ابغي محلات الملابس في الاحساء ؟؟ وينكم يابنات الاحساء واللي راحت تتسوق هناك

[^نواري^]

بنات السعودية والاحساء ابغي فزعتكم :080402ask_prv:

ابغي محلات الملابس الحلوة والراقيه التاييرات والتناننييير والبلوزات والتي شيرتات والشنط الماركات التقليد والعبايات الرايقه اللي في الاحساااااااء والاحذيه النسائية والرياضيه تراني ماعرف شي عنهم ...

ابغي اسامي المحلات ابغي تحددون لي اسامي المحلات والمجمعات اللي فيها واذا باي شارع ماعليكم امر ؟؟؟

:eh_s(7)::eh_s(7)::eh_s(7):

وينكم يابنات الاحساء واللي راحت هناك تتسوق ترى حدي الاحساء مابنروح بعيد :eh_s(10):

 

[دريم ريم]

حبيبتي بتشرفين الأحســـــــــــاء بوجودش
أنا من الأحســـــــــــاء عيوني وبقولش عن افضل المحلات الموجوده فيها
مجمع البستان فيه كل شي انت محتاجته
العثيـــــــــيم
بودي شوب (في شارع السويق )
عبير و الحداثه ( موجودين في شارع الباحوث في السويق)
آخر فرصه (شارع الماجد ي السويق )
وافضل محل للعطورات و أفخمها محل (بو خضر) في السويق
ومحل اريج مـــــــاكس ( شارع الباحوث في السويق)
وكلهم موجودين في الهفوف بالأحســـــــــــاء
اتمنى اكون افدتش عيني
تحياتي لش

 

[^نواري^]

فديتش يادريم ريم ماقصرتي والاحساء منورة بوجودج والله
واذا بغيتي شي من قطر اجيبه لج وانا جايه لكم آمريني بس ..

بسألج حبوبه عن التنانير الطويلة والبلوزات كم طويل ابغيهم للدوام الصبح يقولون عندكم موديلات وايد حلوه واسعارهم معقولة ... فانشالله الاقيهم في المحلات اللي ذكرتيهم ..

اي وبعد بسالج عن الاحذيه الرياضية المرتفعه شوي اذا فهمتي قصدي مش النازلة تحت اللي مثل الجري بس ارفع انا اشوف البنات يجيبونهم من الاحساء وشكلهم راقي وحلو بس ماعرف من اي المحلات ..


وبعد تذكري اذا في محلات مني مناك

ومشكورة وانشالله باقي البنات والصبايا مايقصرون معاااي

 

[الصدى]

اهلين اختي تشرف الاحساء بزيارتج
بالنسبة افضل المحلات الملابس تحصلين في مجمع البستان بس طبعا الملابس فيه مو ماركات
وعندج سوق السويق تحصلين فيه الهفوف بلازا فيه شغلات حلوه وايضا عبايات في السويق مثل بدون اسم وعبايات الخالدي
وفي البستان محل السيد للعبايات
وفيه ستي بلازا اللي هو سنتر بوينت عندكم
وايضا مجمع العثيم تحصلين عندهم ماركات
وبالنسبة للجزم الرياضية تحصلينها في مجمع البستان في اكثر من محل بس مثل ماقلت لج مو ماركات واسعارهم حلوه ومناسبة
مثل محل هاجر وسندريلا كلهم تحصلينهم في البستان وعندج محل تي شوب للاحذية بالسويق
واي سؤال انا حاضرة اختي

 

[دريم ريم]

مشكــــــــوره حبيبتي أبي سلامتش يا الغاليه
وأنا بعد أقول مثل اختي الصدى ....... أحلى شي للأحذيه تي شوز
ممكن تشوفين فيه اللي تبيه
ونسيت بعد أذكرلش سيتي بلازا....محل رووووووعه بصراحه
والمحلات اللي ذكرتها لش فيها كل اللي تبيه (تنانير وأقمصه)
ها... حبيبتي متى ناويه تشرفينه ؟؟؟؟

 

[^نواري^]

حبيباتي الصدى ودريم ريم

تسلمون يالغاليات على الرد والتجاوب ماقصرتو والله ..

واذا على الجية للاحساء انشالله في الويك اند بس مو محدده اي ويك اند بس اكيد قبل عيد الاضحى ....

نخدمكم في الافراااااح

 

[الصدى]

العفو يالغالية ماسوينا الا الواجب

 

[قطوة السعوديه]

محل زارا في مجمع الاحساء مول

 

[هيويه]

هلا بك في الاحساء

بالنسبة لاحذية الرياضه المرتفعه انا شفتهم في العثيم وحاولت في بنتي تشتري منهم انا عجبوني بس مارضت ماتحب الا النازل

بالنسبه للتايرات اغلب شيء في السويق شارع الماجد طبعا بهفوف بلازا وفيه كم محل حوالينهمبس مشكلتي ماحفظ اسامي

حياك الله واي خدمه اذا اقدر افيدك بشري

 

[اينااس]

اختى اذ بقيتى اشيااء ماركه وحلوة
مجمع العثيم و مجمع الاحساءتوه جديد
وغير سوق السويق
ام الى قالو البنات مجمع البستان مو حلو بس شفت محل للعبايه حلو
اذ بقيتى محل للعبايه حلو روحى بدون اسم او بو كنان هذيلى في سو يق شارع الماجد ومعروفين وفي وفي محل ثانى للعبايه اسمه الخالدى
هالمحلات بالسعوديه

 

[جننها السعودي ]]

رد : ابغي محلات الملابس في الاحساء ؟؟ وينكم يابنات الاحساء واللي راحت تتسوق هناك

عندك مجمع العثيم مول فيه محلات حلووة ومآركة
وو بعد عندك مجمع الاحساء مول ~
انصحك فيهم اثنينهم .. الماركات فيهم
العبآيات فيه عندك محل خط الازياء وبدون اسم بالاحساء مول
واسمع عن مجمع البستان يقوولون فيه محلات عبي حلووة
الأحذية مدري فهمت عليك جزم وصنادل وهيك اشيياء
المهم عندك محل سندريلا وبيسسان ونورة والاهم محل فنسي يهوس كلهم هالمحلات بالعثيم مول
حيياك الله بالسعودية وإذا تقدرين تواصلين كملي وزورينا باالخبر والدمام ^ـ*
مش من الاحساء بس من خلال قعدتي فيها هالفترة عرفت كذا مكان

 

[المحبه للاستغفا]

رد : ابغي محلات الملابس في الاحساء ؟؟ وينكم يابنات الاحساء واللي راحت تتسوق هناك

مجمع الاحساء مول

ومجمع العثيم مول

زمجمع البستان

سنت بوينت

زسوق السويق

ومن ناحيه العبايات افضل محل الخالدي في البستان مول

 

[مليت من الاسامي]

الحسا ماينعنى لها ياقلبي اذا انتي كويتيه ؟؟
كلها 3 مجمعات والمجمع الثالث لاتعدينه مجمع الي هو البستان
والسوق الشعبي في سوقين سوق النجاح وسوق السويق حليوين مو للهناك
انا ماذمهم لج بس اقول اذا انتي كويتيه ماينعنى لهم لان كل الي بالمجمع بتحصلينه نفسه عندكم لانه نفس الماركات

 

[مليت من الاسامي]

ونسيت اقولج اذا تبين محل عبايات رحي خط الازيا وبسسسسسسسسسس
موجود بالعثيم مول الدور الثاني والاحسا مول والبستان مول