ابمووووت من الغيرة

[ام فهد5]

صباح الخير ...

انا غيورة جدا على زووجي يعني مثلا شيء بسيط اذا مدح الشغاله قال طبخها لذيذ بسرعه تتعلم قلبي من داخل يشب ضووو
ومثال ثاني اذا ودى مرة اخوه ويهتم بعيالها
ادري انهم عيال اخوه بس شسوي

انا اهني داخله افضفض واشوف حل مو داخله علشان اسمع من وحدة تقول حمدالله والشكر ومدري شنو

واغير من ربعه بعد خصوصا اذا قاعد يسولف معهم بالساعات
اوا يطول معهم بالديوانيه
وفي شغله ثانيه بعد نظرات ريلي تذبحني اذا قعد يطالع بخواته جنه معجب فيهم ادري بتقولون اخوهم بس مدري الغيرة ذابحتني

 

[GaLaXii]

الله يهديج بس..
اهم شي الريآآل زين باخلاقه ؟
خلاص شلج بالمشاكل ..يمآآ يالحريــم بس

 

[woman81]

حبيبتي احسن حل عندي انج تنتحرييييييييييييييين عشان لا تشوفين شي ما تحترين هههههههههههههههه
انا نصحتج وكيفج والباجي عل البنااات الحين فدييييتج

 

[الأميرة جوري]

هذا دليل انج تموووووووووووووتين فيه لدرجه مو طبيعيه او انج توج متزوجه مع العشره بتخف ...لاتبينين له وكل اللي ذكرتيهم من مواقف ماله داعي اصلا تحرقين عمرج لانها مواقف عاديه ..ديري بالج علي صحتج

 

[أميرة زوجي أنا]

لا تبينين لة اعرف وحدة نفسج ولا وتعاتبة ليش تمدح وليش تحب بنات اخوك وايد والحين مشاكلهم على هذا الشيء التافه

 

[ايمانو حلوة]

الحمدلله والشكر

 

[مولاي الفرج]

اي شي يمدحه قوليله اي حلو وطوفي الموضوع

اذا بكل كلمه ادققين راح تموتين قهر لان يمكن حتى لما يمدح شي بدون قصد بتفهمينه غلط

حرام راح يتضايق وانتي تتضايقين

خلج ثقه

 

[ام فهد5]

اللي تقول حمدالله والشكر وتتطنز هذا اذا انتي مو اخس مني
يلا طسو بس

 

[احلى ـآ وحده]

استغفر الله يارب

على خواته وعلى خدامه

الحمدلله والشكر

غيره سخافه

 

[امل يائس]

تغارين من الخدامة و مرت اخوه و خواته و ربعه ؟؟؟؟ شتقرب لج حلوه و دلوعه؟

ايه ما الومج صراحه ممكن يتزوج الخدامه او يحط مرت اخوه على راسج او ياخذ وحده من خواته او واحد من الربع صح ممكن؟

شهالخبال ليش تجيبون النفسكم المشاكل و الوسواس قولي استغفر الله رب العرش العظيم

حراااااااااااام هالافكار الوصخه شفيكم

 

[ظل الياسميـن]

الله يهدييج
ما كو الا العافيه بس انتي لا توسوسين
اذكري الله
لا تضيقين خلقج على شغلات تافهه
ما وراها الا مضرتج

 

[مزاجي بمخباتي]

كل ماشفتي شي جذي استغفري وصدي
وغيري وضعج اذا قاعده اوقفي والعكس
هذا ابليس اعوذ بالله من الشيطان الرجيم يوسوس لج

 

[مزاجي بمخباتي]

كل ماشفتي شي جذي استغفري وصدي
وغيري وضعج اذا قاعده اوقفي والعكس
هذا ابليس اعوذ بالله من الشيطان الرجيم يوسوس لج

 

[فيونكه الماسيه]

:krkrkr:انتي غلطانه من الاول دامج غيوره ومن اقل شي يسوى ولا مايسوى تغارين ليش ماخذتيلج واحد يتييم عشان ماتغارين من اهله

او انطوائي عشان مايصير عنده ربع:eh_s(10):

والخدامه لاتحطين خدامه وتعلمي تطبخين :ggdw:

والله مافي احلا من هلحلول :lololoe:

 

[احلى بنت بالدنيا]

اهم شي صفي النية .. واحسني الظن فيه .. اهوه اختارج وتزوجج انتي ماتزوج نص الكويت

 

[Tulips]

انتي شكلج حتى من الهوا تغارين عليه

بدال ما الخدامه تطبخله انتي طبخيله

عيال اخوه مافيها شي ائا طلعهم و ونسهم .. عديهم عيالج

اما انج تغارين من خواته وشلون يطالعهم فاسمحيلي انتي حدج الغيره مستفحله عندج عالجي نفسج قبل ما تطفشين الريال من كل شي تغارين عليه

اوكي الغيره حلوه بس بحدود والشي اذا زاد عن حده ينقلب ضده

 

[white**angel]

حبيبتي هذاا مرض مو غيره وهالشي كلللش موحلووووو

 

[ملكة الغيد]

حرام عليكم ليش ردودكم جذي لو اهيا مرتاحه من غيرتها الزايده جان ما حطت مشكلتها و اطلبت الحل يا عمري انتِ والله حاسه فيج انا مثلج اغار على زوجي من كل الناس انا مابي اغار بس غصب عني ودايما ادعي ربي انو يبعد عن قلبي الغيره الله يعينا و ياج​

 

[شقرديه كيوت]

الله يعينج-واااااااااااجد نفسج

 

[كتكات احمر]

نفس مرت اخوي مو صاحية تغار من الهوا
تغار مني لا ضحكت مع اخوي
ترا السالفة يبيلها علاج روحي عالجي
اذا خليتي نفسج
تراج بتموتين قههرررر اوو تنتحرين فجأة
لا تخلين ريلج اول اهتماماتج لانج بتموتين قبله من الحرة ماراح تتهنين فيه
هههههههههههههههههههههههههههههه