إللي تخصصها إنجليزي تربيه help me

[الهنوف....]

مرحبــــــآ ..
بدون مقدمآت ’’ أنا قررت على خير اتخصص إنجليزي ( متوسط - ثانوي )
و بصصصراحه انا مو حيل بالانجليزي بس حييييل احبه وعندي رغبه اتعلمه
و اطور نفسي " واكثر من شخص يقولون بعدي عنه و صعب فياريت تكلموني عن هالتخصص
وممكن اني اعدي فيه لو كانت لغتي مو حيل و تنصحوني ادخل معهد عشان يسهل علي ؟ وصج في امتحان
قبل لا اقدم على التخصص ؟
وانا الحين رايحه ثاني سنه و السنه الاولى كانت كورس تمهيدي والثاني
اخذت فيه ( جماليات - مهارات - ثقافه اسلاميه - اساليب تفكير - مقدمة برامج )
وياليت تقولون لي او شنو اسجل هالكورس على اساس هالتخصص لان تسجيلي
بعد 5 أيام
ادري قرقت حييل وقلت قصتي من دخلت الجامعة بس بليييز حابه هالتخصص وخايفه
افشل بنفس الوقت .. فاللي عنده اي معلومه لا يبخل لان خايفه اضيع لان ببدا اخذ مواد التخصص وكله انجلش في انجلش

 

[أحلى وايلية]

هلا حبيبتي

والله تخصص انجليزي حييييييل حلو ولا تخافين ترى مو كل اللي تخصصو هالتخصص بلبل انجليزي

بالعكس مع الممارسه راح تتطورين أهم شي انج حابه هالمجال ..

وممممم

لا مافيه امتحان قبل التخصص بس فيه مقررات لازم تخلصينها

اذا كنتي علمي لازم تخلصين انجليزي 114 وانجيزي 116 ومقدمة أدب

واذا أدبي لازم تخلصين انجليزي 110 وانجلييزي 111 ومقدمة أدب

طبعا لازم تحتازين بتقدير مو أقل من c

وموفقه حبيبتي ولا تخافين دامج حابه التخصص

 

[ام حديجان]

تخصص الانقلش جدا ممتع

و خلي منج كلام الناس فاهمين التخصص غلط

عبالهم ندرس محادثة

بشكل عام اهوا ما بين الادب الانقليزي و اللغويات

يعني ما يحتاج تكونين بيرفكت بالسبيج عشان تتخصصين

عن نفسي مستواي كان متوسط ولي الحين اقطع بالبرزينتيشنات بس ماشين والحمدلله

حيل يختلف عن انقلش المدارس

دراسته تووووونس

انصحج فيه بشددة


بخصوص المواد ماقدر افيدج لان غيرو الميجرشيت مالكم مو نفس اول

روحي التوجيه وشوفي متطلبات التخصص

موووووفقه :d

 

[فديتوني..q8]

آخذي مقدمة بآلآدب , بشكل عآم هآلمآدة تمهيد
للمقررات اللي راح تاخذينها , وقرري ..

وآستخيري وسجلي مقدمة في آلأدب ..

وآلآنجلش 114 و116 اخذيهم عن دكاترة زينيين,
وموفقة ~

جربي بـ 3 المواد اذا مشيتي مشيتي وكملي
ما مشيتي خلاص

 

[الهنوف....]

مشكككككورين حبايبي جد طمنتوني الله يجزاكم خير
وإي احد عنده اضافات عن التخصص يفيدني
و هم ابي رقم مقرر انجليزي 116 و 114 لان تخصصي كان علمي

 

[ام حديجان]

امممم

تروحين ثاني سنة يعني انتي دفعة 2010 !

دشيت موقع الجامعة شفت لج الميجرشيت مالكم

http://www.kuniv.edu/ku/Students/Programs/index.htm

( اختاري كلية التربية _ وروحي لميجرشيت انقلش / متوسط ثانوي )


مطلوب عليج 141 و 142

هالكورس سجلي ( 9988141 )
+ اصوول ( 0820210)
+علم نفس تربوي ( 0830331 )
+ تاريخ حضارة أو تاريخ الكويت
+اعلام تربوي أو تربية اسرية(0830136) أو تربية حياتية > كلهم سهلين
+ مقدمة مناهج البحث (0830135)

* سوري الباقي نسيت ارقامهم


اول مادتين ضروري تسجلينهم لانه شكثر مواد ما تبطل الا بعدهم

ومثل ما قلت لج مري التوجيه سأليهم عن شروط التخصص

لا تصيرين نفسي
ضيعت سنة كاملة عالفاضي لاني ماكنت عارفة الشروط


اتمنى قدرت افيدج

 

[الهنوف....]

