ابلات شنو احسن اصير ابله بصفي ولا ابله ونص ((ابله بصفين))

[Om_Ksha]

السلالالالالالالالالالالالام .. شلوونكم بلات شخباركم
ابلات انا كنت كارهه مستوى اول الحين تقبلته شوي بس عندي وااااااااااااااااااااااااااحد عن الف طفل مطلعني من طوووووووووووووووووري صرت اتحلم فيه والله .. صرت اكره الدوام بسبته .. فقلت للناظره ابي اصير مستوى ثاني قالتلي اوكي بس تصيرين معلمه بين صفين مشتركه .. وانا وحده عليييييييييييييييييييييميه ومادري شسالفه توني متعينه فمادري شسوي اوافق ولا لا !! ولا اقعد بمينوني لا ايني اين منه !!


والله كنت بالدوااااااااام والناظره قالتلي آخر الدوام عطيني خبر وانا افكر يريت في وايرلس او شي اكتبلكم مشكلتي عشان اشوف خواتي شيقولون .. بس اشوه الناظره طالعه وماعطيتها خبر فيالله همتكم معااااااااااي قولولي من واقع تجربتكم شنو احسن عشان باجر اعطيها خبر ...:ada:

ومشكووووووووووووووورين:tek:

 

[^ليلاس^]

ابلة بين صفين مو جنه راح يصير ضغط عليج لانج راح تقدمين بصفج الاساسي وهم الصف الثاني ؟؟

انا الابلات اللي اعرفهم وكانوا بين صفين يقولون تعب

اهو مستوى ثاني اكيد احسن لان اغلب اليهال عارفين الاساسيات بس بين صفين مو جنه تعب؟

خلج على مينونج؟؟

 

[rr202rr]

ابلة بصفج ومستوى اولى وثاني على حسب الاطفال يعني

 

[عهود الحب]

بعتيها حدج
لايبه الطفل الي مطلعج من طورج اهون بكثير
ابلة بين صفين يعني عليج 4 حلقات و 4 لاصفي
تتحملين ؟
وتمسكين فرصة بصف وعقبها تركضين تمسكين فطور بالصف الثاني يعني تصيرين مجنونة رسمي

وعقبها تطلع لج قرون وتقولين ليت الي جرى ماحصلش ولاكان


اقولج نصيحة
امسكي مجنونج وتحمدي ربج

 

[طيرشلوا]

ياحياتى اقعدى بصفج احسن لج عن تجربة انا السنة اكلت هوا

العن ابو خيرى من التعب لانى صرت بين صفين شهرين وياشايلة اغراضى منية ياجايبتهم منية

جنى الحرمة الزعلانة الى شايلة قشها من بيت زوجها رايحة لبيت اهلها وردت رضت و ربى قمة التعب والارهاق

لا وابشرج تمسكين احتياط بعد وتنزلين فرصة وتاخذين مطعم يعنى من تجين لحد ماتروحين وانتى مثل النحلة ما ترتاحين

اقعدى على هالشيطان الى عندج والا تلقين نفسج بدوامة:krkrkr::krkrkr:

 

[Om_Ksha]

مممممممممممممم

والله مادري شقول كل يوم ادعي انه ربي يطول بالي عليه لانه لمن اشوف ويهه مو بس انقث تنصك فيني الدنيا وبس اتعوذ من ابليس وادعيى ربي انه الله يهديه ويصبرني احس موقادره اتحمله او ابلعه بس يلا علا قولتكم اقعد عاللى عندي عارفتهم وخابزتهم ولا باجر ابتلش اب 40 ياهل مادري جم واااااحد فيهم صاحي ..

بس تدرون شنو مشكلتي ماعرف احاجي الناظره اى شي تقولى اياه اقولها اوكي استحي اردها .. زييييييييين هالمره قلت لها افكر بالموضوع لانه تنحت لمن قالت صفين !! انا واحد وياااااااااالله


مشكوووووووووووووورين حبايبي عالردود وزعلالالالالالالالالالالانه من اللى ماردو لانه صج هذا قرار مصيري وباجر لازم اعطيها خبر ..

