إهمــــــ ـ ـ ـ ـال زوجي لي

[كميليا]

السلام عليكم ورحمة الله وبركاته

ولله اني محتاره وماني عارفه من وين ابتدي موضوعي معاكم !! يمكن البعض يشوف اني ابالغ بس ولله اني محتاره وحاسه نفسي السبب

انا زوجي يدرس بره وبداية زواجي كنت معاه ولمن حملت وبدت نساتي رديت الكويت واهو رد يكمل دراسته وماشفته 4 شهور لين ولدت ... واهني بدت مشكلتي اللي البعض يمكن يشوف ان مافي شي
استقبلني ف بروووود و جنه توه شايفني و طول ماكنت نفاس اذا زارني بالغصب وماسك تلفونه ومايسولف معاي ! مادري شفيه واذا قتله يقول يتروالج بعدين ماقمت احب اقوله لانه يتظايق
تخيلوا لدرجة اني اسولف واسكت ولا ينتبه معاي و طلعت من النفاس وماحسيته مستانس كلش !! شسالفه ماني فاهمه

ولمن شفت ردة فعله هذي اصريت اني اروح معاه وماشجعني بحجة ان بنتي صغيره وراح نتبهذل و اهو يدرس مايقدر

و كاهو سافر والبرود مــازال !! :eh_s(1): مايدق مايسأل احس انه تعود علبعد بينه !!

وانا بديت اشك و اوسوس :eh_s(14)::eh_s(14):

و ســـــلامتكمـ:eh_s(8):​

 

[ناتشوو]

الله يهدي بالج
كل شي ممكن
والفراق الطويل فعلا يسبب فتور
الله ييسر امورج
دراسته مطولة ؟
اذا مطول روحي له لي كبر البيبي شوي
واتركي النكد
نصييييييييييييييحة
يعني لا تقولين انت ماتسولف انت ماتضحك انت مادري
لا تحاسبينه

 

[قَلبڪْ صًخرْ]

الفراق الطويل تسبب جفا
ماعندي حلول

 

[فوفو22]

استغرب من اللي تنسى ...وتروح تنام لاهلها

وتثقل بالشهور الاخيره... وتروح تنام بيت لاهلها

عندها عرس .....تروح تنامين ببيت اهلها

بتعاقبه .....راحت تنام ببيت اهلها

اجل هو ليش معرس ؟؟؟؟

حبيبتي غلطي لما تركتيه بالغربه ورجعتي

المهم

هو تعوّد على حياه العزوبيه والحريه والانطلاق

ولقي وحده جدامه فجاه ومعها بيبي

يحتاج الوقت صبر على ما ينتقل من مرحله الى اخرى

لذلك انصح كل متزوجه لا تتركين زوجج بسفر او بحضر

لانه بدايه الزواج هو عجينه تصنعيها بكيفج

ولكن كثر الفراق يولد مشاعر غربه بين الطرفين

فوفو

 

[Perfume]

انا مع فوفو
لازم تكونين معاه بالسفر

 

[سارة ة]

الله يسخره لج يارب

 

[جذابه بنت ذيابه]

لازم تكونين معاه ياما حريم سافرو مع ازواجهم ومعاهم اعيالهم وهم يدرسون بعد


نصيحه روحي له عشان يكون تحت عينج و تكونين مرتاحه

 

[بنت شتره]

حاسه فيج

بس مو شرط

بعض الرياجيل مايحب يبين حبه يكون غامض
وهالنوع يبيلج ٣ سنين او اكثر انج تعرفين زوجج

وع قولة اختي فوفو
هو في صدمه كان عزوبي
ورجع لقا مرته وطفل

الله يسخره لج وادعي انه يكون قريب منج
احنا مراح ننفعج
الدعا والتقرب من الله هو اللي بينفعج

 

[al-musk]

يمكن ضغط الدراسه يخليه متنشن وتعرفين الي يدرسون بره يستعسرون ويخافون يتاخرون ..

 

[الحلو مايكمل]

والله يافوفو تقولين درر مشالله عليج انا معاج

 

[ديانا سبنسر]

تواصلي معاه حتى لو مايردعليج دزيله صور البيبي كلام حب وغزل كلام سكسي سوري بنات لاتطقوني خخخخ عبريله عن اشواقج دزيليه ادعية كلام يشجع على الراسة ولا كبرت البنت طيران له بس مولانه مايشوفج تهملين نفسج لا اهتمي بوزنج وبشرتج واناقتج ودايما ادعي هالدعاء اللهم اني استودعتك زوجي يامن لاتضيع ودائعه موفقة خييير