ريمو
New member
- إنضم
- 28 نوفمبر 2007
- المشاركات
- 225
- مستوى التفاعل
- 0
- النقاط
- 0
هلا عزيزاتي متزوجه من 10 سنوات ومن أول سنه زواج حملت ومات الجنين لكن أول مره ومااهتميت وبعدها بسنه حملت وشهرين ومات الجنين أكيد خفت لكن إلى اللحين مادخلت في العميق وبعدها حملت مرتين ونفس الحاله لكن في ذاك الوقت حالتي صارت غير ونفسيتي زفت لكن وسبحان الله والحمدلله حملت بالخامس وقريت على نفسي ورحت لحرمه مداويه وأعطتني أعشاب والدكتور في الشهر الثالث قال لازم استعمل إبر الهيبارين ورزقني ربي بولد الله يخليه لي ,بعد ثلاث سنين قررت أحمل وحملت وأخذت الأبر بس وقلت أكيد هي السبب بس كانت النتيجه اللي صدمتني كثير موت الجنين وبعدها بشهرين حملت وقريت على نفسي وأخذت الأبر بس للأسف مات الجنين بعدههههههههههههها خلاص تعقدت من الحمل وصرت أخاااف منه وأجلت الفكره حتى كبر ولدي وصار يسأل ليش ماعندي أخوان وصار حمل أي وحده أو ولادتها معاناه أخاف يدري عنها لأنه بيقول لي ليش هم اثنين وأنا واحد ليش صاروا ثلاثه وأنا واحد مع العلم أني رحت لحريم وأعشاب والمستشفيات قالوا طفل مشوه ويموت المهم بعد ضغوط ولدي قررت أحمل وعالجت ومنشطات وغيره وحطيت في بالي إذا حملت بروح للحرمه اللي أخذت منها لما كنت حامل بولدي المهم وحملت وأخذت الأبر والأعشاب وقريت على نفسي والكتمان الشديد على الحمل وعلى فكره وصلت لمرحله من الخوف لدرجة أنه لما طلع تحليل الحمل أبكي ما أضحك(الحمدلله على كل حال) المهم وراجعت المستشفى وقالوا الحياه من الله مابيدنا شي نسويه وكالعاده مات الجنين لكن المره هذي غير, أنواع الأنهيارات ماتقبلت الفكره لأن آمالي كلها تلاشت لكن مازال عندي أمل أنه للحين عايش ورحت لحرمه وقالت لي انتظري شوي ,وتجدد الأمل وانتهى لما طاح الجنين وهذي المره ماأكذب عليكم كانت المره الأولى اللي صحت فيها من قلبي لدرجة أنه بعد عملية التنظيف وأنا تحت تأثير المخدر كنت أصيح صياح ماصحته بحياتي كلها صياح بحسره لدرجت أن الممرضات تجمعوا علي يهدوني علشان مايرتفع ضغطي (الله لايذوقني إيها مره ثانيه) المهم بعدها قررت أروح دكتور سمير عباس في السعوديه وسوالي جميع التحاليل اللازمه لكن المفاجأة اللي بتتفاجأون فيها أني أكتشفت عنده إن زوجي ياخذ كرتازون لأن الدكتور يناقش الزوجين مع بعض المهم طلب من زوجي تحليل ال......المنوية وزوجي يقول لا مدام فيه حمل معناه مافيني أي مشاكل .وطلعت تحاليلي كويسه ماأكذب عليكم حمدت ربي على العافيه لكن في نفس الوقت تحسرت لإني أبي أعرف سبب أبي أعرف الطريق اللي أمشي فيه,وجا موعد تحاليل زوجي ورحنا الدكتور وكانت المفاجأة اللي ماتوقعتها واللي ماأدري هل بتغير مجرى حياتي أو لا؟هل هي نهاية معاناتي أوبداية معاناة جديد ؟وهل للنتيجة ارتباط بمشكلتي أو مشكلة جديدة ؟ نتيجة التحليل أن ال....... المنوية مشوهة بنسبة 98% والسليم 2% وإن ولدي كان من واحد سليم وهذا في النادر مايصير ولازم يتعالج عزيزاتي:اللي أبيه منكم إجابة على أسئلتي ودعوه منكم لي وخاصة في يوم عرفة بأن يرزقني وأياكم بالذرية الصالحة والمعافاة وعذرا لإطالتي عليكم
