إلى كل مقدمه على عملية للمعدة ( تكميم- تحوير- تدبيس-حلقة)

[mi corazon]

السلام عليكم

اخواتي حبيت بهالموضوع أنبه اخواتي اللي مقدمين على احد هالعمليات بالتروي اولا والتفكير بالموضوع من كل الجوانب

لأني اشوف اوزان عاديه تنزل بالرجيم تريد الاقبال على هالعملية

ولا تضنونها سهله

ابدا

انا الحين مسويتها صارلي 4 ايام وميته من الالم .. الغازات ذاحتني وماني عارفه اتحرك ولا اجندس ايييب شي من الارض

وكافي المخدر والاحتقان اللي يسببه

مو قاعده اخرعكم .. بس مابيكم تحسون بشعور الندم اللي يمر يه كل متكمم او متحور او رابط ... لو ممكن بالرجيم والرياضه فراح يكون افضل لكم

ولكم الاختيار

موفقين حبيباتي

:aha:

 

[فديت عيون ولدي]

الحمدلله على سلامتج حبيبتي

انشالله فترة وتعدي الظاهر انتي اول مرة تسوين عملية من جذي ندمانة بس صدقيني كلها سبوع وتردين طبيعية انشالله

وابصم لج بالعشرة انج اذا وصلتي للوزن الي تبينة راح تقولين كل شي يهون من اجل الرشاقة :d


بس قنا عند منو سويتيها وكم وزنج وطولج؟؟؟

 

[بنفســـــج]

انا مع الاخت في رايها

بعض الأوزان ما تستاهل تسوي عملية

العملية تستاهل لكن للي أوزانهم كبيرة وماتقدر تنزل بدايت

 

[mi corazon]

فديت عيون ولدي

تسلمين حبيبتي عالكلام الحلو.. ان شالله محتسبه الأجر على هالألم .. صج شي غريب ونومتي حدها معتفسه تخيلي 5 مرات اقعد من النوم بالليل

وزني 111 وطولي 172 وكتلى الزياده عندي 37

ادعيلي الله يخليج الله يتمم لي الشفاء واوصل للوزن اللي ابيه قبل عرس اخوي :s

 

[ii DareeN ii]

اهلي الي سوها ماحسو بهالتعب على فكرة ترا هالعملية تفرق من طبيب لي طبيب ومشكورة على ذكر تجربتك الواقعية وان شاء الله جم يوم وترجعين حق حياتج الطبيعية

 

[Kuwaitigirl1973]

اللي آنا شفته مني ومن صديقاتي إن التكميم يتأذون أول أيام بعد العملية أكثر من التحويل اللي أنا سويته بعدين مثل ما قالت دارين يفرق منو اللي سوالج العملية شكثر تتألمين، أنا ما حسيت بألم يذكر بس رابع وخامس يوم بعد العملية كنت متضايقة شوي من الغازات بس رحت الآفنيو وطقيتها مشي ربع ساعة وتسهلت أموري حيل ، جربي المشي

 

[mi corazon]

Dareen
kuwaitigirl1973

حبيباتي آنا لو قصدي انه لحد يسويها جان ماسويتها

بس المقصد لمن وحده تحس ان وزنها مايسوى وممكن تنزل 15 كيلو ... حرام تسويها

لأه اكو داتره مافرقت وياهم يسوون مايهم دام فيها ربح

وآنا سويتها عند هيثم الخياط شاطر ماشالله عليه .. بس آنا لأن عظامي ثقيلة فا أحس بثقل على معدتي .. وعندي التهاب في المعده

بس الألم لابد منه اول 3 ايام يقص عليكم اللي يقول ماكو .. ياجماعة انتوا تنجرحون على اليلد تتألمون فما بالكم معده ومقصوصه ومتدبسه !! شي طبيعي ألم


على العموم ما خاب من استخار صح؟

منرين حبيباتي :*

 

[أحلى همبه كويتية]

الحمد لله على سلامتك

وتصيرين غزال وما يصيييييييدونه

 

[Kuwaitigirl1973]

