ابلات وطالبات ميداني انجليزي وابلات الحاسوب ممكن تساعدونا

[Dalo3h]

السلام عليكم

انا انشالله طالبة ميداني الكورس الجاي للمرحلة المتوسطه وحابة منكم تساعدوني وتساعدون طالبات الميداني بشكل عام
نبيكم تشاركونا افكاركم للورم اب والراب اب وشلون نخلي الحصة ممتعه ومفيده يجزاكم الله الجنة عشان يكون الموضوع مرجع

ابي تفاعلكم مو تفشلوني بلييييييز

وابلات الحاسوب مالنا غنى عنكم نبي افكار وبرامج لالعاب تربويه وبرامج للتقديم الدروس مثل
prezi &powerpoint
نبي شنو اجدد البرامج للتقديم الدروس وافضل المواقع اللي ممكن تساعدنا وتساعد اي مدرسة

والله يوفق كل وحده ترد ع الموضوع او ترفعه

ناطرتكم وناطره ابداعاتكم​

 

[طالبة1990]

اذا عندج ميزانية زينة

اخذي لج داتا شو

راح يفيدج حيييل

وماراح يضيع عقب

واسعاره حلوه ماتوصل ال١٥٠ بجرير


وعندي لج رواابط وبوربوينت وملفات صوتية لمناهج المتوسطة عجيييييبة


انشالله بس اتفرغ اذكر لج بعض الطرق والمواقع المفيدة

بس انتي تبع اي منطقة تعليمية؟!

 

[Dalo3h]

مشكوره حبيبتي ع مرورج

الله يوفقج

انا ناطره الدوامات لان بعض الاقسام عندهم داتا شو وبعضهم لا اذ ماعندهم اشتري حزتها
منطقة الفروانية التعليمية

وناطرتج حبيبتي

 

[Dalo3h]

شدعوة بنات ثلاثين مشاهدة ورد واحد

ع الاقل اللي ماتعرف ترفع الموضوع

 

[dana1212]

اب اب
موفقه

 

[الأميرة جوري]

لرفع

 

[Dalo3h]

مشكورين حبايبي دانا والاميره جوري ع الرفع


اربعين مشاهده وبس ثلاث ردود

وينكم ابلاتنا وطالباتنا

للحين عندي امل ههههههههه تردون*

 

[Dalo3h]

صبااااح الخير


وينكم ياابلات وطالبات وياابلات الحاسوب

٥٦ مشاهده وثلاث ردود

للحين عند امل ؛(

 

[Dalo3h]

60مشاهدة ولا رد



ويبقى الأمل. صار مسلسل تركي ههههههه


اوكيه ابلات الانجليزي مايبون طيب ابلاتنا الحاسوب وطالباتنا وينكم

 

[Dalo3h]

لعبة hung man
هي لعبة للورم اب ترسمين المشنقة وتسالين البنات اللي جاوب غلط ترسمين الراس وبعدها الايد وبعدين الرجول وجذيه

 

[Dalo3h]

طالبة ١٩٩٠ وينج ناطرتج




77 مشاهده وجاري الانتظار احد يتكرم ويرد او يرفع الموضوع


وينكم ياكويتيات يامدرساتنا وطالباتنا مااذكر فينا نحاسه دايما نحب نساعد والموضوع ودي اخليه مرجع للكل طالبه او معلمة جديده او حتى تبادل خبرات

للحين عندي ثقة وامل فيكم

 

[:::جرحك وفي:::]

هههههههههههههههههههههههههههههههههه

حشا قلبتيها درااما هههههههههههههههههههههه

والله حاسسه فييج ي قلبي ان شاء الله البنات يفيدونج انا مادري شالسالفة

حددي داشه عرض بس جيت اتطمش :$

 

[Dalo3h]

حياااااج جرحك وفي

والله مستغربه للحين محد رد جنا الديره مافيها معلمااااات

هههههههه حبيبتي مو بس دراما بقلبها يمكن استضيف نجوم الدراما التركيه يمكن يحنووووون ابلاتنا

لهدرجه موضوعي صعب مافي احد يرد عليه او يرفعه صدمتوووووني

 

[Dalo3h]

لااله الا الله


ماشاااااءالله للهدرجه الموضوع صعب ١١٠ مشاهده ولارد


لاحول ولاقوة الابالله

 

[Dalo3h]

صبااااااح الخير

 

[Dalo3h]

سبحان الله وبحمده*

 

[Dalo3h]

حشا موضوعي صار كله ردودي


ناطركم ابلاتنا موتفشلوني

ادري مشغولين بالتصحيح وهالسوالف

الله يقويكم

 

[Dalo3h]

وخلص التصليح ياابلاتنا وينكم

بليييييز ممكن احد يعبر الموضوع

 

[tabooLA^_^]

