إكليلها!!

[حلاتي بشقاوتي]

يا الله... يا الله تخلي لي محبّتها​

وتهوّن الجرح في قلبي وترعاها​

وتخفف احزان دنياها.. ولوعتها​

وتثبّت الناس لا تخطي وتبلاها​

يا مفرّج الضيق ريّحها بنومتها​

اليا اشغلتها عن المرقاد بلواها​

جمّلها بالصبر.. والنسيان.. وأسكتها​

يا مبّدل الحال شوف الدمع يغشاها​

حسيت انا بصوتها واسباب ضيقتها​

من قبل لا تقول وعيوني تباكاها​

من عقب ماتشغل الدنيا بضحكتها​

اليوم مامرت الضحكة على شفاها​

قال الزمن كلمته.. ماسمع كلمتها​

ماعبّر أحلامها مع من تمناها​

يوم اغصبوها ولا صانوا كرامتها​

توجّهت للكريم وقالت ادعاها​

صدّت.. وبعيونها ياكبر شرهتها​

واقفت مهي مصدقة طعنات دنياها​

والطاري اللي تسبب في نهايتها​

يوم اذكرت من يموت بليل فرقاها​

هذاك من تفرح عيونه بجيّتها​

هذاك من يكتم الضيقات لرضاها​

ضاقت عليه الدروب وباس صورتها​

ماعنده اغلى من الصوره وذكراها​

هذاك أنا واكرهك يايوم ملكتها​

مجنونها ماعرف من وين يلقاها​

وشلون ابصبر على ضيّان زينتها​

وشلون أمر بيتها من دون لا ألقاها​

لا لولشن مترفات البيض حزّتها​

هذيك ترقص.. وذي تضحك وتنصاها​

الموت يا اكليلها وورود كوشتها​

خصٍ إليا حطت «المسكة» بيمناها​

خواتها يلفحن في ليل دمعتها​

ماكنهن عايشن ما صار وياها​

وأكبر مصيبه إليا قاموا بزفّتها​

وراحت معه والجروح القشر بحشاها​

شعر/ نايف الرشيدي​

:eh_s(17):

 

[عزلان..~]

الله الله لا هنتى

(((((((

خصٍ إليا حطت «المسكة» بيمناها​

)))))))
يوووم يووم تذكرت داانه فديتهااا

 

[خفوقي عاف دقاتة]

اليمه :eh_s(2):
لاهـنـتـي
​

 

[حــــلاوهـ]

يعطيج العافية..

 

[غــلآهاا غير]

لاهنتي .... تعوور القلب

 

[شوق المطيري]

لاهنتي يالغاليه

 

[Vous jamais]

لا هنتي يا الغلا ..

 

[ŜǺŘǾИǺ ΆŁ7ŁẅǺ]

تعور القلب :'(

قواج الله

 

[Hadoy Al3jmi]

روووووووعه
يعطــــــــيج الـــــعأأأأفــــــيه

 

[خجل~]

ذكرتني فيما مضى






لااهنتي

 

[ملآمح يوسفيه]

,
طاب ما نقلتي يالغلا