إنما أشُكو بَثّي وحُزني إلى الله..

[ورد فاخر]

الحمد لله كما ينبغي لجلال وجهه وعظيم سُلطانه ..

ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك..

السلام عليكم ورحمة الله وبركاته..

شلونكم خواتي ان شاء الله تكونون في احسن حال..

اسمحولي ع القطاعه ..

الحمد لله

توني طالعه من المستشفى كنت مرقده
بسبب هجمة كانت على العصب البصري
العين اليسرى ..
وتنمل وثقل على الرجل اليسرى ..
وصداع مزمن ماسك الجزء الايسر من الراس والرقبه ..
والحمد لله رب العالمين ..

ما اخفيكم حالتي النفسيه شلون كانت
الحمد لله .. حزنت وتألمت وبكيت وايد
ضعفت ويأست وتعبت وبكيت وبكيت وبكيت وايد وايد ..
حسيت كنت شاله بقلبي وايد
بكيت كنت ماقدر اشوف الاشيا راكبه على بعض ماقدر اميز الالوان ..
ماقدر امشي عدل مافي توازن
كلامي غلط مخربط اتأتأ ..
كنت امشي رايحه الحمام طحت وفحزتها انهرت بكي صحت من كل قلبي ..
حسيت اني ضعييييفه حزنت على نفسي
ان حتى الحمام ماقدر اوصل له ..
مهما كان انا بشر اتألم وازعل يحز فخاطري ..
السستر كانت هنديه تمت تصارخ علي تقول لي ليه ماناديتيني ..
انتي لازم كرسي انتي ماتقدرين تمشين انتي بروبليم .. انهرت
في هالوقت دخل ريلي
وهاوشها شلني وانا انهرت اكثر انه شافني بهالحاله ..
بنات ماكنت ابي يشوفني بهالحاله ..
كنت متهاوشه معاه قبل ماتعب يعني سوء تفاهم بس انا كنت حاسه ببداية هجمه وسايره حساسه زياده ..( اتسبب عليه)
طبعاً شلني وتم يقرا علي ويمسح دموعي وعطوني مسكن ونمت مادريت بشي
قمت لقيته عندي .. زعلت زياده ان كان بينا خلاف وهو قاعد عندي ماتحرك ..
حسيت بتأنيب ضمير ..

المهم تميت 3 ايام ورديت احاتي شنو اقول ل امي ..
طلعت عذر بايخ طبعاً ماصدقت وتمت تقول اطلعي مافيج شي ليلعبون فيج ..
قلت لها بس اخلص المضاد ( اقصد الكرتزون) واطلع
قالت اطلعي انا بسوي لج شوربه وغذاء صحي ومافيج الا العافيه ..
قلت لدكتور ابي اطلع قال ماتقطعين العلاج
المره الي فاتت قطعتي العلاج
انتي العصب عندج رايح
قلت بطلع وبرجع باجر اخذ جرعتي من الكرتزون
قال لا ما اظمنج
تميت اصيح وفهمته الموضوع كامل ووافق بالعسر
فعلاً طلعت وتميت 4 ايام اروح اخذ جرعتي كرتزون 3 ساعات بالوريد
واطلع البيت

الحمد لله
مابي اتكلم عن الالم الي خلفها الكرتزون
متعبه ومؤلمه جداً جداً جداً
بس كنت احتسب الاجر واردد( اللهم آجرني في مصيبتي واخلف علي خيراً منها)

للحين اعاني من الم الكرتزون

بنات شعر حاجبي طاح !!
احس اسناني اتخلخل !!
قلت لدكتور قال طبيعي من الكرتزون قال الجرعه كبيره عشان نحاول نسيطر ع الهمجه..
الحمد لله على كل حال
انا كنت اخذ كرتزون في ال iv room
وحذاي وحده تاخذ كيماوي
كنت اصيح من الألم ويوم دردشة معاي وسالتني شنو تاخذين وسالتها شنو تاخذ
قالت لي كيماوي
( اللهم اشفيها شفاء لايغادر سقم)
حسيت نفسي تافهه جداً
الحمد لله انا ملكه عندها ربي لك الحمد
شنو (ام اس )مقابل (سرطان)