ثانكس ..

 

[قصــب سكــر]

لا يحووووووووووووووووشج

اصلا ولا تفكرين مجرد تفكير بهالسالفه

امبيه تدرين شنو معلمة بين صفين ؟؟

يعني انتي عن معلمتين !!

تخيلي تعطين حلقه ولاصفي وفرصه واركان ونشاط وانصراف بنفس اليوم !!

ولمده اربع ايام بالاسبوع تخيلي !!

وعندج يوم مافيه لاصفي يعني راحه ,,

تقدرين تتحملين جذي ؟؟

واذا غابت ابله تشيلين احتياط عنها يعني ما ينسونج

افتكي عن هالقرار والطفل اللي مجننج حاولي تتصرفين وياه بحزم عاقبيه بأنج تعطين كل الاطفال هدايا واهو لا

لا توزعينه على الاركان خليه يشوف ويتحسف ويتأسف لج

بالفرصه لا يلعب خليه قاعد يمج قوليله الفرصه للشطار وانت مشاغب

واذا كلش كلش خوفيه بأي شي قوليله الابله بتوديك صف ثاني اذا ماصرت شاطر

ترى في بعضهم ما يحب هالسالفه

اذكر كان عندي ولد قبل سنتين جنني يوم قلتله بوديك صف ثاني انهار من البجي وعقبها سكت

انا ما اقول شدي حيل عليه كرهيه حياته بس بنفس الوقت خوفيه

واذا مافاد فيه اعرضيه على الاخصائيه ترى هالحالات من اختصاصها


والله يعينج

 

[Om_Ksha]

^
^
^
الطفل اللي مينني ماكو شي ماسويته وتدرين شاللي يقهر .. انه في ابله بالصف اللي يمنا مره زفته ومن نقوله نناديك ابله فلانه ييييييييييموت خوووووووف ويحترم نفسه .. ومره ورب الكعبه نساااااااااااحله عشان نطلع بالانصراف مو راضي يطلع الا الا ياكل بفك مال طفله المهم نادينا الابله بس يت وقالت منو منو هذا اهوا ررررررررررررررركض



انا انقهرت !!


والله ماكو شي ماسويته معاه .. اهوا نوعه حركي حييييييييييل حييييييل وعنيييييييييييييد وصار الحين يطق عادي يطقني وهاليومين بدا يسب وقام يسبني .. عيزت اكلم الاخصائيه والناظره والوكيله عنا ماكو احد ماقلتله عنه وماكو فايده



امس دعيت ربي الله يطول افبالي ويهديني واليوم كلمتني الوكيله قلت لها لا مابي مادري ليش حسيت براحه بصفي واليوم جربت اخليه على كيفه صج هالشي غلط بس ضبط معااااي اخليه يلون عاللوحه وجذي والله لهيته .. بس لا يخرب الوان اللوحه لول اليوم بجرب ايبله دفتر رسم او اشتريله لوحه خاصه وقلم ومتى ماصار وقت الانصراف اخليه يلون علي كيفه .. اهوا من بعد الاصفي يستخف اهوا وغيره .. بس اهوا اوووووووووووووفر















الله كريم .. ومشكووووووووووووورين نبهتووووووووني في ابلات جمللولي الفكره حيل انه بفتره الاركان اكون مو معاهم ومادري شنو .. بس انتو قلتولي شبيصير

 

[^ليلاس^]

اهم اليهال عموما من الساعه 11 او بعد اللاصفي يستخفوون يملون يمكن :dddds:

 

[معلمة متقاعدة]

لا يحووووووووووووووووشج

اصلا ولا تفكرين مجرد تفكير بهالسالفه

امبيه تدرين شنو معلمة بين صفين ؟؟

يعني انتي عن معلمتين !!

