ابلات اولى ابتدائي للغة العربيه انقذوني

[رمانه كويتيه]

ابلاتنا حبيباتي بنتي اولي ابتدائي اذبحتني كل تنسى الكلمات يعنى انا ادرسها وحاطتلها مدرس سوريي للعربي انعلمها امل فراشة بيضاء كل تنسى عيزت وانا اكرر لها وابلتها تعطيها املاء كل اتيبلي صفر وانا والله تعبت معاها شسوي مثلا ادرسها امل اقولها كتبيها طبعا تكتبها الف مره اول شي تكتبها غلط بعدين يالله تكتبها صح واذا اقعدت اشوي اعطيها راحه اوريها كلمة امل اقولها شنو هذي تقولي فراشة لا لا اسراء بشق اهدومي وابلتها كل حسبالها ماندرسها حرام والله ذابحتها تدريس حتى ملت مني شسوي

 

[Moi belle]

???????????????? تو الناس لاتكرهينها بالدراسه اكيد الابلات ماراح يقصرون معها وراح يبدون معها حبه حبه كل شي بوقتا حلو

 

[بنات الكون]

حبيبتي أنا ادرس اولى تونا ماعطونا امر نختبرهم يمكن هذا مجهود من المعلمه ندري توهم صغار يالله يفكون الخط

 

[Angel_store]

اب اب اب

 

[نونا 3000]

علميها بالنسخ واذا مافاد معاها عليميها عن طريق اللعب تقص وتلزق احرف الكلمة وثبتي لها الكلمة بلوحه عندها بدارها صدقيني ماراح تنسا شوي شوي بتتحسن طبعا اهم اولى اكيد بينسون لانهم مايعرفون الاحرف
اما بالنسبه للاملاء يعطيها العافيه الابله تمليهم لان اخر كل حكاية املاء باغلب كلمات الحكايه
نصيحه درسيها اول باول ماراح تتعبين معاها ان شاء الله وبالتوفيق يارب

 

[السيده الأنيقه]

هلا اختي شجعيها احسن واقري الدرس من البداية للنهايه أمل فراشه بيضاء وبعدين من النهايه للبداية يعني بالمقلوب بيضاء فراشه امل راح تركز وكل اسبوع حرفين معاها جذي الى اخر السنة راح تشوفين التغيير وعن خبرة لاني انا مدرسة عربي واولى ادرس بعد

​

 

[ام كوثر2007]

حبيبتي علميها الحروووف اول شى عشان تعرف تكتب

اكيد بتنسي لانها مو عارفه الحروووف


علميها حرف أ وعلميها حرف م وحرف ل .. عشان تكون جمل وكلمااات


اهم شى الحرووف اذا حفظتهم انتي بخير ...

 

[(الملكة)]

في نظري كمعلمة لغة عربيه البدايـه من الحرووف اذا ميزت الحرووف ولو بصرياً سيكون لديها المام بوصل الحروف وتكوين الكلمات حاولـي ربط الكلمات بالصور لتثبيت المعلومه لا تبدي احباطج امام بنتج حاولي بالتشجيع هو انفع حـــل واجدى تمنياتي لج بالتوفيـــــــــــــــــق ..

 

[رمانه كويتيه]

جزاكم الله خير خواتي والله بديت وياها ههههههه تقولي بس خلاص مابي هالمدرسه بروح الروضه حبيبتي هو دخول الحمام زي خروجو