!!
الحمد لله ربي لك الحمد
تميت احمد ربي واشكره
ورجعت عزيمتي وقويت ايماني ان كله خير لي
الحمد لله ..
كل شي ربي كاتبه لي قبل ما ينبض قلبي في رحم امي .. كل شي مكتوب لي بعيشه بالثانيه بالدقيقه بكل رضا بأذن الله
ما اطلب الا ان ربي يعيني على نفسي واقدر اروضها وأدبها ب الاستسلام بقدري ان كله خير لي ولو ان اشوفه تعب والم ومرض بس متأكده وواثقه ان كله بيرجع لي اضعاف من السعاده والاجر بأذن الله ..
الحمد لله ..


انا حاليا كملت 10 ايام من طلعتي من المستشفى ..

كنت مخططه ع الحمل
بس الحمد لله على كل حال
ربي لك الحمد.. لم يأذن لي الله
وفيه خير هالتأخير ..
الاسبوع الجاي عندي تصوير mri
لدماغ والحبل الشوكي ..
عشان يعرف الدكتور مدى تأثر الدماغ والحبل الشوكي بأخر هجمه واذا فيه نقط اكتيڤ
ارجع آخذ كرتزون ..
السم الجميل ..

الحمد لله ربي لك الحمد ..
انا اسفه على القطاعه خواتي كلكم اسمحولي
واختي عياره .. سامحيني ..


خواتي ادعوا لي بالثبات والصبر الجميل على قدري ومرضي
الى ان يإذن لي ربي بالشفاء

إنما أشكو بثي وحزني الى الله

ربي شكواي لك لا لأحدٍ من خلقك ..

الحمد لله ..

اللهم صل وسلم على حبيبنا محمد بن عبدالله

اللهم اشف مرضانا وجميع مرضى المسلمين
اللهم ارحم موتانا وجميع موتنى المسلمين
اللهم امين



​

 

[Tom ♥ Jerry]

,


لا حول و لا قوة الا بالله العلي العظيم

حبيبتي عليج بالدعاء و احنا ماراح ننساج بالدعاء
عسى الله يشفييييج يارب عاجلا غير آجلا
الله يكون في عونج و مأجورة ياقلبي
كلا تخفيف ذنوب انشالله ! :*

 

[ޢޢޢإيمانޢޢޢะۣۨ>]

ربي يشفيچ ويعافيچ ويصبرچ ياحبيبتي ، فعلاً انتي انسانة قوية ومؤمنة ماشاءالله عليچ ، شدّي حيلچ ولاتخلين نفسيتچ تتأثر أبداً بسبب الزعل من أي شخص ، طمنيني عليچ بأقرب وقت ، عسى الله يقومچ بالسلامه ويشفي كل مريض ​

 

[دمعة إنسان]

الحمد لله كما ينبغي لجلال وجهه وعظيم سُلطانه ..​

ربي ها أنت ترى مكاني و تسمع كلامي و أنت أعلم من عبادك بحالي ربي شكواي لك لا لأحد من خلقك..​

الحمد لله على كل حال من الأحوال

السلام عليكم ورحمة الله وبركاته..​

شلونكم خواتي ان شاء الله تكونون في احسن حال..​

اسمحولي ع القطاعه ..​

وعليكم السلام ورحمة الله وبركاته..