عين العقل كورازون حجيج بس تدرين أعرف وحدة سوتها علشان عشرين كيلو بس تدرين لو ما سوتها جان طلقها ريلها أو أخذ عليها
ما تلومينها حاولت وما قدرت شتسوي
آنا رايي الوحدة اهي اللي تحدد إذا تحتاج العملية حسب هدفها مو الدكتور لأن الدكاترة يبون يربحون وبعضهم بدون ضمير لكن أكثرهم عندهم ضمير بس مو من حقهم يرفضون يسوونها للي تبي دام هي عارفة شتبي تشوي مو كل وحدة تسويها علشان الأرقام بعض الناس يبي يخلصون من أمراض وبعضهم يبون يحملون وفي اللي تبي تصير أحلى شي
أكيد وايد بيعترضون على العملية بس آنا رايي مثل عمليات التجميل كل وحدة ورايها فمثلا ناويه أرفع صدري وأشد بطني وبحط سليكون في مؤخرتي وبظبط خشمي اللي خذيته من خوالي في اصفهان بس ناطرة الحكومة تعطيني من آبار البترول جم برميل

 

[Kuwaitigirl1973]

ترى ذبحني ريلي ما يحركه عن ال ال بي سي والفاشن تي في بموت من هاللبنانيات وامهات العصاقيل

 

[mi corazon]

الهمبه البتمبه

ان شاااااااااااااااااااااالله الله يسمع منج حبي :*

 

[lollipops]

الحمدالله على سلامتج
وفالج الرشاقه يارب بصحه وعافيه

انتي سويتها عند منو
بنات كل حده تقولنا سوت العمليه عند منو؟

 

[mi corazon]

ام فطومة

صباح الخير

لا ياخيتي مازعل منج ابد بالعكس مشكوره على الاسلوب الخوي الطيب

آنا اللي ذكرته ان اللي ما يستاهل وزنها انها تسوي عملية فلا تسوي

والدكتور بالعافه رضى يسويلي لأنه قال لازم كتلة الجسم 40 وخوفا من خطر التسريب

كل عملية لها ألمها .. بس الانسان ما يلجأ إلا للضرورة ولو تسكر كل بويهه عدل؟

الحين آنا صارلي 12 يوم والألم قاعد يخف الحمد لله والمشي شوي يتعبني وماقدر اتحرك بسرعة والصلاة اقعد فيها عند السجود ما اوصل القاع

مشكوره مره ثانيه ياخيتي والتخريع كان للي يبون العملية عيرة

 

[mi corazon]

Kuwaitigirl1973

ههههههههههههه امبيه حجيج نفس مرت اخوي .. والريايل ترى مايعجبهم شي ياختي وخصوصا المكرشين لول

مسالة كيفها وما كيفها ياختي الا هالعملية .. الدكاتره ليش يرفضون للي ما يبيلهم وايد ( اللي عندهم ذمه)

لأن اللي كتلت الدهن عندهم اقل من 40 % راح يكونون معرضين لخطر التسريب اكثر من غيرهم .. والتسريب مو هيّن

علشان جذي الدكاتره مايحبون هالسوالف والربشه والمسؤلية إلا الدكاتره التجاريين اللي ماهمهم غير الفلوس

منوره عزيزتي ودعيلييييييييييييييييي اصير رشيقه

 

[mi corazon]

lollipops

تسلميييييييييين حبيبتي آمين

آنا سويتها عند هيثم الخياط .. شطور والله وروحه حلوه

 

[lollipops]

اي انا راجعت عنده ومقرره اسويها عنده

بس ودي اشوف اراء البنات عن باجي الدكاتره

 

[mi corazon]

لولي بوب لو وزنج يستاهل عيل عقليها وتوكلي

الخياط - التمياط - السميط - الشرف

كلهم فيهم الخير والاستخاره اهي اكثر شي بيفيدج لانه راي رب العالمين اللي مقرر لج شنو بيصير قبل لا يصير وقبل ما تعرفين

موفقه حبيبتي


ملاحظه: الألم اليوم اختفى بنسبة 80%

ادعولي الله يتمم علي الشفاء