا بناته مايتخيل احد ثاني مسوال عنهم...يحس انهم لسى بناته الصغار الي يتحكم فيهم


الله يخليه لكم ولا يحرمكم منه...

 

[دلع العتبان]

صحيح لارحتي لاهلج لاتكشخين مثل ماقالوا البنات فيه شياب الله يهديهم مايحبون المكياج والكشخه وسايري ابوج والله يوفقج ويعينج على بره

 

[حلا روووحي]

'

'

'

'



الله يخليه لكم ولا يحرمكم منه

 

[ملح على الجرح]

صحيح لارحتي لاهلج لاتكشخين مثل ماقالوا البنات فيه شياب الله يهديهم مايحبون المكياج والكشخه وسايري ابوج والله يوفقج ويعينج على بره

أنا معاك

الله يخليه لكم ويطول في عمره ع طاعته

 

[غمزه وإبتسامه]

حياتي يمكن متعود انه مسوؤل عنج وخايف عليج

 

[Queenleo]

كبرتي او صغرتي
بتمين عنده بنته ولازم يدير باله عليج

 

[مقمش لولو]

عسي الله يخليه لج

ترى من زود حبه لج...على باله ليلحين بنته الصغيره خلاص عمره ماراح يحس انج كبرتي

 

[قطوووة]

عاااااادي

 

[اميره1980]

حتى لو تزوجتي حبيبتي بيظل ابوج و يغار عليج لمن تحطين مكياج او تطلعين
مثل ما قالو البنت اذا سيرتي على بيت اهلج لا تحطين مكياج او خففي منه حيل و الكلمة الطيبة بديها و قولي حاظر و ان شاء الله يطخ
و اكيد ابوج ريال كبير و تهمينه