ابلات الروضه بليز ردو على سؤالي....(ماهي ادوار المربيه والمكمله)

[think pink]

بسم الله الرحمن الرحيم

:68_asmilies-com:
*

*

*

*

*

*

*

*

مرحبا بنات ...شلونكم ؟؟


بالبدايه انا توني سنه اولى بالجامعه وتخصصت رياض اطفال لان عاجبني هالتخصص :klhfl:<<< قالت قصة حياتها :dddds:هههههه

المهم انا عندي سؤال مو عارفة اجابته ......


اللي اعرفه ان بالصف الواحد ابلتين وحده رئيسيه والثانيه مساعده <<< ترى ماعرف اساميهم :tek:،،، لوووول سميتهم على كيفي لاتزعلون

طيب الحين يعني الرئيسية هي اللي تدرس طول السنه والمساعده تساعدها والا الشغل متوزع بينهم يعني خبره ادرسها الابلة الاولى والثانيه تدرس الخبره اللي وراها والا شلون بالضبط ؟؟،،،،،،،


ادري قرقرت وايد :cxxxp: بس بليز ردو على سؤالي ،،،،،،،،،،،،


ويعطيكم العافية كويتيات ......

 

[سلسبيل 2008]

رد: ابلات الروضه بليز ردو على سؤالي....

حبيتي الصف فيه معلمتين معلمة أ و معلمة ب متساويات بكل شي يعني معلمتين يجهزون الصف مع بعض ويتقاسمون الجدول بالتساوي يعني الخبرة اسبوعين الاسبوع الاول 5 حلقات تكون التقسيمه 3 حلقات تقدمهم معلمة أ وحلقتين المعلمة ب وفي الاسبوع الثاني 3 حلقات تقدمهم معلمة ب وحلقتين المعلمة أ وهذي التقسيمه تختلف من منطقة تعليمية لمنطقة هذا دور المعلمتين بختصار واي سؤال انا حاضره

 

[think pink]

رد: ابلات الروضه بليز ردو على سؤالي....

مشكووووووووووره حبيبتي سلسبيل ،،،،،،،،،،

فكيتي الغموض ،،،،،،،، ما تقصرين والله ،،،،،،،،

بس عندي سؤال التقسيمه هذي حق اي منطقه تعليمية ؟؟؟

 

[ماما نونا]

رد: ابلات الروضه بليز ردو على سؤالي....

وناسه تدريس الروضه ياهالووووه والصف فيه اشويه طلبه ومدرستين ,,



تعالوا صج عادي أي تخصص ولا لازم رياض أطفال يتعيين بالروضه

 

[انفاسي]

حبيبتي متساوين بالنصاب وكل شى حتى الحضور والغياب كل مرةعلى وحده بس الزف على المربيه وكل شى بوجهها والفقرات بعد

 

[think pink]

مشكورين حبايبي ،،،،،،،،

بس بغيت اعرف منو اللي يحدد المربيه والمكمله <<<< واخيرا عرفت اساميهم هههههههه

عساكم عالقوه كويتيات ماتقصرون ........

 

[سلسبيل 2008]

حبيبتي التقسيمة هذي لمنطقة الفروانية بس العام غيروا فيها لان ما في عدل وكان الاعتراض ان المعلمة أ تمسك المكتبة طول السنة ومعلمة ب تمسك الحركية ولان الحركية متعبة اعترضوي المعلمات علشان جذي ابتكروي طريقة ثانية لتقسيمة الجدول وهي ان المعلمة أ تمسك 3 حلقات والمكتبة والمعلمة ب تمسك حلقتين مع الحركية في الكورس الاول وفي الكورس الثاني يتبادلون يعني المعلمة ب تمسك 3 حلقات والمكتبة والمعلمة أ تمسك حلقتين مع الحركية واي سؤال انا حاضرة

 

[think pink]

تسلمين حبيبتي ،،،،،،

لا خلا ولا عدم .......

 

[أميره بلا قصور]

وعععع

الله يعينج اذا تقدرين تغيرين التخصص غيريه

انا للحين ماتوظفت بس من جربت العملي وانا كااارهه شي اسمه روضه

تدبست بالروضه الله يستر

 

[عهود الحب]

غيري تخصصج


او ادعي ربج يتعدل حال الرياض قبل تتعينين

 

[* شروق*]

المربيه والمكمله يمسكون الجدول بالتساوي والتناوب
بس المكمله عيبها اذا في نقص بالمعلمات هي تكمله يعني تكون بين صفين
والمربيه عيبها تجهيز الصف عليها وكل المسؤليات بوجهها

وموفقه بدراستج مع اني حاسه انج بتتصدمين بواقع الروضه مثلنا

 

[سلسبيل 2008]

مشكورين حبايبي ،،،،،،،،

بس بغيت اعرف منو اللي يحدد المربيه والمكمله <<<< واخيرا عرفت اساميهم هههههههه

عساكم عالقوه كويتيات ماتقصرون ........

المشرفة الفنية مع الناظرة يعني الي يشفونها شاطرة ويعتمد عليها يخلونها مربية لان المربية اهي بوجهة المدفع اهي الي تحضر الافكار للاجتماع الامهات و فقرة التخرج والمكملة تساعدها واحيانا يختارون المربية حسب سنوات الخبرة يعني القديمة يخلونها مربية

 

[الرزينه]

في منطقة حولي الجدول يتقسم بين المربيه والمكمله كل الشغل
مثلا بالكورس الاول المربيه تاخذ 3 حلقات و2 لاصفي والمكمله حلقتين و3 لاصفي
بالكورس الثاني الجدول يقلب
وباجي الشغل مقسم بينهم حتى دفتر الغياب اذا كانوا الابلات متعاونين اللي عندها وقت فاضي تسويه