مشششكوره حياتي اللي عرفته 141 و 142 لازم اعديهم اول شيء
و هم وزعوا لنا الخطه الجديده لدفعة 2010
وهو اني لازم اعدي 15 وحده من مواد التخصص << حدهم وهقونا بهالقرار
ماادري الحين ابلش بمواد انجليزي و الا عامه ..!!
بلييييييييز اذا هالقرار صح شنو تشورون علي فيه

 

[يامطوله صبري]

سجلتي قدرات من قبل؟؟

جم يبتي؟!

عشان نحدد مستواج

بس مو جنه بطولين لينا تتخصصين وطول هالفترة ماراح تقدرين تسجلين مواد التخصص ولا الاعداد المهني

لان ١٤١ تفتح لج ١٤٢

و١٤٢ تفتح لج ١٧٠

يعني حطي في بالج يبي لج كوسين مع صيفي ليما تتخصصين




بس اذا انتي حابة هالشي فمو مشكلة

لان يهون تضيعين سنة في سبيل تخصص انتي تحبينه



اقولج شي انا قاعدة اقوله لاختي هي دفعة ٢٠١١

وانقبلت فوري تربية



مابي احسفج او اخرب عليج احلامج

ادري الانجلش برستيج وتخصص حلو وكشخة.


بس لوووعة

انا خريجة الكورس الاول انجليزي متوسط وثانوي

والحين متحسفة قد شعر راسي اني تخصصت هالتخصص


متعب حيل

تدريسه حلو وممتع

بس حطي ببالج الامتحان ورقتين

والتصحيح مهلللك جداا

والتوجيه لوووعة

تدرين احنا قاعدين بالعطلة نشتغل شغل للسنة الجاية

لاتقولين مو ملزومين هالحجي مايمشي مع توجيهنا كللش




انا نصحت اختي تدش اجتماعيات ابتدائي

مع انها مو راضية لان نسبتها تهبل

اهيه علمي ٨٩ فمستخسرة ان نهايتها ابلة اجتماعيات ابتدائي


بس الابتدائي اهون ودوامهم اخف شوية

وماعندهم لوية المتوسط

غير ان المادة ماتحتاج جهد منج

تعتمد علئ الطالبة



ادري كلامي يغث بس انا قلت لج

انا عديتج اختي

واكتب لج من واقع تجربة


وياليت احد نصحني قبل


وبكل الاحوال استخيري قبل كل شي

*

 

[ذهبه]

انتي نفسي .. انا احب هالتخصص بس مو شاطره وايد فيه
ونصيحه دشي معهد..لان انا عن تجربه: تعبت وفكرت اغير التخصص ..صج انه حلو بس يتعّب وانا اشوف انه يبيله وحده متخرجه من انقلش سكول..هاذا راييي مو اكثر =)
انا اقول استخيري احسن
good luck

 

[الهنوف....]

يآمطوله صبري : مشكككوره و بالعكس لا يغث الكلام ولا شيء لاني بعرف هالتخصص بمميزاته
و عيوووبه ,, و بالنسبه للقدرآت ماقدمت
وهذاا اللي مزهقني اني مطططططوله على مااتخصص ..الله يسهل ويكتب اللي فيه الخير

ذهبه : مشككوره على الرد و هذا اللي مفكره فيه اني ادش معهد والله يعين

*************************

 

[يامطوله صبري]

صدقيني المعاهد كللش ماتفيدج

انتي لاتحاتين الدراسة لان مع الوقت راح تكتسبين اللغة

الكلاسات وحضورها والالتزام فيها احسن من المعاهد


ولا مو شرط تكونين درستي بانجلش سكول عشان تمشين بالتخصص

والله اذكر معاي بنات كانوا ميح مايفهمون كللش مع الدكتور

بس تعالي شوفيها بعد جم كورس تلاسن الدكتور بالانجلش


اللغة يبي لها ممارسة مو معهد وتلقين

وحاولي تسمعين

اذا عندج اي فون نزلي اب للراديو

لل بي بي سي واسمعي حتى لو مو عارفة شنو يقولون

بس مع الوقت راح تتعود اذنج ع اللغة

وحاولي تحدثين يعني بالاسواق والمطاعم

لاتستحين ابدا اذا بتستحين انج تغلطين

عمرج ماراح تتعلمين

بالعكس كثر ماتغلطين كثر ماتتعلمين


والله يوفقج انشالله

 

[mysterious sea]

صاحبة الموضوع مشكووره على تنزيله لاج بصرااحه فدتيني حييل والبنات الله يوفقهم ماقصروااا , اليوم تسجيلي وانا نفس تخصصج ان شاءالله ومشكووري لكل اللي ردوا الله يوفقكم ويحقق لكم كل الي تبونه ,,,

 

[روان الحبوبه]

اى عادى مايبله انجلش سكول من الاساس بس ممارسة انجليزى رفيجتى ما تدرس واخر العام تروح لمدرسة انقليزى واهى تلخص وتكتب اسئلة واهى تدرسهم

 

[الهنوف....]

يآمطوله صبري واللي ردوا مشششششكورين مآتقصرون والله ..
طمنتوني شوي