ابلات الحاسوب عندي ورشه وابي فزعتكم.....؟؟؟؟؟؟

[ابله اريام]

السلام عليكم ورحمة الله وبركاته

شلونكم شخباركم


انا ابلة حاسوب وعندي ورشه وتحديداً بخصوص برنامج الفرونت بيج

مطلوب مني اتكلم عن نقطه مميزه بالفرونت بيج

وصراحه محتاره ومتوهقه وموعارفه شنو اختار شي منها

يعني نقطه محدده وبسيطه عن الفرونت بيج تفيد المدرسات اللي مثلي


ممكن فزعتكم ومساعدتكم ياابلات

والورشه موعدها راح يكون بالكورس الثاني يعني فبراير اخره تقريبا


تكفون يا ابلات ساعدوني

 

[Q8Lily]

رد : ابلات الحاسوب عندي ورشه وابي فزعتكم.....؟؟؟؟؟؟

انتي اقري عن البرنامج وثقفي نفسج ودوري دروس بالنت وشوفي

احس ابلات الحاسوب نحاااسة
لوووول لا تزعلون

لو ادري جان ساعدتج بس مو حاسوبية انا

انصحج اقري عن البرنامج والنت مترووووس دروس واشتركي بمنتديات تتكلم عن البرامج يمكن يساعدونج

وموفقه

 

[donutoo]

الله يوفقج حبيبتي
كان ودي اساعدج بس انا ما اعرف للفرونت بيج صراحة
حاولي تركزين على نقطة عمل موقع باستخدام الفرونت بيج , وايد ابلات سمعت انهم مسوين مواقع باستخدامه
موفقة

 

[لميس]

رد : ابلات الحاسوب عندي ورشه وابي فزعتكم.....؟؟؟؟؟؟

موفقه........

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

تسلمين اختي كيو ليلي

الله يوفق الجميع

ان شاءلله

بس ودي احد يفيدني على الاقل اللي مسويه قبل هالمره ورشه تفيدني بالامور الثانيه ؟ الترتيبات ؟؟؟افكار وجذي؟؟؟

عالعموم اختي الف شكر على مروروج

ماقصرتي حياتي ​

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

هلا وغلا اختي دوناتي

تسلمين على مرورج

مشكوره وايد حبيبتي

والله يسهل

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

اختي لميس

اجمعين يارب

مشكوره على مرورج

 

[bnt^q8]

وااااي من اولها جذي كلش ما تحمسون ,, هذا وانا ابي اصير ابله حاسوب :"(

بديت اكره الماده

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

: عيل انا شقول |

ياربي مادري اهو خلل بالماده والا مننا

حتى انا حدي محبطه

واللي معاي بالقسم الله يستر عليهم ويوفقهم ويصلحهم

كله متهاوشات عسى الله يهديهن


مشكور ه اختي ع المرور

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

تكفون ممكن توحون لي بأفكار

وغير جذي ودي تساعدوني شنو ترتيب الفقرات

وبنسوي فقرات استعراضيه ومشاهد تمثيلية وجذي

ممكن تقدمون اقتراحات

خصوصا اللي عندهم تجارب سابقه ومسوين روشات

وبكون شاكره لكم

 

[الامينة]

رد : ابلات الحاسوب عندي ورشه وابي فزعتكم.....؟؟؟؟؟؟

أبلة ريام ،

ممكن أقترح عليج استخدام السبورة الذكية أثناء الشرح ، بالإمكان استخدام القلم الإلكتروني للتفاعل مع البرنامج و تطبيق الأمثلة مباشرة على السبورة، طالعي الفيديو في الرابط المبين في الأسفل .

فكرة أخرى ، بإمكانك عمل مسابقة للحضور في جو من المتعة و الضحك ، استخدمي فكرة مسابقة من سيربح المليون ، للتوضيح من خلال مثال طالعي أيضا الرابط التالي و اضغطي الرابط الخاص بمسابقة من سيربح المليون . ( يبيله وقت للتحميل ، صبري عليه شوي )

www.wiki-light.com/courses/default.html

و موفجة بإذن الله تعالى ،،

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

فكره حلوه اختي الامينه باخذ فيها

تسلمين اختي

الف شكر لج

تدرين اهي ورشه وبنحاول نسوي فيها فقرات وايد

ويارب تسهل

وان شاءلله الاخوات اهني مايقصرون يفيدونا بخبراتهم وتجاربهم السابقه

ناطرتهم يفيدوني بخبراتهم

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

ابلات الحاسوب وينكم

 

[shimy4sha]

والله أختي أنا ابلة ايتدائي
بس عندي فكرة لو تسوي عن الفريمات في الفرونت بيج وكيفية تظبيطها في الموقع
اعتقد موضوع مهم جدا لأي موقع مميز
وهذا رابط يشرح الموضوع
http://www.damasgate.com/educational-classes/82-frontpage/551-tyres-and-fps.html
http://www.khayma.com/fahad1390/computer/82.htm
اتمنى اكون افدتك
وتكون حلوة لو دربتي طالبة وهي اللي تشرح الموضوع
وبالتوفيق انشاء الله
​

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

مشكوره اختي شيماء

اعجبتني فكرتج


يعطيج العافيه

 

[digital]

الله يوفقج حبيبتي والله ما عندي فكره عن منهج 10 ما درستع ليلحين بس انا عندي اقتراح

ليش بتسوين ورشه عن برنامج الفرونت بيج؟ ليش ما تشوفين برنامج حلو و غريب والمدرسات يستفيدون منه وتسوين ورشه

واذا لقيني برنامج قوليلي لاني قاعده ادور على شي ممتع و حلو

 

[ابله اريام]

رد : ابلات الحاسوب عندي ورشه وابي فزعتكم.....؟؟؟؟؟؟

هلا فيج اختي ديجتال

ادري ياقلبي

بس الموجه يطلب منج انه تعرضين عليه اكثر من برنامج واهو يختار ولازم يوافق عليه واهو اختاره

عشان جذي لازم يكون عنه

شاكره لج مرورج

وان شاءلله تعم الفائدة للجميع

 

[Programmer.Girl]

الفرونت بيج مو كل الابلاات يعرفونه

اختاري برنامج يستفيدون منه كل الابلات

مثل برنامج snagit

واذا تبيني اسويلج درسج كامل .. لا يردج الا تلفونج حبوبه

 

[digital]

انا بعد من راي بروجرامر جيرل

انتي عرضي على الموجه جم فكره بس قوليله انج تفضلين برنامج غير الفرونت بيج

بروجرامر جيرل شنو تعرفين برامج حلوه و خفيفه جدا

 

[ابله اريام]

والله خوش فكره

لاني بصراحه مولاقيه نفسي بالفرونت بيج لان الكل يعرفونه يعني ماراح يكون فيه شي يديد ينقال

خلاص عيل اختي بروقرامر قيرل

ممكن نتواصل عشان اكلمج وتعطيني فكره عنه واعرضها على الموجه

ممكن رقم موبايلج تطرشينه بالرسائل الخاصه لان مشاركاتي قليله مايسمحون لي اطرش لج رساله خاصه

وبكون شاكره لج

اختج اريام