ابر السيرلة.. بعد عملية التكميم

[هالة الصباح]

بسم الله الرحمن الرحيم
السلام عليكم
شلونكم حبيباتي عسولات رشيقات كلكم إن شاء الله

خواتي إن شاء الله منتصف الشهر بشوي عمليه تكميم معدة والحمدلله متوكلة ومستعدة نفسيا والشكر لله مرتاحة بس شي واحد مو قتنعة فيه وابيكم تشاركوني بآراكم وخبراتكم
( ابر السيولة) ليش ابر السيوله مادام الابر تزيد من دم الدورة وعلشان لايصير تخثر انا اساسا ماعندي تخثر ولا عندي مشاكل بالدم فشنو رايكم عزيزاتي لا حظتم مشكله في ابر السيوله
طمنوني خواتي شنو الحل اللي جربت ابر السيوله بعد العمليه ؟؟؟!!
جزاكم الله ألف خير

 

[ام علاوي الالماسه]

هلا والله انا بجاوبج اول وحده لاني عاني المشكله وحصلي الي توقعته ونزفت بعد العمليه بساعه ودخلوني العماليات وسكروا النزف واخذت 7 اكياس دم وربي حماني ورحمني برحمته وردني لعيالي

 

[هالة الصباح]

ام علاوي الله عداج الشر
بس ماوضحتلي شلون نزفتي من الابرة
او شنو المشكله والله يحفظج من الشر يارب

 

[كلـــــي غنج]

ابرة السيولة عطوني ياها عقب عملية التكميم ,,

اول وثاني وثالث يوم ,,

مرتين باليوم لما كنت بالمستشفى ..

ولما طلغت صرفلي الدكتور خمس ابر وحدة باليوم لمدة 5 ايام ..

وكنت اروح يوميا المستوصف اقزها وارجع

حبيبتي الابرة مامنها خوف هذي بس عشان لا يتجلط دمج من عقب العملية

فيكون دمج فيه نسبة سيولة ويخثره

مافي مشاكل الابر هذي بعد التكميم حالها حال الادوية الي راح يصرفونها لج ان شاء الله

لما تطلعين من المستشفى بالسلامة ان شاء الله

موفقة خير واي شي انا حاظرة

 

[هالة الصباح]

الله يعطيج العافية ومشكورة على المشاركة
انا اختي اللي مخوفني من ابر السيولة هو اني كنت مجربتها في عملية اطفال الانابيب وكنت خايفة وانا حامل تسبب لي في نزول بعض الدم لمدة شهرين وقفتهم من ذات نفسي من غير استشارة وكنت والحمدلله يبت ولدي وتقف نزول الدم من وقفتها

 

[freethinker]

ماعندي ايديا بس حبيت ارفعلج الموضوووع

اببب

 

[طيوبه89]

عادي حبيبتي انا اخذتها من الهيفي علشان الدم لايتجلط اول الايام وبعدين الدوره قامت تنزل وقلت للهيفي وقالي خلاص انتي الحمدالله الحين وقفيها والحمدالله الحين صارلي شهر من سويتها

 

[مذهلة 78]

حبيبتي انا خذيت منها لمده 14 يوم كل يوم وحده وجان ريلي يغزها لي بالبيت

ما منها خوووف كلش بس اتوقع عدد الابر ينصرف على حسب حاله كل وحده بعد العمليه

 

[كتكوته امي]

حبيبتي لازم ابر السيوله عشان ما يصير تخثر بالدم ويتجلط وممكن لا تسمح الله يصير فيج جلطه

 

[هالة الصباح]

آشكركم جميعا جبيياتي ماقصرتو علي التواصل و مساعدكن لي والله يشقينا من كل مرض الهي آمين
ويقذم مافيه الخير باذن الله تعالي
توكلنا علي الله والحمدلله رب العالمين

 

[** رش رش **]

انا الي اعرفه انها ضروريه بعد العمليات لان طبيعي بعد العمليه تكون الحركه قليله فالدوره الدمويه تكون بطيئه فهالابر تساعد انه الدم يمشي بصوره طبيعيه بالشرايين
في نوع ابر انتي تغزينهم حق نفسج بالبيت

 

[ام علاوي الالماسه]

انا حصلي نزيف وهو من مضاعفات العمليه مع العلم اني اخذت ابره وحده وبعدها عطوني ابر واكياس دم الخاصه بالتخثر الي الدم يكون لونه ابيض

 

[tosha.al.n]

upp

 

[english muffin]

انا خذته ليلة العملية

 

[هالة الصباح]

الله اعلم خواتي شفت وايد آراء انا راح اقولكم شنو بسيوي.
بإذن الله باخذ الابر بس ٣ أيام وبعدها راح تيي الدورة الله كريم.. ولان صراحة اخاف من الزيف صار فيني بولدي كان يزل عندي دم شويه مو نزيف نزيف بس كنت ارتعب من اشوف دم
والحمدلله على كل حال
اختي رش رش في ولدي كانت حركتي محدودة كلش لا اوقف ولا امشي وايد صج على آخر الحمل صار عندي تشنج بالرجل اليمنى وهذا طبيعي لكل حامل معرضة لهذا الشي والحمدلله والسلامه والشفاء بيد الله

 

[ام علاوي الالماسه]

الله يكتبلج الي فيه الخير وتقومين بالسلامه

 

[ترف بابا]

الله يعينكم