الحمد لله :eh_s(15):

الحمد لله ​

توني طالعه من المستشفى كنت مرقده
بسبب هجمة كانت على العصب البصري
العين اليسرى ..
وتنمل وثقل على الرجل اليسرى ..
وصداع مزمن ماسك الجزء الايسر من الراس والرقبه ..
والحمد لله رب العالمين ..​

ما اخفيكم حالتي النفسيه شلون كانت
الحمد لله .. حزنت وتألمت وبكيت وايد
ضعفت ويأست وتعبت وبكيت وبكيت وبكيت وايد وايد ..
حسيت كنت شاله بقلبي وايد
بكيت كنت ماقدر اشوف الاشيا راكبه على بعض ماقدر اميز الالوان ..
ماقدر امشي عدل مافي توازن
كلامي غلط مخربط اتأتأ ..​

الحمد لله على السلامة
وأكيد المريض لازم تكون نفسيته شوي تعبانة

مع الأيام ستكون في تحسن
اهتمي بنفسج

كنت امشي رايحه الحمام طحت وفحزتها انهرت بكي صحت من كل قلبي ..
حسيت اني ضعييييفه حزنت على نفسي
ان حتى الحمام ماقدر اوصل له ..
مهما كان انا بشر اتألم وازعل يحز فخاطري ..
السستر كانت هنديه تمت تصارخ علي تقول لي ليه ماناديتيني ..
انتي لازم كرسي انتي ماتقدرين تمشين انتي بروبليم .. انهرت
في هالوقت ​

الهندية هي مسؤوله عنج لو صار فيج شيء لا سمح الله بتكون هي المسؤولة وسوف تتحاسب على كل صغيرة وكبيرة

وكلام الهندية صح المفترض أنتين مريضة لا تجهدي نفسج عشان تروحي للحمام حتى لو قريب منج عيل ليش حاطين الجرس لج حق وه

دخل ريلي
وهاوشها شلني وانا انهرت اكثر انه شافني بهالحاله ..
بنات ماكنت ابي يشوفني بهالحاله ..
كنت متهاوشه معاه قبل ماتعب يعني سوء تفاهم بس انا كنت حاسه ببداية هجمه وسايره حساسه زياده ..( اتسبب عليه)
طبعاً شلني وتم يقرا علي ويمسح دموعي وعطوني مسكن ونمت مادريت بشي
قمت لقيته عندي .. زعلت زياده ان كان بينا خلاف وهو قاعد عندي ماتحرك ..
حسيت بتأنيب ضمير .. ​

من كلامج أقول لج الريااال يعرف انج مريض وهو يعرف انج ماتبيه يشوفج بهشكل

بس اعرفي الرياال لما يحب زوجته ويعرف انها مريض أول شيء يفكر فيه صحتها قبل مظهرها
ومستعد يضحي باي شيء عشان يسعدها

والحياة الزوجية لازم تكون بها مشاكل لكن الاحترام بين الطرفين و تنازل أحد الأطراف للأخر هو عين الحكمة .

بدل ما تزعلي قولي ليه كلمة وحدة فقط
أن كنت أخطأت في حقك أني آسفة جداً
حتى لو كان هو من بدأ بالخلاف
قوليها ليس عن ضعف شخصية لالالا
قوليها بقلب صادق وحنون

هذي الكلمة قد تكون صغيره لكنها كبيرة في قلبه

وحذاي وحده تاخذ كيماوي
كنت اصيح من الألم ويوم دردشة معاي وسالتني شنو تاخذين وسالتها شنو تاخذ
قالت لي كيماوي
( اللهم اشفيها شفاء لا يغادر سقم)
حسيت نفسي تافهه جداً
الحمد لله انا ملكه عندها ربي لك الحمد
شنو (ام اس )مقابل (سرطان)​

هذا مواضيع عن MS
http://www.q8yat.com/t45726.html

التصلب المتعدد - طبيب دوت كوم

‫ما هو مرض التصلّب اللويحي المتعدد - MS Disease‬‎ - YouTube

احذرو مرض الالتصلب العصيى التعددى ms

اما السرطان قد يكون أشد

وهذا مقال للقراءة هنا

خواتي ادعوا لي بالثبات والصبر الجميل على قدري ومرضي
الى ان يإذن لي ربي بالشفاء ​

:yaaaaaarb: الله يشافيج ويعافيج ويقومج بالسلامة

 

[Patcholli]

