إلي فيها كوليسترول تقلط

[أترجه]

صباح الخير على الجميع

اشلووونكم .. اخباركم ..

بنات اي وحده فيها كوليسترول
تقول لنا شنو الأدويه إلي تستخدمها .. و اذا عندها نظام رجيم تحطه لنا
يعني خبراتكم و تجاربكم ..


الله يشفي الجميع​

 

[عقــد منثور]

صباح الخيرات والليرات


انا عندى كلسترول مرتفع شووى .. والدكتور متحلف فينى .. اذا ارتفع شوى بيوقف علاج الروكاتين .. تبين شئ طبيعى عندج بذرة الكتان مع السلطة او الروب قليل الدسم .. وبنشووف ياانا يا هالكلسترول ..

 

[أترجه]

انه معاي ارتفاع كوليسترور الضار
و مادري شسوي و شنو اكل و هل في ادويه زينه تنباع بالصدليات و مضمونه
واذا في شي طبيعي و تستخدمونه افيدونا

انه صار لي اسبوع مطيحه ببذرة الكتان

وبغيت اسألكم صج إلي فيهم كوليسترول وزنهم ماينزل ؟؟
شسوي​

 

[عقــد منثور]

اااااااااااب

 

[أترجه]

تجاربكم .. خبراتكم ..
الله يشفيكم​

 

[أحلى عيون]

الله يشفيكم اخواتي الغاليات

 

[غزاله شارده]

رد : إلي فيها كوليسترول تقلط

يقولون شرب المايه بكثره ينزل كولسترول

 

[أترجه]

يزاكم الله خير على المرور و الإفاده و الرفع

 

[%ماكنتوش%]

الشاي الاخضر وخذي الورق مو ليبتون وتحصلينة بالجمعيات

 

[سويت لاتيه]

: :احسن علاج للكوليسترول نظام الشوربه الحارقه للدهون 00 والاكثار من شرب الماء ومن تجربه مريت بها 00 والله يشافي كل مريض ان شاءالله0:yaaaaaarb:

 

[سويت لاتيه]

اما الرجيم هو نفسه الشوربه الحارقه نزلت من وزني 7 كيلو في شهر وطيرت الكوليسترول:eh_s(9):

 

[jnon-bint]

الي تعرف نضام الشوربه الحارقه للدهون ياريت تكتبه
وسمعة ان الكرسترول يثبت الوزن ما يخليه ينزل صح ولا لا ​

 

[مــ_ــا مــ_ــي]

اللي اعرف فيه حبوب اسمهم جلوكوفاج .. تحرق الدهون اللي تاكلينه واللي مخزن بالجسم ويعطونهم مرضى السكر والكولسترول ...

انا استخدمهم كرجيم الحمد لله مافيني كولسترول .. بس عشان انزل ونزني ... واشربي بعد الغدا والعشا جاي اخضر ليبتون بالليمون مع زنجبيل حلو يحرق الدهون

 

[ريمي74]

انا عندي شوي مرتفع بس صراااااحه ما اخذ شى """ على البركه """

 

[كيكه توفي]

الله يشفي الجميع

 

[حضن امى]

ماء الزعتر وايد زين للكلسترول ونزل عندى والحين رد مثل اول لامى هديت الماى
وخالى يقول احسن شى للكلسترول هو بذرة الكتان
والله الشافى

 

[أترجه]

مشكوووووووورين كلكم على الإفاده يزاكم الله خير و بارك الله فيكم
عاد نبي مقادير الشوربه الحارقه شكلها بتييب نتيجه
و بالنسبه لبذرة الكتان ناكلها بأي وقت ولا في وقت معين و نطحنها ولا جذي
وشنو احسن على الريج و لا مع الأكل


و بالنسبه لماي الزعتر جربته و مانفع معاي بشي و استغفر الله جنا قاعده اشرب كلونيا
و بالنسبه لحبوب كولوفاج سمعت عنه و جربت علبه كامله بس صار معاي خموووووووول و غثيان و اسهال​

 

[Lazord -q8]

فيه دوا اسمه ليبيتور بس ما انصحج فيه حاولي تجربين تغيرين نظامج الغذائي، يعني قللي من اللحم و الدجاج و الربيان...
كثري سلطات و فواكه، سمج، جاي اخضر، زنجبيل، جاي الاسبيغول..
دايما لي ييتي تطبخين استخدمي زيوت نباتيه و انصحج بزيت الكانولا...
و الرياااااضه ، تراها تحررق الكوليسترول حراق..و ترى الرياضه مو شرط انج تشتركين بالنادي و تشتطين، مجرد الحركه في شغل البيت، او استخدام الدري بدال المصعد هذا كافي..
تمنياتي لج بالصحه و العافيه...

 

[أترجه]

حياكم .. حبيباتي
الله يشفي الجميع ان شاء الله​

 

[غدووور الكويت]

انا نزل الكولسترول عندي لمن طبقت نظام د دشتي اللي ما تاكلين النشويات نهائيا وبعض انواع الخضار مثل الجزر والالبان لازم تاخذين كل انواعها خالي الدسم مع المشي كل يوم نص ساعه والله الكولسترول صار بعد شهر طبيعي لأنه النظام متعب ما انصحج الا شهر وبعدين خففي النشويات وركزي على الفواكه والخضار وديري بالج لا تاخذين الكلكوفج لأنه يأثر على الكليه وحاولي تمشين 5 مرات بالاسبوع وبخصوص بذرة الكتان زينه بس انا ما نفعت معاي لأنها تنشط المبايض وكنت أطول بالدوره قمت اقعد فيها 10 ايام واكثر بدل 7 ايام