 

[Om_Ksha]

اي لالالالالاحظت جذي انه بعد ال11 يستخفوون والله كللللللللللهم تصير فيهم حاله ينون عاد المفروض يطخون من لويه اليوم !! قبل لمن كنت بثواني بعد ال11 محد له خلق الثاني مو هذوووول !!


عاد اليوم من كثر ما يننونا الابله المعاي قالت انا بروح بين صفين !! واذا اهيا راحت انا هم راح آكلها بتم ابروحي جذي أو جذي بتوهق !

 

[عهود الحب]

شوفي كل سنة
يطلع لج واحد ولا اثنين يجننونج حيييييييييل ويكرهونج بحياتج
ويخربون كل شي عليج لامنبهات لادروس لا العاب لا ترتيب
عاااااااااااادي تصير ترى
اهم شي الحالات الصحية
مرات يجيبون لج طفل مريض او شوي مو مضبوط ويقولون لج تصرفي ياا ابله تخيلي فعادي طولي بالج
انا عندي 10 بصفي ياخلاف
ماخليت شي ما سويته
جنننننننننوني
لدرجة انه مشرفتي تسولف فيهم
مسمين صفي صف العصابة
يماااااااااااه شي خيالي
فلما تقولين لي عندي واحد
اقول هاي هاي
واحد وتتحلطمين
يا يمه صبري صبري
عاااااااادي ياما حتشوفي
بس انتي تعلمي تقوين شخصيتج بدون طق ولا مدة يد
تخيلي انا خليتهم يتسنعون بالهدايا
ما اعطي كل يوم الا اثنين او 3
ملوووووووا وهم ينطروني القيهم بال ولا اعطيهم وجه والله تحطموا نفسيا
وقمت شسوي
اشتري هدايا من ابو مية بس غريبة مو دارجة
فينقهروووووووووووووووون حدهم لما يشوفون الهدية الي تهبل شكبرها خذاها طفل غيرهم
وانضبطوا
والله وحيل مو شوية
وحطيت بعد شغلات كثيرة بالصف محفزات للشطار بس
خلت الي نص ونص يتسنع ينقهر يبي يصير مثلهم
والحمدلله صج عندي عشرة فاصخين عقل مافيهم رجا ههههههههههههههه
بس عندي باقي الصف يهبلون ويخففون عني الضغط النفسي حيل ويريحون البال
انتي شوفي اهو شنو يحب ويبي
وخليه محفز له بس موتعطينه قولي له ان صرت عاقل بعطيك مثل فلان
وبس
اما سالفة انه المدرسات يقولون لج روحي بين صفين
فالمدرسات لو صاجين
خل يروحون بدالج
الحمدلله والشكر ليش ماينصحون لوجه الله

 

[*أم*خالد*]

دام انه السالفه خلصت

بقولج شي


الـلـه يعينج وجزاج الجنه على صبرج عليه

 

[Om_Ksha]

عهود انا يريت واااااااااحد عندي اكثر من واااحد بس هذيلاك عالاقل اقدر اسيطر عليهم مو هذا .. على سالفه الهدايا كره سويتها وقام طقني ! ليش ماتعطينني هديه !! وسبني سب

وانا والللللللللله الشاهد علي مامديت ايدي لانه مو نوعي .. بس لا تسئليني شلون اتحمل ويييييييييييييييييهي مو احمر الا ناااااااااااااار

وعندي واحد دعله كااااااااااان اوفر وتسنع بس هاليومين فالح آخر 5 دقايق من الانصراف يبجي يبي يرد البيت وذاك اليوم امه شافته وسوتلي قصه وهالمره كرر هالحركه .. وساعات يبجي يحتر ليش اعطي الشطار ككاو الا الا ياخذ .. واليوم انجبرت اعطيه مالي خلق لسان امه ! والله عيالهم دلوعين وابلشوووونا ..