حبيبتي ماتشوفين الشر والله يقومج بالسلامه يارب
ماعرفج بس تفاعلت معاج واتاثرت بكلامج ولج وعد اني ادعيلج بكل صلاة
ولاتنسين الصدقه و الرقيه الشرعيه
الله يشافيج ويعافيج ويفرحج عقب هالتعب ياري

 

[ورد فاخر]

حبايبي خواتي الله يجزاكم خير جميعاً

ماقصروتوا معاي بوقفتكم وكلامكم الطيب ودعاء جزاكم الله خير


الحمد لله على كل حال
كله خير بإذن الله

احبكم في الله

 

[hbenc]

ربي يرفع عنج البلاء وصدقيني كل داء وله دواء هالكلام مو من عندي هالكلام من ربي سبحانه فلا يغرج ان لي الحين ما اكتشفوا له علاج بالعكس هذه عقول بشرية قاصرة ومحدودة مالج شغل بالمحدود وخلييج باللامحدود الي اهوا قدرة ربج وعطائه ونصيحتي لج القرآن لايفارقج ليل نهار كل ماشفتي نفسج فاضية اقري واقري واقري وانتي رايحة بالسيارة اذا كنتي ماتسوقين وفي يمج احد يسوق فتحي مصحفج قبل النوم اقري صفحتين حزة الضحى اقري بكل وقت من الاخر مو اليوم 24 ساعة انتي حذفي ساعات النوم وخلي باجي الساعات كلها قرآن يعني الي اقصده ان لاتطوف ساعة من الساعات الا وانتي عالاقل قاريتلج صفحتين وشوفي الشفاء بإذن الله بعينج وربي ماتكلم عن ان القرآن شفاء من فراغ طبقي الي قلته لج وصدقيني ربي بيرفع عنج واحتسبي بكل الم الاجر وربي يشافيج وبإذن الله راح ادعيلج حبيبتي

 

[هدوء]

الله يشفيج اختي ويشفي كل مريض

الله يعينج .. لج الأجر باذن الله

 

[ورد فاخر]

الله يجزاكم خير

وفعلاً نفسياً ارتاح لقريت قران
الحمد لله على نعمة الاسلام

 

[rose2012]

الله يشافيج و يقومج بالسلامه انشالله لا تيأسين من رحمه الله المعجزات تصير كل يوم لناس مرضى
تعرفي على ناس فيهم نفس المرض اللي يشوف مصايب غيره تهون مصيبته
مره شفت واحد في مرض كرونز يصيب الامعاء يقطعها من بدايتها لي نهايتها دم شاب بال 20
بس يبجي و يمسك بطنه يطلع من الحمام و يدش و يطلع و يدش و يطلع و يدش عايش بجحييم
صار في فجاه
وهد الجامعه و كل حياته مايطلع من المستشفى

صبري و بس ان مع العسر يسرى الشفاء من الله مو من الادوية لو قال لشي كن فيكون
كثري عبادات و ادعيه حتى لو تعبانه ضغطي على نفسج حييل

سيدنا ايوب عليه السلام لما مرض و طاح و لحمه تقطع و محد صار يقرب منه من الريحه
دعا :ربي اني مسني الضر و انت ارحم الراحمين
قاله اركض برجلك هذا مغتسل بارد
وتشافى بثواني
كله باييد الله وبمشيئته
صبري و ادعي

 

[في الجو غيم]

حبيبتي الله يصبرج والله الانسان ضعيف ممكن في لحظة يطيح ويمرض بس احنا دوم في غفلة ونحس فينا قوة وننسى ان محد وهبنا اياها غيره سبحانه بس وقت المرض كل شي جدامنا يختفي ويضعف الا الامل فيه سبحانه
اهم شي تراجعين وتهتمين بالعلاج وتدعين ربج بكل لحظة وحين وتصبرين وعندج قناعه من داخلج ام لج رب يسمعج ويستجيب وما يرد حد من عباده

وان شاء الله تردين مثل ماكنتي واحسن

 

[ناتشوو]

