ابلات انا حامل وابي انتقل والمشكله.....سااعدوني

[المميزه84]

السلام عليكم بنات


حبيت اكتب لكم مشكلتي واتمنى منكم تساعدوني وراح ادعيلكم من كل قلبي




السالفه اني مدرسه بمبارك الكبير بمتوسط وناويه اقدم على نقل لاني سكنت بالمنقف ولان المدرسه الي كنت فيها الناظره لوعت جبد جبدي واخر الكورس تهاوشت مع الناظره وغبت لي نهاية الدوام اخر يوم بالدوام بس داومت ومن جذي خلصت كل رصيد مرضياتي وغبت بعد بس خصموا علي


المشكله الحين على اساس اروح اقدم النقل والمشكله حللت وطلعت حامل وانا نساتي خايسه وماعندي رصيد غياب

شسوي انتقل مدرسه يديده بس حرام راح ياخذون عني فكره لان ادري راح اغيب وايد وما اقدر ادرس ويمكن اخذ مجلس طبي

ولا اظل بمبارك الكبير واخذ مجلس طبي وبعدين انتقل

بليز ساعدوني اول سنه وما اعرف شي والي تعرف طريقة المجلس الطبي تقولي متى اسويه وشلون والله متوهقه والنساة ذابحتي مالي خلق شي :0bee2e8d89:

 

[(كويتيه عسل)]

الله يقومج بالسلامه :yaaaaaarb:

تقدرين الحين تقدمين نقل انتي روحي او خلي ريلج او ابوج يروح

تروحين المنطقة التعليمية كلمي مراقبه المرحلة اللي انتي تدرسينها

واذا شفتي ماكو فايده دخلي على مدير الشؤون التعليمية

واذا ما فاد اول شهر 9 قدمي ندب طول السنه تداومين في المدرسة اللي تبينها

بس آخر السنه تردين مدرستج يعني آخر الاسابيع

والسنه اليايه اذا فتحو باب التسجيل للنقل وعجبتج المدرسة كلمي ناظرة المدرسة

انج تبين تقعدين عندهم وقدمي نقل وظلي عندهم

وقبل لاتدخلين على المراقبه اقري ادعية علشان الله يسخر قلبها وتوافق وهم علشان الله يسهل امورج

 

[المميزه84]

حبيبتي كويتيه عسل مشكوره وماقصرتي والله يعطيج الي ببالج يارب ويوفقج دنيا واخره

متى اسوي الندب ويصير اسوي ندب حق المنقف وانا بالقرين؟ ويصير اندب من مرحلة متوسط لي مرحلة روضه (انا ابلة موسيقى

 

[ساندريلا]

حبيبتي ترى المجلس الطبي مو مثل قبل الحين صاير وايد صععب ومااعتقد يعطون حق النساة الا اذا كان شي جاااايد

انا عندي انتقلي احسنلج واذا على الغياب ترى كل الاحمدي تغيب هالشي عندهم طبيعي لاتحاتين

 

[المميزه84]

ساندريلا يقولون الواسطه تلعب دور بالمجلس الطبي

شكلي بنتقل والله يعين المدرسه اليديده علي بس المشكله ماعندي رصييييد غياب عشان جذي قلت عالاقل ابي مجلس طبي لين ماينزل رصيد غيابات السنه اليايه

والله لايعه جبدي وحاسه بحوسه وصايره جبريت ما اتحاجى لان حدي مضغوطه ومالي خلق ادوام بمدرستي لان مالي خلق اشوف رقعه ويه الناظره والله عاد الحيل نساة ومالي خلق والله اطلع الحره فيها حسبي الله عليها

 

[المميزه84]

اشدعوه بنات ولا وحده تقدر تساعدني عالاقل ادعولي ان الله يوفقني

 

[المميزه84]

بنات برمضان اقدر اقدم عالنقل ولا مافي دوام ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الله يوفق الي تجاوبني

 

[فسفوري]

هلااا وغلاااا بإختي............... الله يوفقج ويريح بالج قولي أأأأأأأأأأأأمين.... وبالنسبة للنقل فاج لي 15-8 وموفقه مرة ثانية يقلبي:eh_s(6):

 

[مس لوتس]

حبيبتي مايصير ندب من القرين للمنقف هذي محافظه وهذيك محافظه انتى تقصدين نقل خارجي عندج واسطه تقدرين تنقلين انا مقدمه نقل خارجي من العام ولحد الحين ماسووه يعني عندج فرصه...
وعن سالفه رصيد الغياب ياكثر ماغبت السنه اللي فاتت لاني تعبت بحملي حييييييييييل مع ان رصيدي بح بس كان كله خصم بالطقاق الفلوس اهم شي راحتي...
وعن المجلس الطبي اخذي تقرير من دكتورتج وغيبي وهم الديوان يحولج مجلس طبي عاد معاج التقرير وموفقه خير حبي

 

[مس لوتس]

انتي دوري راحتج ترى اهم شي النفسيه ماعليج لو تقولين المدرسه تاخذ فكره عنج لان عندج عذر مو غايبه عبط والسنه اللي بعدها التزمي معاهم ...

واذا ماصار نقل لاسمح الله صكيهم طبيه اهم شي راحتج حبيبتي

 

[المميزه84]

مس لوتس وفسفوري وااااااااااااي حبيباتي مشكورين وعسى الله يرزقكم ويعطيكم الي ببالكم يارب ويريحكم دنيا واخره فدييييييييييتكم

 

[المميزه84]

مس لوتس حبيبتي ان شالله تولدين بالسلامه وتييبين احلى بنوته وعسى ربي يجعلها من الذريه الصالحه يارب

 

[توتو الحلوة]

رد : ابلات انا حامل وابي انتقل والمشكله.....سااعدوني

انا برايي خلج بمكانج وصكيهم طبيات وقدمي مجلس طبي بعدها قدمي اجازة اومومه والمنطقه بتنقلج اكيد
وبعدها انتي عاد ظبطي روحي بواسطه يحطونج بالمدرسه اللى تبينها