ابلات البدنيه ساعدووني!!

[こわいい せんせい]

السلام بنات اشلونكم ؟

بنات ممكن تساعدوني اشوي :eh_s(6):

انا توني متخرجه من كلية التربيه الاساسيه تخصص بدنيه فأنا علا ويه شغل :ggdw:بنات انا شخصيتي هاااديه وما احب الصراخ المشكله اني لازم اختار بين اني ادرس بنات او صبيان وصراحة انا جربت تدريس الصبيان في الميداني وحرقوا قلبي:eh_s(14): بس واييد يقولولي اخذي صبيان لان شغلهم اقل اب وايد من البنات فبنات شسوي حدي متقطعه بين الصوبين .. فحابه اعرف الفرق بين الاثنين الايجابيات والسلبيات :eh_s(6):

 

[زهرااا]

اب اب اب

 

[^ حـلـــــوى و رهـــــش ^]

حبيبتـي ..


مدام انج جربتـي الصبيان ..ومو قادره عليهم ..
خلاص رووحي بـنـات ..

انا مو بدينـه ..
بس أعرف وايد بنات بدنيـه ..
رايحيـن بنـات ومرتاحيـن ..

مو شرط ..

لان الصبيان الله يهديهم اذا ما عرفتي تتعاملين معاهم راح تتعبيـن ..


وانتي استخيري وشوفي ..


موفقه حياتي

 

[رووووعه]

اختي العزيزه

اذا اخترتي تدرسين بنات تحملي الشغل ( فن شعبي ×تمرينات ×جمباز×زهرات×باليه) يعني زياده شغل ولا أزيدج من الشعر بيت التوجيه يختلف مثلا توجيه البنات والله حيل متطلب ويطلبون الشغل ويبونه بنفس اليوم ومتميز شلون مادري ؟؟؟؟؟
ويموتون بالتنافس ما بينهم مثلا الموجهه تنافس زميلاتها الموجهات مثلا اتقول مدرساتي سوولي درس نموذجي أو ورشه أو اخذوا المركز الأول ((حرييييييييييييييم )):dddds:
أما البنين والله مرتاحين المنهج تافه والأنشطه أقل والتوجيه ماشاء الله والصبيان مقدور عليهم حمري عينج وهالله هالله بالصفارة!!!!!
بالأخير استخيري وتوكلي ع الله...:yaaaaaarb::yaaaaaarb:

ملاحظة...
بهالجيل البنات والله ما يخافون لا تقولين ابتدائي!! يعني شطانه واحركه واذا زفيتيها وإلا وقفتيها ولي امرها ما أقولج ثاني يوم إلا من الهده عند الناظره يشتكي عليج !!!!!!:RoadRunner:

 

[こわいい せんせい]

　　　　　　　　　　　　لووووول بنات مشكورين عل ردود ما قصرتوا
انا توا ادري ان شغل البنات جذي صراحة وااايد ويخرع !! والله استسلمت خلاص :eh_s(1): شكلي باخذ صبيان والله يستر

 

[Winter Q8]

الصبيان يحليلهم يموتون على حصة البدنية وأبلات البدنية..
أبسط شي اذا ما انضبطوا حرميهم من اللعب .. او قولي لهم بعطي حصتكم حق مادة ثانية ما يحبونها ..
و الله بيمشون على الصراط المستقيم ..و اذا بتكافئنهم عطيهم الكرة يلعبون فيها بالفرصة ..

 

[KARAMILLA]

انه عن نفسي جربت البنين اذيه وما ارتحت لان صادف التوجيه رياييل ووقت المسابقات يصادف معلمين معانا
بس التحضير اريح
والصبيان تقدرين عليهم بس على حساب صحتك
يومج بصير كله صراخ وهالشي باثر على اسلوبج بالبيت مع العيال
اما البنات الحمد لله مرتاحة ..صج شغل بس اذا انت حابة تخصصج ماراح تحسين بالتعب
بالعكس ابداعج وافكارج راح تنفذينها بالتمرينات والفن الشعبي (وانت وحركاتج الفناتك)
ويارب تتوفقين وين ما رحتي

 

[こわいい せんせい]

　　　مشكوريين عل ردوود وصج لما كنت ميداني صبيان كنت كله ارد راسي يعورني من الصراخ وكله حاطه حرتي اب اخوي المسكين !!