 

[أم شواقه]

ظلي بصفج احسن لج ،،، والله تعب بين صفين وضغط

واذا ياهل واحد الي اميننج

يمكن لما اتروحين ثانيه وبيييييييييين صفيييين توقعي اشطن منه


الشطاااااانه هذي عااااااااااااااااادي تعودي احنا عندنا مناااعه منهم لوووووووول وبالخبرة راح اتعرفين تصبرين عليهم وتتعاملين معاهم هذووول اطفاااااااااال

 

[Eva-SS]

شكو تقولين الام تزعل إذا ما عطيتي ولدها هدية .. شنو غصب

صج فيه امهات عقولهم صغيرة مثل عقول عيالهم هههههههههههههههههه

لا يبا ما عليج منها خلي شخصيتج قوية شنو شيطان الولد وتبيج تكافئينه قوليلها ولدج ما يستاهل هدايا مزعج إن تسنع بعطيه .. وبعدين لا تعطينه وجه الولد امبيه لو اني منج ذبحته يسبج قدام الأطفال وتطوفين خليج حاسمه شدي عليهم ترا والله مو من صالحج ما تضبطينهم ان ما قدرتي عليهم بروحج ماراح تقدرين عليهم ان دخل عليج احد

خليج على الهدايا جيبي هدية وحده وخليها عندج ووريهم اول الدوام احسن واحد عطيه بوقت الانصراف

والله يعينج عليهم

 

[عهود الحب]

اما سالفة امه تزعل ان ماعطيتيه سالفة هذي
تصادفنا ترى مرات امهات الحمدلله والشكر
واباء بعد :/
بس طاف
خلييييييييييييج حاسمة
هدايا لايلمسونها
انا مرة حطيت سلة جدامهم مليانه العاب غريبة والله صاروا سييييييييدا وتسنعوا وحطيت كارنيهات مدح وتشجيع بالطفل يلبسها طول اليوم
وتاج الملك والملكة ولبس الشخصية المفضلة للي يكون اشطرهم
واشطر واحد يمثل بمسرح العرايس معاي وهكذا

الواحدة ماتخلى من طرق التشجيع
غير الاوشحة والستكرات وانه تخلينه معلم الصف معاج يعطيهم جزء من الدرس
ترى يخلي الطفل والله يتعدل 180 درجة
وبعدين ان ماقدرتي تسيطرين على اولى شلون بتسيطرين على ثانية ؟
ترى اولى يهونون يم ثانية
انتي مثلي اول ماتعينت وللحيني والله مو شديدة
بس ماعليج مع الوقت ترى راح تتعلمين
واهم شي لاتنادين احد من برى يخوف عيالج لأنه جذي بيحسون انه خيخه ماتصرفين بروحج هههههههههههههه
لاتستهينين بالاطفال ترى عقولهم كبيرة خاصة عيال هالوقت

 

[Om_Ksha]

لووووووووووووووووووووووول وانا مقزرتها انادي من بره .. اللى عندي عقولهم كبار ونصصصصصصص ومستغلين الوضع لانه الصف لى الحين ماركد ابله يايه ابله رايحه نحشو نص الابلات وانا الحين مو رفضت ابله بين صفين !! اللى معاي راحت وصرت انا بروحي ويابولي ابله بين صفين بس انا الحين صرت معلمه 1 وشكثر اشياء على راااسي والموجهه اشكره بدش علي دشت عالروضه كلها وانا لي الحين مو مستقره مع اليهال من الضبط والصف فاضي ماعندي ادوات ! عالاقل لمن احد يكون معاج انتي تيبين واهاو ايب يصير في اغراض بالاركان ,, الحين الصف ميييييييييح فاضي ,,

الله يستر ..

الام اللى قلتلكم عنها هاذى كانت مشتكيه بالمنطقه عالابله اللي معاي !! لول تخيلو حدها مبدعه مع انه والله لو تشوف ولدها شيسوي معانا جان تسكر حلجها وما تتجرأ تتكلم ,,

 

[Om_Ksha]

انزين بغيت اسئلكم مستوى أول ولا ثاني احسن !!!!!!!!!!!


