السلام عليكم
انا عضوه يديده ،، حبيت ان اختار المنتديات لان لقيت الكتابه مثل العلاج النفسي الواحد يكتب ويحس يطلع اللي بقلبه كله لمجهول بدون لا يحاتي .
انا وحده كنت متزوجه شخص الكل حسدني عليه من صيته و سمعته الطيبه بين الناس لكن للاسف مجتمعاتنا مالها الا الظاهر والبيوت اسرار طلع سيّء لابعد درجه مخدرات و خمر و حشيش و جدام الناس شخصيه ثانيه خرابيطه كلها بره الكويت ويحاول قد ما يقدر بالكويت يسوي كنترول على نفسه واذا زود الجرعه كان ما يطلع عشت برعب عنف و ضرب بس كنت اسكت واستر عليه لان كنت حاسه بيتغير وكنت احاول أجمله وأغطي عليه اذا سألوني عنه وأغير الموضوع بسرعه عشان لحد يسأل اكثر وبصراحة اكثر لان ماكنت ارضى على نفسي أكون المره الضعيفه اللي تتكلم عن نفسها وشكثر قعد تتعذب كنت قعد اجمله عشاني انا بعد . عشان جذي محد يدري عنه وكنت اتحمل لما طفح الكيل مثل ما يقولون واتخذت القرار بكل قناعه و انفصلت منه :yaaaaaarb:
لكن المشكله بعد الانفصال كل الناس توقعوا ان العيب مني وانا اللي ما اتعاشر و دلع و غرور و شايفه نفسي وموعاحبني العجب وكلام ينقال لي بويهي اني ضيعت فرصه العمر وماحمدت ربي عليها وماصنت بيتي و ماعرفتله واهوا آخرتها بيتوب ويتعدل وإني وإني وإني والا اهوا حلم كل بنت لان سمعته تشهد له بهالشي ومن يوم الانفصال ما يالي ولا واحد يخطبني للعلم اني مهندسه وجميله ومو ناقصني شي ليش المجتمع والناس دايما لما يصير الانفصال يحطون العيب بالمره؟ ليش مايفكرون ان ماخذت هالقرار الا لانها شافت الويل وتحملت وصبرت وشافت ماكو فايده بالعكس شافت ان الشخص قعد يتمادى ويزيد ؟
في بقلبي قهر كبيييير صحيح اني مهندسه ومكمله حياتي وأروح وارد بس شعور حيل صعب لما الواحد يحس انه منظلم ومابيده شي شعور صعب لما العمر يمر والنَّاس تحاول تتجنبك لان حاطين فبالهم شي مايمت للواقع بصله وصل عمري ثلاثين والانفصال عدى عليه 5 سنوات وللحين الناس يقولون لي انتي ماحمدتي ربج ولا صبرتي مهما الزمن يتغير المره تحتاج تستقر و تكون أسره .
بس فعلا الله يسامح هالمجتمع .