يارب يرزقج من حيث لا تحتسبين
ويشرح صدرج
يااارب
ياارب
يفرج همج

اللي بيساعدح ع التحمل
لي تذكرت كلنا للفناء
وانت باذن الله لج اجر عظيم
وبيعوضج ربي في اخرتج
يارب

 

[rose2012]

في وحده كاتبة قصتها بالنت تشافت من الذئبه الحمراء نفس الام اس الجسم يهاجم نفسه
بس انها غيرت اكلها ماتاكل شي مطبوخ
كله فواكه و خضار مناعتها صارت حديد و تشافت بروحها تقول بدون ادوية
جربتي تغيرين الاكل كله و يبيله وقت او ماتقدرين؟
ولا تفقديين الامل كلشش حطي ببالج راح يردني الله نفس قبل بكامل صحتي
لان الله سبحانه و تعالى يقول انا عند ظن عبدي بي فليظن بي مايشاء
حطي ببالج حاله مؤقته مجرد مسح ذنوب و بس
وصورتج ترا ايدج طالعه يمكن في رياييل بلمنتدى ديري بالج

 

[M!SS.LOBY]

لا حول ولاقوة الا بالله

 

[ام الدرر]

حبيبتي
الصبر ع البلاء هو العلاج
((انما يوفى الصابرون اجرهم ))
احتسبي واصبري

اسال الله العلي العظيم ان يمن عليك بفرج وفرح ورحمة من عنده ويرفع عنك ما اصابك​

 

[عـيّــآره]

يالله انت تدري هالانسانه اشكثر تعني لي خذ من احلامي وسعادتي وعطها الصحه ​

انتي ماتفارقين يومي وربي شاهد اذا سمعت الاذان والاقامه وبسجودي ادعي لج ​

من عرفتج واسم ورد مايفارق لساني حتى لو مره باليوم​

كل كلمه تكتبينها تطعن قلبي​

يالله ارجوك ​

ورد ابي اطمنج عندج اخت تدعي لج من كل قلبها​

ابي اكتب بس مو شايفه الحروف لي رجعه لج​

ياقدوتي بالحياه​

 

[عـيّــآره]

لا إله الا الله رب السماوات السبع و رب العرش العظيم ..

لا إله إلا الله وحده لا شريك له ..

له الملك .. و له الحمد و هو على كل شيء قدير ..

الحمدلله الذي لا إله إلا هووهو للحمد أهل و هو على كل شيء قدير .. ​

و سبحان الله .. و لا إله إلا الله و الله أكبر ​

​

​

لا حول و لا قوة إلا بالله .. ​

​

​

​

إلهي أذهب البأس رب الناس ، اشف و أنت الشافي

اللهم اشفي ورد يارب
​

​

. ​

إلهي ذهب البأس رب الناس ، بيدك الشفاء ، لا كاشف له إلا أنت ​

يارب العالمين آمين ..


إلهي إني أسألك من عظيم لطفك وكرمك و سترك الجميل أن تشفي اختي ورد فاخر

و تمدها بالصحة و العافية ..




اختي ورد بغيت اسالج للحين امج ماتدري عن شي ؟؟


قلبي وروحي ومعاج حبيبتي ​

 

[مطرر]

صج الدنيا ماتسوا والحمد على العافيه صراحه دخلت المنتدى وانا حيل متضايقه وقريت موضوعج صج الف حمد وشكر يارب
الله يقومج بالسلامه اخثيلج عمره وادعي وشربي ماي زمزم لاتيئسين من رحمة ربج

 

[عـيّــآره]

اسال الله العظيم رب العرش العظيم ان يشفيج ياختي ورد

بنات لاتحرمونها من دعائكم ماتدرون يمكن باجر نحتاج من يدعي لنا وربي يسخر لنا

خلقه


طمنيني عليج حبيبتي​

 

[دلوعةمآمآ]

اللهُم رب الناس اذهب البأس واشفها انت الشافي ,لا شِفاء إلا شِفائك ,شِفاء لايُغادر سُقما