وااااي عورتي قلبي لووول اسمحيلي توني اشوف مووضوعج
المهم
انا الكورس هذا خلصت الميداني -انجلش الحمدالله و اخذت A بعد !!
بس انا كنت ابتدائي عاد مادري ان شااءالله افيدج باللي بقوله
اول شي قد ماتقدرين حاولي تقسيم الدرس بأوقات يعني مو تخلينه جذي على الله لااا حاول تقدرين الوقت اللي راح تحتاجينه لكل ستيب مثلا عشر دقايق worm up و عشرين دقيقه الدرس و الراب اب خمس دقايق ... و هم حاولي تستخدمين اشياء بصريه يعني كثري من الفيديو و البوربوينت ادري متعب بس والله بتنصدمين من البنات اشلون راح يحبون درسج .. بعد شنووو ؟؟؟ المشكله انا مو عارفه نظام المتوسطه الأبتدائي شحلاتهم هدايا و ألعاب و اغاني يستانسون عليهم .. اتوقع المتوسط يبون احد يعاملهم على انهم كبار يعني ..

اي و اول اسبوعين او ثلاث بالتدريس بيكونون اصعب شي و صدقيني اخر الايام بتتتعوديين على التدريس و تحبيييينه
و اي سؤال انا حاضره

 

[طالبة1990]

ياحلووج مستعجلة ع الشقااا

واعذرينا ياحلوة والله تو نتنفس الصعداااء << متعوب عليها

واخييراااا عطلنا

اليوم أحلى يوم سبت بالسنة


أفكار الوورمنغ اب متعددة

بس الرجل المشنوق مايحبونها التوجيه

لان فيها عنف


أنا استخدم مكعب النرد

فكرته حلوة وسهلة

جيبي اي صندوق مكعب او كرتون او اي شي ويكون حجمه صغير يعني كبر الكف

وبتلاقين بمطبخكم حجم مناسب من كراتين المواعين او الاكل او غيره

وجلديه بجلاد ملون اي لون سادة بس يكون فرايحي

وتحصلين بالمكتبات احرف انجليزية تتلزق تكون بارزة

انا حطيت على كل جهة من جهات المكعب حرف يعني تحتاجين 6 احرف

ونفس هالاحرف تحطينها على 6 اظرف صغيرة وتلصقين على ظهر الظرف مغناطيس علشان اسهل لج تعلقينها ع السبورة

وكل ظرف حطي كم سؤال مواقف او تصاريف الافعال يعني اسئلة تناسب كل المراحل لانج راح تمسكين اقل شي مرحلتين

وبنفس الوقت تناسب كل الحصص

وتقدرين احيانا تضيفين سؤال ست بوك او تعريف او اي سؤال

طبعا طريقتها تختارين بنت تطلع وتقط المكعب ع الطاولة والحرف اللي يطلع لها تاخذ الظرف وتقرا السؤال ع البنات وتختار بنت تجاوب عليه

والبنت اللي تجاوب صح تطلع تقط النرد مرة ثانية وتقرا السؤال وهكذاا


انشالله قدرت اشرح لج عدل

واحتفظي في المكعب بعدتج وخليه صغير عشان مايثقل عليج

ومو شرط تستخدميينه كل حصه

انا اخذه معاي ومو دايما استخدمه بس ع الاقل اذا احد دخل علي فجأة يكون في شي عندي

وهالنصيحة الله يجزاها الف خير انصحتني فيها معلمة سورية قالت دربي البنات على لعبة معينة وخليها دااايما معاج

وبكل حصه واذا احد دخل عليج فجأة يكون عندج شي

لان خبرج الحصه قصيرة مايمدي نخلص المنهج اذا كل حصه نلعبهم

وهالنسراات مايفهمون هالشي

يحبون الشوو والخرابيط ويتناسون الاهم وهو المنهج




واذا انتي ناوية على داتا شو باعطيج هاللنك

يهبببل فيه الورك بوك محلول بصيغة بوربوينت

وموجود بعد كتاب الطالب واااضح حيل بي دي اف

وتقدرين تنسخين من صفحة البي دي اف صورة او نص وتلصقينه في اي مكان اذا بنيتج تسوين دروسج بوربوينت

وموجود بعد كل تمارين الاستماع بملفات صوتية

وموجود بعد ملفات صوتية لنطق كل الكلمات الجديدة

الموقع حيل فادني هالكورس واختصر الوقت

قبل كان الوورك بوك هم وغثيث وكريه

الحين صار سهل وسلس وممتع

والله ادعي لهم دايما اللي سووا هالشي المفيد

مو الوزارة وفلاشهم اللي يلووع الجبد

اتوقع لمدرسة ابن عساكر

وبما اننا الحين اجازة

انصحج تسوين فولدرات وتسيفين من الحين كل الشغل الموجود لكل المراحل

https://skydrive.live.com/?cid=db2a15612281f55b&id=DB2A15612281F55B%21183#cid=DB2A15612281F55B&id=DB2A15612281F55B%21103


ودشي البلوق تبعهم

تحصلينه بعد ببلوق التوجيه اقصد توجيه الاحمدي