إللي عندها خبره بدبي .......... ؟!!!!

[♥ الحب الكبير ♥]

مساء الخير ، شخباااااركم بنات ...................

بغيت أسافر دبي على شهر 2 وحجزت من ألحين ع الكويتيه لأنها مسويه دسكاونت وحجزت ( تشيلسي تاور ) شقق فندقيه
وخايفه من الفندق ! مدحه لي الموظف إللي بالسفريات وسعـره مناسب وقالي إنه يبعد عن برج خليفه شوي يعني مشوار 5
دقايق تاكسي ! الفندق 5 ستار / ونظيف ومرتب وجديد وموقعه بشارع الشيخ زايد / أنا شفت له صور بالنت وعجبني بس
أنا خايفه إنه ما يكـون قريب من المجمعات والمولات والأماكن السياحيه الحلوه ......... !! :eh_s(2):


آنا ما أعرف شي بـ دبي وحدي متلهفه عليها بس خـايفه أضيع هناك وإتروح سفرتي ع الفاضي // إللي جــــربت هالفندق
أو اسمعت عنه أو أو أو يا ليت إتفيدني ؟؟!!! وإللي إتعرف المجمعات والأماكن السياحه الحلوه لا تبخل علي ........ !!!


أنتظر الردود .......​

 

[اليجانس]

للرفععععععععععععععععععععع

 

[ام سلوم DoDo]

حبيبتي عدج
دبي مول وراح يكون يمج زاايد كبير فيه كواريوم وصاله تزلج وسينمات ومطاعم وبره في عرض للنافوره مو طبيعي لا يطوفج
وعندج امارات مول فيه صاله ثلجيه وفيها تلي فريك
وفي فيزتفال مول بعد حلو وابن بطوطه هم حلو

 

[ام الحلوووين]

دبي مول

امارات مول دشي الثلج وناسه

سيتي سنتر

موركاتو حلاته صبح لانه كاشف من فوق

ذا والك هذا نفس السوليدير مطاعم وقده حلو شوفي صوره

ابو الهيل ملافع وعبي رخيص
ابن بطوطه

 

[*إماراتية*]

أنتي يايه شهر 2 يعني في مهرجان التسوق و القرية العالمية ,, والجو من أفضل ما يكون حتى للتمشي بدون سيارة ,,
القرية العالمية (تفتح من 4 العصر لين 12 فليل )<< فيها محلات تجارية منوعه وفعاليات منوعه من دول العالم
ومطاعم ومنطقة ألعاب ,,
دبي مول ( يفتح من 10 الصبح لين 12 فليل ) ودبي مول مساحته واسعه وغير المحلات والمطاعم مدينة كدزانيا للأطفال ,
وصالة تزلج , والنافورة < بس هذي بعد المغرب علشان الإضاءة ,,

وعلى خط طريق الشيخ زايد فيه مول الإمارات وأبراج الإمارات ومركز الواحه ومركز مزايا
وتخلين يوم تسيرون فيه مركز بن بطوطه << هذا عباره عن 6 مراكز في بعض بتصاميم مختلفه حسب الدول
وبعد ممكن تسيرون الفاستيفال ومنه تاخذون يخت صغير تستانسون في البحر

وبعد ممكن تزورون الأتلانتس وجزيرة النخله في عرض البحر ,وفليل تتمشون في (ذا ووك) في منطقة الصفوح

تقدرون تجربون المترو في تنقلاتكم على خط الشيخ زايد ,, يعني تاخذون محطة المركز التجاري إللي هي أقرب محطه
لفندق تشلسي ومن خلال المترو تنزلون الإمارات مول ومره ثانيه تاخذون المترو وتنزلون مركز بن بطوطه

وللجلابيات والدخون والعطور العربية سيري سوق مرشد وعكاظ ,,
وفي اطراف دبي تزورون السوق الصيني أو ( الدراجون مارت ) فيه بضاعات من الصين خاصة
وعندج بعد (الأوتلت مول ) على طريق دبي العين ,,

وإذا تقدرون تأجرون سيارة وتعتمدون على انفسكم في المشاوير بيكون أفضل من التاكسي لأنه غالي
هذا إللي في باللي الحين ,, ورحلة موفقة,

 

[ليدي دبي]

دبي مول والامارات مول اقرب مجمعين للفندق

 

[أم محمد40]

جم حجزتى على الكويتية وكم عددكم

لان ودى احجز حق 5 أفراد على شهر 2 بعد