ابرة رئتين البيبي ! منو عندها فكره شلون صايره؟

[Lady-_-fushia]

هاي حمولات شلونكم و شلون بيبياتكم

:eh_s(7):

ابي اعرف عن ابرة الرئتين ان شاء الله عالشهر الياي راح اخذها
وماعرف عنها اي شي!
اهيا يعني ابرة عادية؟
وين يطقونها؟
تعتبر عملية؟
وجم تكلف ؟

يعني ابي اعرف كل شي عنها :eh_s(4):

جان زين اللي ماخذتها او تعرف طريقتها تقولي بليز
ردوا حتى لو بس رفع على ما احد يعطيننا الجواب الوافي
والله يسهل عليكم ان شاء الله:yaaaaaarb:

 

[زين ودلال]

رفع

للاسف ماعندي فكره

 

[عبث طفله]

يما شنو عمليه !!!

ابره عاديه بالعضل على فخدج .. انا اخدتها بالسابع لانه جتني طلوق .. واخدتها بالحكومه ..

بس بالخاص مادري جم سعرها ..

 

[kuwatiya]

ابره عاااديه تاخذينهاا مرتين مره مثلا 8 الصبح الثانيه 8 بليل

عاااديه بالورج وسلامتج بالحكووومه ببلاش روحي اخذيهااا يقزونج​

 

[ام عفاف الكويت]

بالحكومه ببلاش
تاخذين ابره الساعه 12 الظهر والثانيه الساعه 12 بالليل بس نفس اليوم
والحمدلله اخذتها بولدي

 

[M.O.F]

لازم كل حامل تاخذها ولا لا ؟؟

 

[بخـــارى]

الحكومه ابلاش
كل 12 ساعه يعطونها
الي احتمال تولد ولادة مبكره تجنب البيبي مشاكل الرئه بعد الولاده ان شاءالله

 

[عبث طفله]

لا مو كل حامل .. بس اللي معرضه للولاده المبكره .. او جتها طلوووق بالسادس او السابع .. لازم تاخدها احتياطا يمكن تولد مبجر على الاقل تكون الرئه مستعده عشان يعيش البيبي ..

 

[Lady-_-fushia]

مشكووووورين بنات ريحتوني والله
انا عبالي الابره الطويله اللي يقزونها بالبطن حتى مت من الخوف عبالي يقزون البيبي يعني
وفي بنت سالت لازم كل وحدة تاخذها
لا مو لازم دكتورتج تقولج اذا تحتاجينها
انا احتمال يحوشني ولاده مبكره
فدكتورتي قالت بالسابع نعطيج اياها عشان اذا لا سمح الله ولدت مبجر البيبي تكون رئته زينه و مايقعد بالشيشه وايد
بس ماسالتها شلون طريقه الابره و من جذي راح بالي بعيد
شكرا مره ثانيه عالتوضيح بنات

 

[ام عفاف الكويت]

لاتخافين
انا عطوني اياها في ولدي لانه في بجري ولدت بالثامن خافوا اعيد التجربه بسسسسسس
وهي ابره عاديه وخفيفه سبحان الله تكون بسرعه الرئه للياهل عشان يتنفس بسرعه لو يطلع مو يحتاج شيشه
وربي يسهل عليج ولادتج يييييييييييييارب

 

[pinkzz]

حبيبتي انا عطوني هالابره فبنتي
لان كانوا متوقعين ولاده مبكره كالعاده
مافيها اي خطوره او مشاكل اهيا تساعد على نمو الرئه واتخليها متهيىه للولاده

 

[Lady-_-fushia]

مشكورين بنات
الله يطمن قلوبكم ان شاء الله
اي صج البنات اللي قالو خذوها لما ولدتوا ما حطو البيبي بالشيشه؟ وباي شهر ولدتوا؟