ابـوي يعايرني بامي و امي تعايرني بابوي .. وربي ما صارت عيشه :)

[NoNoSha Al-3oba]

السلام عليكم بنات ..
ادري كثرانه مواضيعي بالقسم شسوي ماليش غيركم :eh_s(22):

طبعاً انا باول زيارة لابوي من بعد 13 سنة
قالي قومي ييبي الصحون و مرته موجوده و عنده خدامتين
هالسالفة ما تسوى علي قلتها لامي

بدينا معاير
انتي روحي روحي عند ابوج خلي يشغلج خدامه لـ ******
و روحي لابوج مو حاصلتج عيشتنا
و على اي سالفة صغيرة طلعي العباية من الكبت و يلا روحي لابوج
ولا خوالي ابو السب اللي احصله ما تسوى علي هذا ابوي
حتى لو انه حقير و ما يبين بعينه شي احترموني انا مهما يكون ابوي
لا يسبونه سب والله استحي يعني اكتبه هني
و هم يدتي مو مقصره حجي زيي العسل
طبعاً مااقدر ارد عليهم لان بجعموني
و اللي يقههههههر ان يقولون لي لا تغلطين هذا ابوج

الحين ابوي ادق عليه يقول لي
هاا امج يمج تنقلج الحجي مثل و انتي صغيرة تحفظج الكلام عشانه تقولينه لي
و يقط نغزات قوييييية قويييييية يقهرني
يحسسني جنه انا اللي اسوية امي مطرشتني عليه

و طبعاً ما انسى السب الحلوو لي و المعاير بعماتي
يعني امي + خوالي + يدتي
محد مقصر
اللي فيها و فيها و فيها مو ذنبي ان سمعتهم بالقاع والله مو ذنبي
و اهما اصلا ما يتعرفون علي جني عار عليهم
يحسسوني جنه انا السبب بكل شيء
فيهم تناقض غريب عجي
يقولون لي روحي زوري ابوج و اهما يعايروني فيه
يقولون لي لا تغلطين على ابوج و اهماوطايحين سب فيه

كل هذا يهون
القهر صج
ان خالتي تحاجي واحد وكذا مره سامعتها
و كذا مره ادري انها مواعدته
و اهيا تسبني و تتهاوش وياي اذا تهاوشة وياه
و تقعد تقولي روحي لعماتج سوي كل على الطبيعة < آسفة بس والله مقهورة
و عماتج و عماتج و ابو و ابوج ماشين بطريج غلط
و انتي شدعوه فرقتي عنهم
المشكلة اني مو قادرة اواجها
ودي اواجها ودي احط لها حد
سواء اهيا او امي او خوالي
حد لـ السب اللي كل يوم اسمعه و على اتفه شيء
:eh_s(16):

 

[فوفو البنوته]

والله استغرب من الي يسوون جذي
يعني امج هي متزوجة ابوج وابوج اهو الي تزوج امج
اما انتي ف يتي من الله وصرتي بنتهم خلاص
لو قاطعتيهم حرام لو واجهتيهم حرام ما ادري شقولج

اما خالتج الي مسوية عليج المطوعه الي ما تسوي غلط
قولي لها ايه خالتي شخبار الي سمعتج تكلمينه؟ عسى بخير بس؟
ولا تقولين هالكلام الا الكل موجود
واذا جذبتج قولي لها نيب القران ونحلف ونشوف منو الصاادق من الكذاب

كافي جذي بتكره تصادفج عشان بتستحي داخل نفسها

 

[((البرنسيسا))]

الله يعينج ويفرج عنج يارب

عطيهم اكبر طناش وخالتج وقفيها عند حدها

اذا قالتلج هالكلام قوليلها منتي احسن منهم اصلا انتو من نفس المستوى
اصلا مايحتاج اقول شنو تسوين ولا تبيني اقول ترى عاااادي ماعندي مانع << سوري بس حدي مقهورة

