ابرتين من الحكومه للحامل بالشهر الرابع والسابع .....

[بينك وورد]

السلام عليكم

اشلونكم بنات

تدرون ان مستوسف الحكومه يعطي الحامل ابرتين وحده في الشهر الرابع والثانيه بالشهر السابع مالت التشوهات الجنينيه........

انا توني ادري

لان بولدي البجر دكتورتي ناهده ما قالت لي ... يمكن الابر هذي مو ضروريه ؟؟؟؟ عادي لو الوحده ما خذتهم ؟؟؟

وهذا حمالي الثاني

الي يراجعون بمستشفى الحكومه او مستوسف منطقتهم الي يكون فيه عياده نساء وولاده

يعطيهم الدكتور الابرتين لما يصيرون بالرابع وهم ياخذونها بالسابع .


يسير اروح بدون ما اقول لدكتورتي وافتح ملف بالمستوصف واخذ الابرتين

خصوصا ان دكتورتي ناهده العلي مسافره

وانا في بدايه الرابع


؟؟؟؟؟؟؟؟؟


انتو شريكم بنات منو تدري عن هالأبر وشنو سالفتهم

؟؟؟؟؟؟؟؟؟؟؟؟؟؟؟؟؟؟؟؟؟؟​

​

 

[بينك وورد]

رفففففففففففففففففففففع

 

[آهات الليل]

ماعندي فكره بس عادي ياكثر اللي يراجعون بخاص وبحكومه مع بعض مالها شغل دكتورتج ياقلبي فتحيلج ملف وراجعي

 

[شيخة البلادين]

انا الحين دخلت الثامن ومحد نبهني على الابر
وانا اراجع عند نزهت بالسلام ..
الله خير حافظ..

 

[روان_الكويت]

انا اخذتها ببجري
وسألت عنها بحملتي هاذي زين ذكرتيني قالت دكتوره المسوصف اعطينج اياها بالسادس

 

[%ورد طايفي%]

هذي ابرت التيتانوس وسالت كذا دكتور وقالو مو ضروريه

 

[_Pure_]

انا راجع بالخاص بحملتين ولا مره عطوني هالابره و اول مره اسمع فيها

اقول اكيد مو ضروريه

 

[جذابه بنت ذيابه]

ماعطوني اياها فبجري ..

ومرت اخوي تاخذهاا من المستوصف

والحين يمكن اخذها يمكن لا



الحافظ الله

 

[amna_83]

هذي ابرة التيتانوس
المستشفيات الخاصة ما يعطونها على بو ان اجهزتهم وادواتهم معقمة
بس بالحكومه يعطون هالابرة احتياطا لا سمح الله كانت الادوات المستخدمة في الولادة غير معقمة
انا كانت مراجعاتي كلها بالسلام
بس كنت فاتحتلي ملف بالحكومه
يعني كنت اراجع خاص وحكومه لاسمح الله تعسرت ولادتي ولا شي
الا عندي ملف بالحكومه

 

[PinkY Dreams]

والله علمي علمج ياخويتي

اب

 

[حرم سي السيد]

انا بعيالي اثنين ماعطوني هالابره

وحمالي هذا بالسلام احس شي موضروري

 

[هني وعافيه]

انا خذيتها اسمها ابرة التيتانوس والخاص ماعندهم هالابره بس لمن سألت فيها دكتوري في عيادة خاصة قالي يفضل انج تاخذينها بحمالي الاول خذيتها مرتين بالرابع والسابع والحين حمالي الثاني باخذها انشالله اهي حق تسمم الحمل الله لا يقول مثلا ادوات مو معقمه او او اكلتي اكل بايت من المطاعم هذي الابره حماية حق االحامل حتى يقولون لو الله لا يقول والله يتمم على كل وحده حامل اذا الجنين مات هذا تمنع تسمم الحامل فا ليش ماتخذونها مافي فيها مضار وان اؤيدها حق الي ياكلون من المطاعم مثلي لوووووووووووووووول ما ندري الاكل نظيف ولا لا هذا اكيد الكلام


والي سمعت عنه بس مو متأكده انه تمنع تشوهات الجنين والله اعلم


ادعولي الله يرزقني بالولد الصالح المعافي امين يارب العالمين

 

[أم حمادين]

انا كنت اراجع بدار الشفا يوم كنت حامل قالتلي الدكتوره اخذيها من مستوصفكم وصج خذيتها

 

[ملكه الحطب]

انا اللي اعرفه انه يعطون هالابره في الشهر السابع بس مو بالرابع والحكومه تعطيها اما عن الخاص سالت دكتورتي عنها وقالت مو ضروريه بس انا فاتحه ملف بالمستوصف وراح اخذها لاني حسيتها وعلبالي انه تفيد الجنين بعد الولاده بس هي اطلعت حق التسمم

 

[[ ياعيون خلي ]]

انا اراجع بالمستوصف والخاص

قبل اسبوع مراجعتي عند المستوصف وعطتنياها الدكتوره وانا نهايه الخامس

 

[ابتسمامه]

انا اراجع بالمستوصف من اول الحمال الى الشهر السابع افتح ملف بالمستشفى اللي بولد فيه
البجر يعطونها ابرتين اخر الثالث والشهر السابع وبعدها لحملتي مره ثانيه بس بالسابع

 

[ام سوسو الحلوة]

انا سالت دكتووري عنهاااااااا قالي مو ضرورية

 

[توته كيوته]

اي صح ذكرتيني الله يذكرج بالشهادة .. في بجري خذيتهم وانشالله هالمره بعد بروح اخذ

 

[كوكتيل عسل]

حبيبتي هذي ابرة التيتانوس

والعادة يعطونها للحامل اللي ما اخذتهم قبل


عندنا بالبحرين ، يعطونا تطعيمات التيتانوس الكاملة بالمتوسطة وفي المدرسة ،
فبالتالي ما تحتاجهم الحامل باذن الله اذا كانت امورها تمام وما عندها اي مشاكل بالحمل

بالنسبة لعندكم بالكويت حاولي تتأكدين اذا اخذتي ابر التيتانوس وانتي بالمتوسطة والا لا؟؟ هل يعطونكم اياها بالمدرسة؟؟؟؟

اذا اخذتيهم والحين امورج تمام وما تعانين من اي مشاكل ان شاء الله ماراح تحتاجينهم





تحياتي

 

[بينك وورد]

يعطيكم العافيه يا بنات

كفيتو ووفيتوا