ابرة البوتكس لتنحيف وتصغير الخشم + صورة خشمي

[ليت لو يوم أفرح]

قوووووووووووووووووووووووووووووووووووووووه
شلونكم بنات
.. بنات ابي اسوي عملية تجميل لخشمي:krkrkr:
بس هلي ماراح يوافقون:krkrkr:
عشان جذي انا بسوي .. ابر البوتكس لتصغير الخشم
انا خشمي مب كبير .. بس كله دهني .. ودهون ويهي كله تتيجمع في الخشم:krkrkr:
عشان جذيه مخلنه متين :eh_s(11):
وعندي انعواج بسيط في الانف .. كانت من ضرابه استوت بيني وبنت اختي يوم كنا يهال
ضرب خشمي ياليدار بقوة عشان جذيه استوا في خشمي انعواج
وانا دقيت وخذت موعد في عيادة الدكتورة سعاد لطفي الاماراتية
وموعدي بعد باجر يوم الاربعاء ان شاءالله
قالت لي الي ترد مو على كل خشم تنفع
وجيمتها تكلف 800 درهم امااراتي
ومدتها 6 اشهور
تضرب الانف بابرة الببوتكس قالت لي الي ترد انه ينحف الانف
بكن بعد 6 اشهور لازم ارد ادق خشمي ابر
قالت كله ياخذ ثانيه
يعني ما اطول .. قولوو جيه ربع ساعة كل وقتي بكون في العياده

فمحتارة امي تقولي خشمج حلو ماتبين .. يمكن يخربونج لج
وانا ودي اسوي بموت متعقدة

اذا حد سوت هالابرة تخبرني وتقولي كيف كان خشمها وكيف صار
انا بحط لكم صورت خشمي

..
بليز بنات خبروني اهي سعاد اوكيه يعني اسويها ولا لا

وبصير خشمي اوكي
اذا صار سويتها راح احط لكم صورة خشمي بعدها
بس لا تسون لي طاف عفيه

 

[ii DareeN ii]

انا شفت مرة في برنامج في الام بي سي سوها لايف طق الدكتورة ابرة على خشم ريال وتغير بس والله خشمج مافية شي ترا عادي وطبيعي واستخيري واستشيري اذا هالشي شرعي اهل العلم وماتشوفين شر

 

[إماراتية ملقوفة]

حبيبتي خشمج شحلاته والله مايحتاي جنج مسوية عملية وخالصة

تتوقعين ابر البوتكس تعطي نتايج شرات عمليات التجميل ؟؟

 

[sozeeta]

وانتي توصفي في خشمك توقعت شكله مو جذي ، طلع شكله مقبول وما فيه شي ، كيف لو تشوفي خشمي ؟ اثار الكسر القديم ، والانتفاخ في الغضروف . بس خايفة من العملية ، بالنسبة لابر البوتكس ما سمعت حد سواها لتصغير الانف .

 

[ATOoOMA]

بالعكس خيتو خشمج مافي شي طبيعي ..انا جفت بالتي في بقناه ام بي سي في برنامج التفاح الاخضر سوو حق ابنية الابرة الي تنقز بالخشم امبي المنظهر يخرع وبالاخير امبي والله انا عندي لما قبل لا تسوي كان احلى صار بعدين منعوي واحمر مودري اشلون @@

لا تحورثين في نفسج دامج مافيج الا العافية هذا لو كان خشمج حيل متضرر الي تسوين بس مشالله خشمج حلو مافيه شي

 

[ArEEj]

ما ادرى اذا انتى حاسه ان خشمج فيه شي استشيري الدكتوره
شكليا ما فيه شي عادي وبالنسبه للدهون لها حل ثاني غير العمليات

 

[كويتية طيبه حنونه]

ابر البوتكس ما تصغر الخشم ترفعة و حتى الفتحات ترا اتصغرها وبصراحة وترا ألي سوون الهالشغله يكون شوي كبار بالسن لأن الخشم مع الكبر ينزل سبحان الله ويكبر فهذي الأبرة ابتحتاجينها وانتي اتوقع صغيرة و مافي اي ابرة تصغر الخشم وبعدين خشمك ما في شي !
لأني سألت فيها قنال وكان ودي اسويها فقالت لي هالمعلومات.