 

[♥ SWeeRa ♥]

الله يعينج

 

[سفيره الكويت]

مافي الا تعايرينهم اثنينهم

يعني مادري بينتقمون من منو قاعدين تنتقمون من عيالكم

الله كريم

 

[اميره1980]

الله يسامحهم
كلمي امج مهما كان قلبها اكيد بيحن عليج و قولي لها ان الكلام هذا يجرح و انج متضايقة

 

[منيرة خالد]

الله يعينج


بس نصيحه لا تردين على امج وابوج >>> وتذكري قول رب العالمين < فلا تقل لهما اف ولا تنهرهما وقل لهما قولا كريما >

حطي الله بين عيونج وكل ما تحجت امج قوليها الله يهداج واللي مضى راح

ونفس الشي قوليه لابوج


اما خالتج غيب تعايرينها >>>حاولي انج تصكين الموضوع بشكل لبق وبدون لا تجرحينها



نصيحه اذا زرتي ابوج لا تنقلين اخبار بيته لامج ونفس الشي لابوج


امسكي العصا من النص

مووووفقه

 

[الهنوؤوفـ]

انا رأيي من رأي الاخت منيرة

وازيد عليها.......لما بتشوفين امج يالسه بروحها حاولي تتقربي منها او روحي لها احضنيها وانتي تبكي قولي لها كل اللي فخاطرج قولي لها انج محتاجتنها حيييييل وكل ما تكبري يوم تحتاجيها اكثر خلي الكلام يطلع من القلب وان شاء الله بيوصل لقلبها فضفضي لها وقولي لها يمه بسج كفاية تراني اتعذب ومحد داري عني اشتكي لها من بعد الشكوى لله

وسوي كذا لابوج وشوفي شو ردت فعلهم

وان ما فاد خبري احد من العايلة كبير متفهم اكيد لازم احد موجود مش لازم قريب حتى لو شوي بعيد بس يعرفكم زين خبريه ان يكلم امج وابوج على انج محتاجه لهم بسهم من السب في بعضهم ان هذا ياثر على نفسيتج وهم مب دارين عنج

حلو فيج شي اختي وبارك الله فيج على الرغم من اللي سمعينه الا انج ما تقطعين زيارة ابوج ومتحمله الله يخليج اختي

وعسى يا اختي ربج يفرجها عليج ياااااااارب

استغفري طووووووول الوقت وكرري حسبي الله ونعم الوكييل وبترتاحي اختي باذن الله

 

[granted]

امج وابوج لا تردين عليهم لمن يقولون هالحجي سكتي وطوفي
وفهمي امج انها لاتحاجيج بهالطريقة جدام اهلها وقوليلها لاتحدوني اقدم على بعثه عشان بس افتك من حنتكم

بس الباجي عطيهم نغزات انج جاكتهم وعارفه سوالفهم وانهم مو ملائكه اهم بعد

انا يطفروني الي يتصنعون انهم زينين واهم الغلط راكبهم وعبالهم الناس مايدرون بسوالفهم وااااااااااي يبطون جبدي
والله ياعالم انتوا مكشووووووفين
الله يوفقج حبيبتي

 

[طموح لايتوقف]

حبيبتي ماعليك من اللي يعااير فكري في مستقبلك وضعي لك أهداف مستقبليه ترتقين فيها للأعلى لا للأسفل ،
عادي خلي عندك مناعه من هالكلام والمعاير،و أهم شي أمك وأبوك بري فيهم ومع الوقت راح يتغيرون

 

[ya al3rosa]

