ابا مسج حب يخلي الريال يحس على دمه

[خولـه]

مرحبااااا


شحالكم

عندي ربيعتي خطيبها مايكلمها ومطنشها من شهوور وتبا مسج حلو ومرتب ومحترم تطرشه له عشان يحس بس بدون عتاب لانه مايحب العتاب


يلا ياحلوات ابا شطارتكم

 

[سارونه الاماراتيه]

حبيبي ليش قلبك صار جافي وطبعك يا بعد من كان وافي
يا غالي لا تزيد الهم كافي فراقك زاد في قلبي لهايب
ومهما غبت يا روحي علينا عسى الله عقب هل فرقا يعينا
ودادك باجين لاشك فينا نحبك حاظرن ون كنت غايب

حبيبتي الوقت متأخر الحين ..

انآ أعرف أصمم وسآيط و عندي فولدرآت كلآم شكثر

بآجر ان شآء الله أسويلج اللي تبينه ..

بس انتي ذكريني حتى لو برسآله ..

والله يلين قلبه عليهآ ..

 

[خولـه]

اميييين الله يسمع منج

مشكوووره حبوبه بس اهم شي مايكون عتااااب

 

[بنت جنيف]

دشي قسم الموبايل وتلاقين مسجات

 

[شوشو الشقيه]

تسلمين اختي
والله ما عندي فكره
ولا اعرف شلون بصراحه
اتمني الاخوات يساعدونج بس الي اعرف الصدق مفتاح كل شيء
في رجال يحبون زخرفات ومسجات وكلام حب وغيره
في رجال يحبون الشيء بسيط كلام من القلب
في نظري الكلام الي من قلب يدخل مباشره للقلب
والله ما ادري
اولا خلني احب نفس الناس اكون نفس الناس علاقه حب
بعيد بقولج من خبرتي
هههههههههههههههه
اذا كونت نفس ناس علاقه حب بقولج ..........

من اختج شوشو الشقيه

 

[shaikhat elbnat]

لو انا بطنشه و خلاص الي ما يبيني ما بيه

 

[Om ToOoTa]

خل تطنشه احسن

 

[**روان**]

لا لا انا اعتقد ما يحتاج مسجات و ما ادري شو ..

بس خليها تدز له

نسيتني ؟

 

[كريستال ليدي]

انا اقول تعطيه طاف وايد احسن

ما احب الريال اللي جذيه

 

[ام فطوم وحمود]

عطيه طاااااااااااااااااااااف والله الريال إذا نفختيه وعطيتيه اكبر من حجمه بيركب راسج ... والله الهادي

 

[اتعبني غروري 7]

اووووولاااااااا من شهووور ؟؟ وينه ما وله عليها !!
مو اله تدزله شي

 

[كوكو شانيل]

اللي معنده احساس لو اطرشين له الف مسج

ماراح يحس

 

[كتكات احمر]

^
^
^
^

اي والله صاجة الي فـــوقي ..

 

[Gourges]

M6anshha shhooor al7een byhtaglaha mn el msg @@
noway ana agool ta36eeeh 6aaf o itha yabeha eyeeha