ابلات تعطون البنات واجبات اذا عليهم امتحان ؟

[روووحي بلقاك]

مرحبا ابلات :eh_s(7):

انا طالبة بالثانوي وحبيت اسألكم جم سؤال

اذا كان عند الطالبات امتحان تعطونهم واجبات ؟؟

اذا اي ليش ؟

واذا لا هم ليش ؟

 

[LUXURY]

انا للحين مابلشت شغل بس لما كنت بالميداني كنت اعطيهم
انا اقولج ليش
مو من حق اي احد يحاسبني اني معطيتهم واجب لاكثر من سبب
الواجب عادة ماتكون كميته كبيره وماراح ياخذ وقت طويل بالحل
تنظيم الوقت بين الدراسه وحل الواجبات اهو على الطالبه مو مشكلتي اذا اهي ماتبي تنظم وقتها وتبي تخليلها وقت فراغ تضيعه على خرابيط بحزة امتحانات
بعدين الدراسه للامتحان اساسا المفروض تكون تدريجيه مو بيوم واحد اما اذا بيقولون محد يدرس قبل الامتحان بفتره وكلهم يدرسون ليلة الامتحان هذي مو مشكلتي هذي مشكلة الطالبه الكسلانه
كلنا تره درسنا وحلينا واجبات وامتحننا
ما اعطيهم واجب ثقيل اي لكن بالمقابل ما اعطل الواجبات علشان امتحاناتهم

 

[(كويتيه عسل)]

ايه اعطيهم شالدله

 

[$ بنت علمي $]

لا يابلااات لاتعطووون وااجبااات

حرااام والله تعب وااجبااات وفوق هذاا امتحااانات...

لاتعطووون واجباات خلو البناات يدعون لكم..بالخير

 

[$ بنت علمي $]

لا ياابلاات لاتعطووون وااجبااات

والله حراااام امتحاانات ولوعة جبد ومتخرعين من الامتحاااااان وفوق هذااا وااجباات...

لاتعطووون خلو البناات يدعون لكم بالخييير

 

[حجيه هيونه]

المفروض تكون الواجبات منطقيه والهدف منها تثبيت المعلومه
والابلات يراعون انه المدرسات االباقي هم بيعطون البنت واجب


<-- مو ابله بس تحب تدلي بدلوها لوول

 

[G!RLooNa]

انا بقول رايي و انا لا ابله و لا طالبه مدرسه

سوري بس ابلات شهالنحاسه ؟؟؟

ما اقول عن اللي يكودون المنهج لما يوم الامتحان

لكن ماكو ماده غيرج مثلا ؟؟؟

جم ماده عندهم الطلبه الحين مليون ماده

كل ابله بتقول واجبي ماياخذ و هذي تقول واجبي ما ياخذ راح الوقت

بعد البنات مو مكاين يردون من الدوام تعابى بريحون شوي

ارحموا من في الارض يرحمكم من في السماء و ما اتوقع المنهج بيوقف على فكره رئيسه و سؤال عللي و مسأله رياضيات :/

 

[يا قائم آل محمد]

ايام الميداني
كنت اعطيهم
لكن اهما عارفين اني مو قاعده ألايم مذكراتهم او كتبهم الا مرة بالاسبوع و عارفين اليوم
فما اچيك على الحل الا بهاليوم
ان ما انوجد تحاسبوا

و ان انوجد خذوا الدرجة الكامله
و ان تأخروا يوم بالتسليم - ربع درجة
حتى لو حالين كل الواجبات صح
انقص و اكتب للتأخير

 

[توتي فروتـي]

...

عادي جدا

الواجب هام بعد كل الدرس .,
واذا كانت البنت دارسة قبل حزة الامتحان ماراح تتحجى وتتذمر.,

واذا ماحلت تنقص .,!!!

وبناتنا أذكيـــاء..

 

[روووحي بلقاك]

نورتو

بس اذا ابلة الكيميا عطتنا واجب

وابلة الرياضيات واجب

وابلة الفيزيا واجب

وابلة العربي واجب


وابلة الاسلاميه واجب


وابلة الانجليزي واجب

وكل واجب بياخذ وقته وانا راح احل بمجهودي ماراح انقل من مذكرات وغيره

وكان علي امتحان متى بدرس ؟؟

ومتى بحل واجباتي وارسم خرايط الاجتماعيات ؟؟

واقرا قصيدة العربي وافهمها وافتح المعجم اطلع المعاني؟؟

ومتى بحل الورك بوك وانتو عارفين انه صععب !!

هذا غييير الابلات اللي يبون تحضير ولازم بورقه واذا ما حضرنا ننقص درجات !!!

