ابرة الظهر ودكتور عمر الخطيب & ابي اولد بأسرع وقت

[Om_Nassor]

السلام عليكم
* انا دكتورتي ماجده الكميخ نصحتني اخذ ابرة الظهر عند دكتور عمر الخطيب برويال حياة طبعا وانا استخرت وجني ارتحت شوي بس ابي اعرف الي خذوها ماصار فيهم سايد افكت يعني صداع تنميل خدار اي مضاعفات؟ انا خوافه وهذي اول ولاده لي وكل ما اسأل وحده تقولي لا تاخذينها مو زينه بس انا اثق بدكتورتي والحمدلله استخرت وهذا اهم شي

* الشي الثاني انا صارلي 18 يوم دشيت التاسع وصارلي بظبط اسبوعين كل يوم امشي وحتى عاليال مشيت ماكو فايده ماولدت ابي اولد بأسرع وقت شسوي!! مابي اشرب دارسين وخروع اخاف

 

[Om_Nassor]

:yaaaaaarb:​

 

[*ريما*]

ان شاء الله تولدين بالسلامة

 

[الزين عنزي والدلع سعودي]

هلا حبوبه ،، انا احاجيج اللحين تو طالعه من غرفة الولادة ساعه ٩ بالليل ،، جبت احلا واطلق بنوته ..
بالنسبة لابرة الظهر كل ولادتي اخذتها ولله الحمد عادي ، صداع بسيط ومن الكمام مو منها .. انا هذي لي ثالث ولاده فيها والله دعيتله للجنه اللي اخترعها 
مرتاحه الحمدلله عليها ،، انا اخذها لان كل ولادتي طلق صناعي اطوف شهررري كله ،،

وعسى الله يسهلها عليج يارب ..

 

[Om_Nassor]

ثانكس ماقصرتو

 

[Om_Nassor]

شدعوا محد خذا الابره عند دكتور عمر :bbbiu:

 

[kitty eyes]

سبحان الله

انا دكتورتي ماجدة الكميخ وتوني والدة قيصري بتاريخ 27/9

وخذيت ابرة الظهر عند الدكتور عمر

انا اقول اخذيها وانتي مغمضة

بصراحة الدكتور فوق الممتاز وهو رئيس قسم وكبير

وحيييييييييييل حبيييييييييييييييب

يريح الواحد

وترى هذي ثاني مرة اخذها

احس اللي عند الدكتور عمر احسن من الاولية وكنت ماخذتها بمستشفى العرف

عسى الله يسهل عليج يا رب

 

[كتالونيه]

انا اخذت ابرة ظهر بصراحه ماتظر
وانصحج ماتخذينها لانه في بنات اخذوها وولدوا عمليه
والله يقومج بالسلامه
وبصراحه الدكتوره ماجده الكميخ مااعرفها بس محد يمدحها
الكل ينحاش عنها
وحبيبتي انصحج تشربين دارسين لانه بنت عمي تشرب دايما
دارسين وهي بالشهر التاسع وبجر بس ماشالله لما جاها الطلق
انفتح 8 سانتي مع انها بجر وانشالله ابسوي مثلها اذا دشيت
شهري

 

[Om_Nassor]

kitty eyes
حبيبتي والله مشكوره ماقصرتي وايد ريحتيني :eh_s(7):

كتالونيه
مشكوره عالنصيحه حبيبتي :eh_s(7):
بس حرام تينن دكتوره ماجده الكميخ عبقريه ماشاءالله عليها بروفيسوره وجنها خريجة جامعة اكسفورد اذا ماني غلطانه وكانت شي بالولاده ويقولون ادرس بجامعة الكويت يعني المرا فاااااهمه ونفسيتها تينن وهاديه تريح الوحده حرام ليش مايمدحونها وعليا شسوت!!

 

[كتالونيه]

حبيبتي انا ماعرفها
بس اشوف البنات بالمنتدى يذمونها حيل
وينحاشون عنها
حفظت اسمها من كثر مايقولون انها تطنش الوحده
بالولاده وماتساعدها

 

[Om_Nassor]

لا ان شاءالله مو صج لاتخرعيني

 

[Om_Nassor]

:bbbiu:

​

 

[Om_Nassor]

مابقا شي واخلص شهري وماكو اي بوادر ولاده شسوي :eh_s(2):

كل يوم امشي عاليال وماكو فايده :eh_s(2):

مابي اوصل مرحلة الطلق الصناعي :eh_s(2):

 

[Mimi84]

حبيبتي انا والده ابرة ظهر عند عمر الخطيب طلبته بالاسم الدكتور عجيب ولاتحاتين كلش يحطون اول شي كريم مخدر ويخلونة ربع ساعة بعدين يغزونج يعني ما تحسين بشي وحمدالله ماصرلتي مضاعفات او شي واعرف وايد بنات غازينها و في دكتور بعد برويال حياه ولد الرفاعي هم يمدحونة �� انا الحين حامل وهم بولد قيصرية وبرد اطلب نفس الدكتور حق الابرة ... لا تحاتين الله يسهل عليج يارب

 

[sweeta77]

عمر الخطيب دكتور ممتاز
اذا جربته تخدير عام
والدكاتره كلهم يمدحونه وهو رئيس قسم التخدير

 

[Om_Nassor]

ثانكس ماقصرتو :eh_s(7):

 

[ياغفور اغفر لي]

بنات ممكن توضحون لي

الحين ابرة الظهر متا يغزونها
واذا الوحدة بتولد طبيعي لازم ابرة ظهر
واذا غزيتيها شنو يصير تتخدرين كلج

فيدوني ترا انا بجريه

 

[كتالونيه]

حبيبتي
ابرة الظهر يعطونها الي بتولد طبيعي
وهي كيفج تبينها اولا ويعطونج ياها اول ماتدشين
وهي تشيل الطلق يعني ماتحسين بالطلق ولابطلعت الجاهل
وحتى جسمج ماتحسين فيه
بالمره
طبعا يقولولج شدي وانتي موحاسه بالشد بس سبحان الله تشدين

 

[غلأأأأ مغليهأأأ]

اب اب

 

[أم خديجة]

الله يقومج بسلامه

شوفي سواء كنتي قيصريه ولا طبيعي ابرة الظهر والله احسها رحمه من الله حق الي بتولد واصلا انا قبل جم يوم سألت دكتوري قالي السنه اليايه راح يطلع قرار من وزارة الصحه ان الولادات راح تكون كله ابرة ظهر والبنج العام راحتك يكون فقط للحالات الحرجه
وكافي ابرة الظهر تعيشين كل اللحضات من غير صريخ وتعب بلعكس تشوفين البيبي وانت بصحه
وهم بلقيصريه تكونين واعيه لكن حاطين حاجز عشان لاتشوفين التشقق لي طلع الياهل يقطونه عليج والله وناسه
بس اذا ولاتج طبيعيه من تعدين 4سانتي مايعطونج اياها ممنوع لازم قبل
توكلي علي رب العباد واهو ارحم من الكل علينا