 

[زهره الخليج]

قلبي

انا مره رحت لدكتوري حق تجميل
واهو دوم يقولي خشمك حلو وقاهرني

قلت له عندك ابر بوتكس قالي ايه
قلت سوها لي من فتحات الخشم
قال انا عندي لمده ساعه وانتي شوفي بس قالي ماراح يبين ولا تسوي اي شي

وماراح تلاحظين الفرق

فقلت سوها لي سويتها الله لا يورايج دمووووع عوار خشمي ذبحني من بط الابر

لمده ساعه اذا عجبني اسوي لمده 6 اشهر

ومن سويتها ولا سوت فرق معاي عااااادي اهو خشمي ماتغير اي شي

قلت كل عوار ولا بين اي شي

بس ماااادري حبيبتي دكتور عندكم معروفه ماشاء الله عليها
واهي اول وحده نزلت هذي ماده
بس اتوقع مواد تصغير حقتها غير عندنا في كووويت

انتي جربي وشوووفي مايضرك شي

 

[lenaaaaa]

ArEEj ايش حل الدهوون

 

[نوني2010]

انصحج لاتسوينها عوار عالفاضي اذا اهلج خايفين عليج من البنج سوي بنج موضعي عالاقل هالعمليه اتضل معاج طول عمرج
مو ست اشهر

 

[ليت لو يوم أفرح]

استغفرالله اني تبت

ومشرفه القسم

حذفي موضووعي


انا ويني ع هالحديث من زمان

لعن الله المغيرات خلق الله


حذفوو موضووعي بلييز مابي احذ اثم اي وحدة تدش وانا بريت ذمتي

وكل الي تدشه في ذمة المشرفات القسسم لانهن هن المسؤلات


باي

 

[AL 3la]

؟؟؟؟
شفيها

 

[ღ Prettyღ♥ღWoman ღ]

اذا خشمج فيه انعواج اعتقد الابره ماراح تفيدج بشي

لانه لازم الدكتوور يصحح الانعواج ويرده نفس اول

 

[Great-Me]

خشمج مافيه شي @@؟؟؟

لو تشوفين فيه دهون حطي عليه زنجبيل راح يحرقج بالاول تالي حطي عليه ثلج

قعدي حطي زنجبيل لمدة نص ساعه او ربع ساعه يوميا ,, وراح يبين الفرق بسرعه لانه الزنجبيل حار ويشفط الدهون

اخذي زنجبيله صغيرونه واطحنيها بتصير مثل العجينه وحطيها على الاماكن اللي تبين تضعفينها على خشمج,

 

[النويره]

اي هذي عيبها انج ترجعين تقزينها كل 4 اشهر او 6 اشهر بس حلوه للخشم تصغره وتغير الملامح بس عيبها كل مره تعالي قزي
العمليه احسن وبعدين هل لها مخاطر مستقبله علي الانف ؟
والله الطب تقدم بنات كل يوم شي توه مساع اشوف قناه الجزيره والا حاطين عمليه اعاده بصر لوحده عمرها ستين سنه اتخيلوا بشنو
والله العظيم بزراعه سن الضرس لها مكان عدسه العين شفت السن انا حطوا الكاميرا عليه وطلعت المراه اللي عمرها 60 تاشر علي الاشياء وتشوفها وفرحانه مع زوجها تقول صار لي 9 سنوات ما اشوف00 امريكا واوربا طب قلت سبحان الذي علم من لا يعلم -اسفه خبر خارج عن الموضوع بس عشان ايبين شنو باجر ممكن يطلع من عمليات تجميل ثانيه

 

[LilShaw]

مافيه شي .. حرام تخربين على نفسج!

 

[pussy_cat]

حبيبتي والله وربي الشاهد خشمج حلوو والله بس من دون مجاملة صج انا بعد ساعات اتيني دودة العمليات بس والله خشمج مافي شي حبيبتي

 

[موكاq8]

جزاج الله الف خير على التوبة وربي يثبتج ولاتنسين آخرتج والله هالشغلات لاتودي ولاتجيب وكلها حرام شلكم فيه

 

[العين الكحيله]

الله يثبتج

 

[* قطر الندى *]

صج عاد فيه