 

[سراب فوفو]

انا ابله رياض الاطفال بس لو كنت ابطله في احد المراحل مااعطيهم واجب لانه حرام بروحه منهج صعب ويردون البيت هلكانيين وغير بحث وغير واجبات من كل ماده عندي تقعد تدرس احسن لها وحلو يكون يوم الخميس الابله معطتهم هديه انه مافي واجبات بلعكس جذى البنات راح يحبون الماده ويحبون الابله والله يعيين بناتنا ويوفقهم

 

[سراب فوفو]

رد: Re: ابلات تعطون البنات واجبات اذا عليهم امتحان ؟

نورتو

بس اذا ابلة الكيميا عطتنا واجب

وابلة الرياضيات واجب

وابلة الفيزيا واجب

وابلة العربي واجب


وابلة الاسلاميه واجب


وابلة الانجليزي واجب

وكل واجب بياخذ وقته وانا راح احل بمجهودي ماراح انقل من مذكرات وغيره

وكان علي امتحان متى بدرس ؟؟

ومتى بحل واجباتي وارسم خرايط الاجتماعيات ؟؟

واقرا قصيدة العربي وافهمها وافتح المعجم اطلع المعاني؟؟

ومتى بحل الورك بوك وانتو عارفين انه صععب !!

هذا غييير الابلات اللي يبون تحضير ولازم بورقه واذا ما حضرنا ننقص درجات !!!

واااي ذكرتيني بلمعاناه

 

[روووحي بلقاك]

Re: رد: ابلات تعطون البنات واجبات اذا عليهم امتحان ؟

انا ابله رياض الاطفال بس لو كنت ابطله في احد المراحل مااعطيهم واجب لانه حرام بروحه منهج صعب ويردون البيت هلكانيين وغير بحث وغير واجبات من كل ماده عندي تقعد تدرس احسن لها وحلو يكون يوم الخميس الابله معطتهم هديه انه مافي واجبات بلعكس جذى البنات راح يحبون الماده ويحبون الابله والله يعيين بناتنا ويوفقهم

نورتي

ياريتج ابلتي :eh_s(2):

عاد يوم الخميس يعطونا خوش هديه الواجبات تندبل

والتقارير عاد كلش ولا التقارير كل ماده تبي تقرير :eh_s(1):

الله يعين بس

 

[جوري!]

رد: Re: رد: ابلات تعطون البنات واجبات اذا عليهم امتحان ؟

عاد يوم الخميس يعطونا خوش هديه الواجبات تندبل
الله يعين بس

ههههههههههههههههه :krkrkr::krkrkr:



الله يعينكم وشدوو حيلكم


بنات بنات سوو ثورة ضد الواجبات :ggdw:

 

[عيون سارة]

ياحلوة
اولا شي الله يوفقج وهذا دليل اهتمامج
وثانيا ترى مو بادينا
مطالبين نعطي واجب على كل درس
بس المفروض الابله تخفف عليكم
يعني انا وقت الامتحانات اعطي سؤال واحد والغالب الاجابه تتطلب سطر واحد فقط
وبعدين كلموا الابله يمكن مو منتبهه ان عليكم ضغط عادي حبيبتي كلميها

 

[ṃїşѕ เṖĦƠŊэ]

انا ماكنت احب اعطي واجبات اذا البنات ماشيين معاي صح
بس اذا بالحصه في شغله صعبه عليهم او مافهموهااا
اعطيهم واجب علا هالجزئيه عشان تتثبت بعقلهم وماينسونها
بس صج بنات الثانوي موادهم اكثر مفروض مايعطونهم واجبات
فترة الامتحانات عشان يقدرون يدرسون ...

 

[روووحي بلقاك]

نورتو


بس والله ضغط علينا

ارحمونا شوي

حتى مافي وقت نقعد مع اهلنا

لازم يخففون علينا

ويراعون ان عندنا امتحانات

كافي ان مرات يصدف امتحانيين مع بعض

وفوق هذا واجبات

 

[Queenleo]

اشووه اني طلعت من التدريس
بس التووجييه مايرحم
انا ايام كنت طالبه عبالي المدرسه بايدها كلش شيء
بس لما جربت ووشفت شلوون التوجييه والمدرسة الاولى يفصفصووون دفتر التحضيرر جززئيه جززئيه وولازم فيه واجب
لاعت جبدي والله

 

[روووحي بلقاك]

نورتو

واتمنى ان رسالتي وصلت حق الابلات ويخففون علينا شوي

يعني الابله اللي تبي تحضير لاتطلب وقت الامتحان

واللي ماتقدر ولازم تعطي واجب تخليه سؤال واحد

نفس ماقالت الاخت وصدقوني انا طالبه واحترم واقدر

الابله اللي تراعينا وقت الامتحان وتخفف احسها نفس اختي الكبيره

وتكبر بعيني

 

[LA TROO7]

احنا مدرستنا مانعطي الطالبات واجبات اثناء الاختبارات