ابطها بوجهه واقوله

[كبرياء اميرة]

متزوجة لي سنتين ونص وزوجي ولامره جابلي هدية وولدت ولما زارني بالمستشفى ماذكرني بشي حتى بوكيه ورد ماجابلي

مستغربه منه جم مره اهديله

زوجي يحبني ويموت فيني بس مدري ليش مطنش من ناحيه الهدايا

مو مقصر معاي بالفلوس واستحي اقوله ليش ماتجيبلي هديه

بس بط جبدي اولد ومايجيبلي شي ولما زارني عند اهلي بنفاسي عطاني فلوس ويقول مصرف لج وللبيبي مااعتبرهم هديه
:rgewrg:

شسوي معاه ابطها بوجهه :eh_s(10): واقوله ليش ماتذكرني بهديه

 

[ابعلن جنوني]

اي سنتين معناته بينكم ميانه

عادي قولي نفسي بهديه منك احتفظ فيها طووول عمري


نغزه هالشكــــبر
وبيفهم

 

[قاهره عذالي]

رد : ابطها بوجهه واقوله

لاااااااااااااااء

لا تبطينها بوجهه

تدرين انا علمت زوجي الهدايا

جبت له بعيد ميلاده عطر

ودايم اعطيه ورد

مره من محل ومره وحنا طالعين للبر

صدقيني حلاة الهديه مو انتي تطلبينها

هي تجيج فجأه

فانا اقول تفنني له بالورد

مره جيب له ورده

مره عطر

عندج الرصاصي عندهم عطور رجاليه تجنن واسعارها حلوه
عطر وسام وعطر حاتم احلى شي خاصه حاتم يحبه زوجي

اشتري له هدايا لو بسيطه

ميداليه حق مفتاح سياره بس منقوش اسمه من عند المحلات اللي بالمدينه الترفيهيه

يعني بالمختصر

انتي اهديه واهديه وتفنني

وتاااااااااالي

اشرهي عليه

 

[الشمعه اللمعه]

ترى في رياييل ماتعرف تعبر بالهدايا او يتعاجزون يروحون يدورون هدايا فيعوضا من ناحية ثانية
ريلي مغرقته هدايا كل مناسبة اذكرة واهو يقولي كله غالبتني يا ينسا او يكون مفلس بس لي سافر اول هدية تكون لي ولي طلعنا مكان ولا سافرنا مايقصر معاي
يعني افهمي بتتعبين وانتي تعلمينه

 

[نونو العصله]

رد : ابطها بوجهه واقوله

لا تقولين حلات الهدية تجي من نفسه مو انتي تذكرينه و الهديه مو كل شي اهم شي الكلمه الطيبه و الاسلوب السنع و انه قايم بواجبه

 

[ورد]

ههههههههه نفس الحالة

وكل مناسبة نفس الجملة : "ما اعرف اشتري ، انتو الحريم ما ادري وش يعجبكم ، خلنا نروح السوق واختاري على كيفج" :\


صحيح اروح بس ما احس بحلاة الهدية

حلاتها وانا اشقق التغليف ومستعجلة ابي اشوف وش داخلها :\
الله يهديهم ويحسون فينا

 

[Tulips]

حبيبتي دامه زين معاج طوفي

ترا بعضهم ما يخطر فبالهم انه الهديه واجب عليه

اواذا كلش مضايقج هالشي انتي قطيها على ضحك وغشمره قوليله متى ناوي تقرر و تهديني مثل ما انا اهديك ؟؟

 

[كلهآ ملح ..}]

رد : ابطها بوجهه واقوله

يآعمري آنتي
بس آحس مو حلوه تقولينهآ بوجهه آبي هديه
و ان شاء الله يفآجئتس ي رب

 

[رومانس آيدياز]

حاولي تقطين نغزة بس علني لا ماانصحج

وصج انه الهدية مو كل شي بس احنا تأثر فينا هالسوالف حيل

 

[قلبي سلومي]

عادي يبا

دام مومقصر معاج

 

[Miss Chanel]

رد : ابطها بوجهه واقوله

دام مو مقصر معاج خلاص

 

[صمــت_ALsHfaaH]

عادي الزوج الكويتي مو مال هدايه

قولي له روح لربعك وشووووفي شكثر يركض بسرعه مايتكاسل

 

[tt2tt]

رد : ابطها بوجهه واقوله

اب اب

 

[" ام حمود "]

عادي ولاتضيقين خلقج . انا بعد ريلي مو وايد اييب لي هدايه عادي حبوبه

 

[درة أهل الطولات]

حلانها اتي منه

 

[شموسة كيوت]

رد : ابطها بوجهه واقوله

ههههههههههه

الحال من بعضة

انا لي ست شهور متزوجة ولامرة ماكلف نفسة وجاب لي هدية بس للامانة طيب وحنون ومومقصر معي

بس ياحلات الهدية

 

[دلوووعة بابا]

ههههههههههههههه لا حراااام يمكن ماايعرف شتحبين ويخاف يجيب شي مايعجبج
مايدرون لو يجيب ورده جنه معطينا طقم الماس

 

[ياليل مااطولك]

الهدية ليست دليل على الحب او الكرة او التقدير وخصوصا مع الازواج اما الهدايا بين الناس اكثرها مجاملات ومصالح وبين الزوجين ليست ضرورية لنكم في سفينة واحده وهدفكم واحد بناء البيت وتربية الاولاد والحياه الزوجيه التي يسودها التعامل الحسن افضل من اي هدية

 

[حبـ admant ـك]

الهديه مو دليل الحب
بس اذا كلش تبين هدايا
بطيها بوجهه وخلاص
هذي زوجج لا تستحين منه

 

[om Firas]

الحال من بعضه الهديه ماتجي منهم