عادى حبيبتى اول شى يقولون جذى بعدين بينسووون صدقينى
اذ امج اتعايرج بابوج قوليلها ليش ماخذة ابوى من الاول وانا اشذنبى انا مالى شغل انا شكووو واذ اهلج يغلطون على ابوج قوليلهم عيب واللَة عيب االلى قعد تقولونة لو متى جذى انتو اشتبون توصلونة انا شكوو وليش ابوى مالة شغل امحسسينى ان الحين ابوى بيسمعكم لو متى يعنى كبرو عقولكم الامعاير سوالف يهالو وربى وخلى جم دمعة تنزل قوليلهم مهما تقولون بيظل ابوى وانتو اهلى ترضون ان اهل ابوى ابوى اللى اهما عمامى يتكلمون عنكم اكيد لا يبا انتو لا تتكلمون عن الناس وتاخذون اذنوبهم وربى حرام واذ ما تابو قوليلهم اذنوبهم فدوة لكم تستاهلون باجر الكل بيموت وكل واحد يقول يا نفسى مالة شغل فلان وعلان وأن تقول خيرا أو تصمت بتتحسفون باجر واللَة يعينى عليكم هذا الحين تقولون عنى عيل باجر بتصيرون ضدى وانا من لحمكم ودمكم عيب بس لا اتطولين السانج عليهم وحبيهم وبيحبونج ان شاء اللَة وكل شى بيتصلح​

 

[آلمآآآسه]

بعد قلبي انتي ، عورتي قلبي

مالومج حبيبتي

خلي مواضيعج تكثر ماعليه اهم شي اتطلعين كل الي بقلبج

بس بسالج انتي ماعنددج خوات

 

[amal ksa]

بكل سهوله قولي لاامك هذا اختيارك انتي ولاابوك قوليله هذا خيارك انت واضحكي وقولي الله يهداكم والله يعين واسكتي و قولي انا احبكم كلكم ولاتركزين كثير عشان ماتعبين نفسيتك

 

[شفايف كرزيه]

الله يجيرك في مصيبتك ويخلفلج خير منها

 

[غراوي]

بالله هذول شلون نبرهم يجبرونا علي كرههم ويطيحون نفسهم من عيون عيالهم ويبونا نبرهم
عندنا وعند خير انا امي تسب بابوي وابوي يسب بامي وانا ضعت بينهم لخد ماكرهتم
الفرق ان ابوج وامج اتوقع جنهم منفصلين ..انا لا علي هالموال كل يوم ويسبون باهل بعض
ويييييع عيشه تقصر العمر وتغث
انا الحين ملتزمه الصمت ومابيني وبينهم الا السلام لان لاعت جبدي من كثر ما اجمل فيهم
ببرهم باضعف الايمان القلب بالدعاء
والله اني اتمني اني اتيتم وارتاح
اثنين مو طايقين بعض شلون بيصيرون قدوتي مازرعو فيني الا الكره والحقد

ماقول الا حسبنا الله سيؤتينا من فضله انا الي الله لراغبون

 

[سوزي الشرقية]

مدري ولله قصتج عجيبة اول مره تمر علي قصة مثل هذه
الأم تعاير البنت في ابوها والابو يعاير البنت في امها
على حدعلمي حتى لوكانت خلافات بين الزوجين وحصل بينهم لاسمح الانفصال ولوحتى العيال عاشومتفرقين عندامهم وابوهم ووواحدمن الطرفين على الاقل يحسن صورة الاخر خصوصا عندالعيال عشان يحبونهم موكذا
بالنسبة حق خالتشـ مسوية روحها شيخه على شنوبالله مشكلة لوتواجيها بالكلام يمكن تنفي وتقول انتين تجذبي عليها وكلام ملفق
الله يهديكم يارب

 

[Patcholli]

قولي لامج لوسمحتي يمه لاتغلطين على ابوي وقولي نفس الجمله لابوج خل الاثنين يوقفون عند حدهم
وبالنسبه لخالتج اذا قطت عليج الكلام قوليلها كلمن يرى الناس بعين طبعه للاسف

 

[دلوعة أبوهآ]

الله يعينك

 

[الحللللوه]

الله يعييييييييييييييييييين الحيااه فيها كثيير معانااه