ابني مولود بست اصابع .....افيدوني

[فوديتني]

السلام عليكم

اتمنى منكم المساعده واذا احد مرت عليها مثل هالحاله او سمعت عنها تفيدني بالنصايح

انا والده من اربع شهور تقريبا عندي ولد الله يحفظه طلعت له ست اصابع في يده اليسار
الاصبع الزائده شابكه مع الابهام :eh_s(2): الحمد لله على كل حال

الدكتور قال سووله عمليه على عمر السنه بس انا وايد خايفه ماادري العمليه سهله او لا
وهل لها مضاعفات ؟؟

شو نصايحكم لي :eh_s(16):

 

[hooryah q8]

وعليكم السلام ورحمة الله وبركاته

ماعندي فكرة للاسف
بس اذا شكله عادي و مو مشوه يعني خليه ليش العملية
وايد اشوف ناس جذي و عايشين حياتهم الطبيعيه
بس اذا شكله مو طبيعي استشيري اكثر من دكتور قبل لاتسوين اي شي
اعتقد عمر سنه اصغير على هالعمليه!! استشيري اكثر من دكتور
والله يوفقج حبيبتي و يخليلج اوليدج

 

[فوديتني]

يعطيج العافيه يارب هذا اللي بسويه لكن هم قلت اسال واخذ تجارب

الاصبع شوي طويله وواضحه يعني شكل ايده مو حلو ابد ....والسبب الوحيد خوفي عليه لما يكبر ويتعقد من تعليقات الناس والاطفال اللي بسنه في المدارس

بليز بنات انتظر ردودكم

 

[الحللللوه]

لاعاادي حبووبه تنزال بعمليه ولاعقده ولاشئ

اهم شئ شيلووها قبل يكبر ويحس ويشووفها

 

[@ام يوسف@]

الله يخليه لج وعادي يشيلونه بعمليه

 

[meen_ana]

شليها دام الدكتور قال لج ومامن خوف ان شالله

 

[بـسمـه غـلآ]

عادي حبيبتي لا تحاتين الحاله مو غريبه

عيال جيرانا عندهم ست اصابع بس بريولهم فما شالوها لان مو باينه حيل ومو ماثره عليهم

اما اخو رفيجتي نفس حاله ولدج بيده وجنب الابهام وسوا عمليه وشاله وعادي ما اثر عليه

ولا شي الحمد لله توكلي على ربج واسالي اكثر بالموضوع عشان ترتاحين

 

[((غلاي))]

الحمدلله ولدج لا مريض و لا شي
اصبعه الزايد الظاهر طفرت جينات

عادي توكلي على الله و سويله العمليه

الله يخليه لج يااااااااارب

 

[عاشقه الاسمرانى27]

الله يشفيج لج يارب وتوكلى على الله وسويله العمليه

مافى منها مضار ياعمرى أختى الله يسلمج لها 6 أصابع بس بريولها عزج الله وأبوى الله يرحمه خاف يسويلها عمليها بس اهى ما فيها الا العافيه وما تشتكى من شئ​

 

[انثى الكويت]

اول شي في معتقدات بالهند الي ينولد ب٦ اصابع فهو انسان محظووووووووووظ وايد

وان شاء الله يكون ولدج محظوظ

وانا اقوا سوي العملية وتوكلي لان صغير وماراح يحس ولا منتبه عنده ٦ اصابع

استخيري اول وان شاء الله ماكو الا العافية

 

[MsKeNa]

توكلي على الله وسويله العلميه
ماعليه شر انشالله

 

[om MaRyooM]

طبعا توكلي على الله ولاتخافين وسويله العملية
من بعد الاستخارة



ماله داعي تترددين

وانشالله مايشوف شر ويقوم بالسلامة ويخليه لكم

 

[q8helwa]

الله يشفيه

 

[noo7a]

اذا الدكاتره قالولج العمليه سهله و مافيها خطوره توكلي على الله و سويها
دام ان صغير لي الحين

لان هالاصبع بمكان ظاهر بجسمه
و اليهال وايد يتحرشون ببعض خوفج باجر اليهال بالمدرسه يضايقونه و يكره المدرسه و ينعزل من الناس بسبه هالسالفه

 

[AVE.NJ]

روحي اكثر من دكتور
والخيره فيما اختاره الله

 

[كويتيه ذربه]

نفس ماقالوا البنات شوفي اكثر من دكتور وتوكلي على الله وسويله العمليه
عالاقل الحين صغير يلتئم مكانه بسرعه وان شاءالله يقوم بالسلامه والله يشفيه
والله يحفظه يااااااااااااااااارب

 

[тšωα 3чooич]

حبيبتي لاتخافين ولاتحاتين
انا بنت خالتي جذي بس كان بريولها وسوت العمليه والحمدالله كاهي تهبل شحلاتها مافيها شي

اصلا خالتي ماكانت بتسوي لها العمليه بس كان يضايقها لما تلبس الجوتي وانتي بكرامه وجذي والحمدالله والله سوتها ومافي اثار ولا مضاعفات

توكلي على الله وسويها والله يقومه لج بالسلامه يارب

وطمنينا

 

[ديانا سبنسر]

اذا مافي خطورة توكلي على الله وسويها

 

[Q 8 Y A t]

بالبداية بالممبارك النونو والله يجعله من الذرية الصالحه

ولد عمي له ست اصابع واسم الله عليه الحين عمره ١٤سنة

امه وابوه ما خافوا وهو صغير قالوا هو اذا كبر يبي يسوي العملية يسويها

امنوا بالله وتوكلوا عليه. واسم الله عليه رجال


والله ما اسوف احد جاب طاري الاصبع السادس الى يوم هذا

مع انه مبين وايده واضحه

بس سبحان الله الامر طبيعي كانه مصلنا بالضبط


انتي قولي كلمة وحده


يارب فوضت امري اليك
واكثري من الاستخارة



واذا كبر سنة او سنتين عاد انتي شوفي نفسج وششوفيه هو


والراي لج


لا تخافين ابدددددددددددد

بالمرة

 

[(( تعب قلبي ))]

اب اب