ابلات الروضه يدخلون الموضوع طالبتكم طلبه

[فراوله2]

السلام عليكم ورحمة الله وبركاته

ابلات الرياض الأطفال طالبتكم طلبه جاوبوني على اسئلتي لان افكر اني اشتغل ابلة روضه انا اقبلوني الحين بتربيه وبروح اراجعهم قريبا ان شاء الله انا واايد احب اليهال عشان جذيه ابي اسير ابلة روضه

ودي اعرف مميزات و سلبيات ابلة الروضه ؟؟

صج في كادر 140 دينار توا نازل حق ابلات الروضه ؟؟ و جم يوصل معاش ابلات الروضه حق الجامعيه ؟؟

شلون الدوام مته يبتدي ومته ينتهي ؟؟

وايد اسمع انه المعاش كله طاير على الدوام من هدايا وغيرا بس انا اجوف انه الهدايا مقدرو عليها بس سمعت انه ابلات الروضه اييبون صباغ حق الصفوف ويبون رسام يرسم على الطوفه غير ملابس التخرج وتزيين الصفووف .. يمكن دوام ابلات الروضه قصير وغير الاجازات بس احس انه روحاتج ويياتج حق هلأشياء والمشترى والتعب مثل البديل حق الاجازات والدوام القصير يعني غير عن الوزارات الثانيه يخلص شغل اذا ردوا من شغلهم



والله يوفق الجميع ان شاء الله

 

[nero]

لا ماكو 140 .. طلعت اشاعه عن 180 بعد لوول

معاش الروضه حق الجامعيه وبكالريوس التربيه الاساسيه نفس المعااش

808 اول ما تتعينين >> عقب ال 120 طبعن

الدوام يبدا 7 ونص وينتهي 12 وثلث

صح في صرف على الهدايا بس بو 100 فلس ما يقصر

ووعلى الصبغ مو شرط تصبغينه الي يصبغون هذا شي منهم ومن نفسهم والمربيات الي ماسكين صف اهما الي يبون
والي تبي بارادتها كيفها

وصح انتي طول اليوم تفكرين وتخططين .. انا بالنسبه لي مستمتعه بس لو ما تحبين ما انصحج تدخلين رياض اطفال

 

[أبوي تاج راسي]

انحاشي رياض الاطفال تعب على غير سنع تعبها أكثر من راحتها من أزل الدوم الى اخرة وانت تعب وشد أعصاب .

 

[أبوي تاج راسي]

انحاشي رياض الاطفال تعب على غير سنع تعبها أكثر من راحتها من أول الدوام الى اخرة وانت تعب وشد أعصاب .

 

[الزين يفرض نفسه]

انا الميداني منحشني من رياض الاطفال

بس الدوام والمعاش حيل شادني

فمادري محتاره

تقريبا كل اللي سالتهم توهم متعينين وغيره كل يقولون الميداني غير والدوام غير الدوام احسن

فمادري انا اقولج اذا عندح خلق افكار وتخطيط وابداع وثقه بالنفس وصبر ولسان وجرأه ومهرجه وعرقوز ومغنيه وابلة رياضيات وابلة عربي وابلة رسم وابلة دين وابلة اجتماعيات وابلة علوم وامينة مكتبه وطباخه وطبيبة نفسيه وقارئة قصص وفنانه ومطربه وممثله صيري ابلة روضه

 

[الزين يفرض نفسه]

اي ونسيت اهم شي ابلة العاب

 

[gamory01]

وااي انتي نفسي انا الميداني كرهني عيشتي والله لي الحين اتحلم فيهم ميته من الخوف والمشكله مطلعين قرار بنات التربيه مايروحون الا تربيه وانا ودي الاوقاف السراج بس يبيله واسطات من امه

 

[أبوي تاج راسي]

باللة انحاشي من الروضة والله كراف من امه صح ميزته تطلعين مبجر بس تطلعين وراسج شكبرة والله نصيحة لاتصرين مدرسة رياض

 

[فراوله2]

يعطييكم العافيه جميعاا على ردودكم

بس عندي سؤال اختي نيرور المعاش 808 مع قصة التأمينات ولا بدون ؟

 

[عالي مستواها]

بس يهمج المعاش ؟

طيب المعاش الأساسي 800 و بالخمسينات وبعد التأمينات 808 وميتين فلس بالضبط

بس لا تستانسين نصه رايح على الروضة

 

[rr202rr]

الروضه حلوه اذا كنتي مع مربيه متعاونه واداره متساهله ومرنه
والموجهه عادله مع الكل
وطبعا كثافة الاطفال قليله
اذا توفرت هالاشياء حتى لو انتي مو حابه الرياض راح تتاقلمين مع الوضع لانه نسبيا مريح
وممكن تكونيييين حابه الاطفال والاعمال الفنيه لكن تكون الاداره خشنه في تعاملها والابلات مو متعاونين اهني يمكن ما يعجبج الوضع وتكرهين الاطفال حتى

بالنسبه للمعاش اذا طاير ولا لا
اكون صريحه وياااج اول سنتين لااااازم تقطين
بس وسائلج خشيها طبعا عشان مو كل مره تشترين

واخيرا هذا كله يعتمد على الروضه وادارتها وطلبات المشرفه والموجهه

 

[فراوله2]

مشكوورين والله

كفيتوو ووفيتو

 

[سنـــابل]

اذا تحبين اليهال روحي
والحلو فيه تطلعين مبجر وماكو امتحانات ولا تصليح واجبات ولا شي من هالقبيل جابلي صفج واخذي فتراتج وانتهى
بس درسج لازم تستخدجمين وسايل عشان اليهال يفهمون اكثر واسهل يعني ييبي لهم مجسمات والعالب والخ والعطله تعطلين قبل المدارس الثانيه