انا حابه ثاني جربتهم ميداني بس شنو احس سالفه التخرج لويه وهيصه فمادري واولى احسن انه مافي تخرج

عموما شغلنا لويه وتعب ويبون منا اكثر واللللللللله انه ابي اعطي ابي اسوي بس ماكو وقت يدوب احضر لثاني يوم ,, شلون اسوي وافنتك .. يقولون انه اول 3 سنين لويه بعدين يصير عندي اغراض واكون عارفه شسوي ..

انا كل يوم نص وقتي يضيع وانا ادور تطبيقات بالنت ..

والصبح قبل الحلقه كان يصير الابله اللى معاى تروح النشاط وازهب حلقتي الحين ممننوع !! لازم كل وحده تمسك فترتها

ومايمدي احط وازهب مادري شقول ! ويبون مصلحه الطفل .. لي ريحتو المعلمه هالشي يكون من مصلحه الطفل .. الاسبوع الياي اشكره بتحضر الموجهه واذا علي الحلقه مادري متى اطلع من البيت شكلي من ال6 بكون هناك ازهب للحلقه !!

مادري شلون يفكرون

 

[* @ * كرستال * @ *]

الحل بسيط : ورقة وقلم
بالانصراف كتبي الأهداف عالسبورة وتاريخ باجر ـ قلبي اسم اليوم ـ ضبطي الأركان .
تالي :
بالبيت على راحتج سجلي بالورقة خطوات درسج / زهبي جيس الدرس بوسائله ـ شريط النشيد ـ والتطبيق الورقي
سجلي بالورقة اللي ناقصج وأول ما تدشين الصف مع عيالج بفترة الاستقبال قعديهم جهزي النواقص وكلفي طفلين يساعدونج .

---------

بالنسبة للتعامل مع الأطفال والفروق الفردية :
- شجعيهم بالكلام وعززي تصرفاتهم الايجابية .
مثال اليوم كنتوا أحسن صف بالروضة فبوزع عليكم كلكم الهدايا لا تخلين طفل حتى الشيطان عطيه مع الوقت بيتغير ويتقوم سلوكه .
- اليوم يبتلكم هدايا بشوف منو بيصير هادي بالمطعم ويشيل الوسخ ويقطه بالزبالة ويمشي طابور بالروحة والردة ، عطيهم الهدايا كلهم لانكم كلكم كنتوا شطار بالمطعم والطابور .
- بنهاية الدوام بعطيكم شي حلو شريته لكم للي يغني بالنشاط ويأشر بيده مع الأغاني وبالحلقة ما يتكلم أسأل يرفع ايده وبالاركان يرتب مكانه .
- بشكل عام وجهي لهم الكلام لا تتكلمون بصوت عالي لا تخلوني أعصب ويرتفع صوتي عامليهم كأنهم إخوانج الصغار .
- اليوم فلان وفلان تأخرتوا بالفرصة ما رجعتوا مبجر أو ما قعدتوا على السجادة عقب الفرصة
راح أوزع بالبداية اللي ساكتين واسمعوا الكلام فلان فلان وتخلين اللي تأخروا آخر اسم ينذكر .
- دايما ذكريهم بأنهم شطار وقولي لهم ماشاء الله عليكم شطار .
- الطفل يلمس حب وحنان معلمته له حتى لو ما بينتله يلمسها بحرصها على أطفالها والعناية بهم .
- كلميهم بهدوء وتفاهم كـأنك تكلمين شخص كبير فهو قادر على التمييز .
- كلفيهم بترتيب الأركان فلان رتب الركن .. فلانه انت ركن .. حمليهم المسؤولية يحسون بحرصهم على صفهم وحبهم للانجاز و أداء بعض الأعمال .
- ودائما استغلي الوقت الفارغ بين الفترات بعرض برمجيات الأطفال بركن الحاسوب واختاري طفلين يشغلون البرنامج وباجي الأطفال يشاهدون وهم عالأرض خاصة بالفترة بين المطعم والفرصة .
وبالنهاية كما تحبون أن تعاملوا من الآخرين كذلك الطفل يحب أن يعامل .​