ابغى نصيحتكم

[r0007]

السلام عليكم ورحمة الله وبركاته
لو سمحتوا انا حاليا رح انتقل من شغل لشغل
وابغى اعطي انطباع للي حولي
اني بنت ناس وملتزمه وماتحب السوالف الوصخه ولا الحش والعقار
كيف اظهر هاي الشي
بالاضافه ل الاحترام والهيبه لي سواء من كبير او صغير
وكيف اتكلم ولا ما يحتاي اتكلم
شكراً

 

[بنت الأجوااد]

انا اعتقد من تصرفج راح تظهر شخصيتج المحترمه بدون كلام

والتزامج بالعمل والتفانى فيه راح يترك بصمه وراح يتذكرونج بالخير

موفقه

 

[sosowaty]

من الله !!!



!!!!!!

موضووعج صدمة بالنسبة لي

اول مرا يمر علي موضوع نفس جذي !!

 

[روانتي 12]

حبيبتي خليج مثل ما انتي وديري بالج من الي حولج لا يخربونج .. والله يوفقج

 

[ماعرفتك زين!!]

البنات اللي عندها رد حلو ترد واللي بتجرح لاترد بليز البنت ماحطت هالموضوع اللي اهيا محتاره فيه
حبيبتي انا اقولج داومي واشتغلي بسكات واضحكي مع البنات وسولفي عن المواضيع العامهوالملابس والسيارت والمكياج والسوالف اللي مافيها حض واذا احد فتح موضوع حش ونميمه واعراض الناس واشياء تغضب الله لاتشتركين وحاولي تقولين والله يابنات انا احبكم عشان جذي بقولكم الله يستر عالناس وماتسوى تاخذون ذنوبهم واذا اسكتو خير ع خير واذا لا قومي عنهم بس لاتقاطعينهم وبجذي بتبينين انج ادميه وخلي هذا طبعج وتصرفي ع سجيتج وتريقي معاهم وخلي دور يوم عليج قهوه وحلا وجذيادري قرقت واجد لوول

 

[r0007]

بنات انا مشكلتي اني عفويه وطيبه بزياااااااااااد ومرحه
فعشان جذي ابغى نصيحتكم

لانو اعتقد انو بسبب طيبتي انهنت وصارت لي مشكله مع الموظفات
انا ابي يكون لي اسلوب بحيث محد يسترجي مجرد تفكير يغلط علي

 

[اشلون يعني &]

الصمت
الصمت
الصمت

 

[شادن33]

تكلمي في متطلبات الشغل بس
ولاتطيحين الميانه واااايد
خلي لج حدود محد يتخطاها ولا تنسين الابتسامة صدقه

 

[قصة حياة]

الاشياء اللى تدرين بتسويلج مشكلة ويمكن تنفهم غلط وخري عنها واستفيدي من تجربتج السابقة بشغلج وحطي حدود

ولا تثقين باحد على طول وخلج ثقيلة شويه عمري

 

[اميره1980]

الله يعينج على الدوام
اول شي انتي رايحة جم ساعه تشتغلين و ترجعين للبيت
لا تطيحين الميانة او تعطين سرج حق احد بالدوام مهما كانت الاسباب
و خلج رسمية شوي و مو اي وحدة تكلمينها الا بحدود الشغل
و على اللبس لازم يكون مناسب لاجواء دوامج لان حتى اللبس ياثر بالسمعه

 

[تحت ظلك]

خخليج على طبيعتج

 

[قموشه21]

انا بدوامي القديم كنت مثلج اول ..

اضحك واسولف واقول كل شي عني وعن اهلي وماخذتها عادي ..

بس انقرصت وصار يطلع علي حجي اعوذ بالله مع ان الله يدري شكثر انا ملتزمه واخاف ربي

لما رحت لدوامي اليديد لاتشوفييني شخصية ثااااااااانية.. ادش اسلم واقعد علي مكتبي اسوي شغلي اللي مايخلص لين الساعه 11 ونص وعقب اتريق ولا اشرب قهوتي.. واقلب بالفووون وانا ساكت اللي بغاني رحت له وبحدوود وللي مايبي شي تميت ساكته

تعالي شوفيهم اقسم بالله يحترموني احترام وجنه عيوز وانا للحيني بــ22 سنه ..

تعلمي وطبقي هالشي

 

[noorq8]

طبقي حكمة الأوليين .


من كثر هذره قل قدره .

 

[♥MaSteRiyA♥]

بنات انا مشكلتي اني عفويه وطيبه بزياااااااااااد ومرحه
فعشان جذي ابغى نصيحتكم

لانو اعتقد انو بسبب طيبتي انهنت وصارت لي مشكله مع الموظفات
انا ابي يكون لي اسلوب بحيث محد يسترجي مجرد تفكير يغلط علي

نصيحة... خلج مثل ما انتي حبوبة

بس الثقة لا تعطينها الا للي يستاهلها

وان شالله كل اللي حواليج بيحبونج ويحترمونج لا تحاتين

:sfg:​

 

[القصيدة]

السلام عليكم و رحمة الله و بركاته

في البداية خلك رسمية مع الجميع ( سلام .. شكر ... etc)

التزمي الصمت و الهدوء و الابتسامة و جسّي نبض اللي حولك و حاولي تفهمين شخصياتهم

فيه ناس عفويين زيك تعاملي معهم على طبيعتك و الناس اللي غير كذا تمّي رسمية معهم

بإذن الله كل شي يكون تمـــــــــام و ترى طبيعي غلاتي تشيلين هم الدوام الجديد و الناس اللي راح تقابلينهم فيه

موفقة الغاليــــــــــــــة :eh_s(17):

​

 

[manoooram]

خليج مثل ما انتي لا تتصنعين
بس
كوني سطحية بعلاقتج مع الموظفات
حدود الشغل وبس

 

[r0007]

شكرا حبايبي عالنصايح

 

[احاسيس مدفونه..]

مثل ماقالو الاخوات خليييييييك هاديه ولا تحتكين باحد