 

[سارا ديور]

السلام عليكم ورحمة الله وبركاته

انا مدرسة بدنيه بالمتوسط

كنت بالأبتدائي بس لما طلبت نقل من منطقه ليما منطقه حولوني متوسط

لقيت ان بنات المتوسط وايد احسن من الأبتدائي

بالنسبه لنشاط مرحلة الأبتدائي (( كرة سله - ألعاب القوى - الجمباز - الفن الشعبي - الزهرات ))
بالنسبة لنشاط مرحلة المتوسط (( كرة سله - العاب القوى - تمرينات - مرشدات ))
طبعا لما تتعينين بالمدرسه أكيد في معلمات تربيه بدنيه معاج بالقسم ومن خلال هالشي يتوزع الشغل بينكم
اصلن لو انت لحالج مع مدرسه ثانيه بس بالمدرسه .. ما تمسكون اي نشاط يعني المدرسه تعتذر
حتى الاولاد هم عندهم انشطه (( كرة سله - جمباز - العاب قوى ومادري شنو بعد
يعني الشغل في كل مكان
والله يوفقج

 

[شـ ShOoNa ـونـا]

والله أنـــا ادرس بنــــات ..

و تــرى البنـــات همن دعل و دلاليـع بس بالنســبه لي اشوفهم اهون من الصبيــان
انشــطتهم عندهم زيـاده الشـعبي والتمريـنـات .

بــس اوووف تدريس الصبيــان يقث ولا منـــاهجهم وويع . ويـاقلبي الهدوء ماراح ينفع لا مع البنـات ولا الصبيـان
البدنيـه لازمـ صوتج عـالي بالحصـه لان المسـاحـه كبيــره .

و اذا مــا تبين تصرخـين من اول يوم دشي عطي الصف العيـن الحمــره ولا تعطيــنهم ويـهه و
كــرفيــهم كــرف بالحصــه .

أنــا مره كنت ادرس صف اولى كـــانوا شيـاطين بشكل موطبيـعي لوعوووا جبدي من الصـرااخ
عــاد صــرت اكرفهم بالحصـه اطول بالاحمـاء العامـ والخـاص . يـــتعبـــــون حزتـها و مافيهم شده شطــانه

و اذا على الانشطــه راح يكون فيه مدرسـات يسـاعدونج و راح تكون الانشطه مشـتركـه .

و ترى الكرااااف عند البنــات والصبيــان .. و أنــا اعرف موجــهات العاصمــه ايـــننـــون ويـموتون على التعيـيـن اليـديد

 

[こわいい せんせい]

　　هلا بنات يعطيكم العافيه علا الردود والله استفدت منكم واايد ما قصرتوا :eh_s(6): والله ماكو الا اجرب والله يعين

 

[طبوشة]

حبوبة اعتذر على تأخير مشاركتي بس انا عندي لج فكرة واااايد حلوة وشرط راح تدعيليى انا عندي رفيجتي مدرسة تربية بدنية في منطقة حولي التعليمية وااايد تمدح التوجيه هناك وكأنهم خواات كعلاقة بينهم واذا تبين مدرسة روحي حق مدارس المستقبل وبالذات مدرسة شيخان الفارسي ادارتهم تهبل ونظامهم وايد حلو ومثل ما سمعت عن رئيسة القسم البدنية بصراحة فوووووق الروعة اذا تبين تستفيدين وتطلعين مدرسة عدل مدل وشخصية فوق التمااام رفيجتي وااايد تمدحها كتعامل وادرة وماشءالله كل بين فترة وفترة تسوي ورشات عمل للمستجدات هااا هذا اذا انتي تحبين الشغل والابداع وعن نفسي انا رفت حفلة تفوق ولدي ماشاءالله اهي ماسكة الحفلة وكانت مبدعة نصيحتي يا اختي والله روحي واعتقد ماراح تندمين راح تتعلمين منها وااايد اشياء يكفي ورش العمل وحتى التحاضير مريحة ابلاتها تسوي لهم تحاضير وتنسخة على سيدي اشتبين بعد كل شي جاااهز عندج

 

[طبوشة]

لا وسمعت بعد مسوية منتدى عن التربية البدنية للأولاد ايتدائي وحاااطة ماشاءالله كل شي يخص التربية البدنية ابتدائي للاولاد من تحاضير وطريقة عمل المجلات الرياضية يعني منتدى مفيد وافكار روعة في مجال تخصصكم واذا تبين رابط المنتدى انا خذيته منها علشان افيدج حبوبة

وهذا اهو الرابط دشي وشوفي ابداعها.
www.sport-fun.ahlamountada.com