ابلات الانجلش :)

[الصحفية]

السلام عليكم شلونكم كوتيات :eh_s(7)::eh_s(7):

بنات عفيا عندي مقابله الاسبوع الياي عشان توظيف ابله انجليزييي

شنو اسئلة القواعد الي يسئلونها يقولون شي تعجيزي صج ؟؟

وحده طالبين منها تشرح قواعد if كلها والفرق بين if only and only if


انا مشكلتي ناسيه القواعد شنو اراجع وشنو تنصحوني فيييييه

وشاكره لكم :ggdw::ggdw:

 

[ايمار]

رد : ابلات الانجلش

انا ابله انجلش بس ماسويت مقابله توظفت عل طول انشالله البنات يفيدونج بالتوفيق انشالله

 

[مس كول على طوول]

منو قال في مقابلات؟؟؟؟؟؟؟؟؟؟؟؟؟
انا اول ما تخرجت قدمت عالديوان و نزلوا اسمي سيدة عالوزارة و سويت فحوصات بالمجلس الطبي بس اما مقابلة شخصية وتعالي اشرحي If ماكو شي من هالحجي

 

[البـتول]

الي شهادتهم تربية ماكو مقابلة
انتي شهادتج اداب .؟

راجعي كل القواعد حبيبتي لا تخلين شي
وبيسئلونج وايد عن اشلون تتصرفين بالصف لو صار كيت وكيت
واشلون تشرحين معنى كلمة معينة
وشلون تتصرفين مع اولياء الامور وهالسواف كلها

 

[طالبة1990]

شدعوة يسألون اسئلة قوااعد

اتوقع يسألون عن طرق التدريس الحديثة وهالنوع من الاسئلة

والقواعد مفروض تراجعين عليها مو بس عشان المقابلة

عشان التدريس بعد

 

[الصحفية]

ثانكس بنات يعطيكم العافيه ما قصرتووو

اي انا اداب مو تربيه والله قاعده اراجع القواعد كل يوم انشط الذاكره شوي ان شاء الله خير

ادعولي الله يوفقني ويوفق الجميع