إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجاحها ؟

[QT]

السلام عليكم

بنات

انا دخلت كذا موقع حق اللي يخطبون ماادري يزوجون


صراحة ماادري اشلون




طرى على بالي اسجل فيها


بس خفت


انتوا اشرايكم

 

[> Miss M6ereiah <]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

انا مو متقبلة هالفكرة
شنو يعني اتزوج من نت عسى ما شر
لا تسجلين ولا شي وان شاء الله راح يجيج احلى نصيب وانتي فبيت ابوج
هالمواقع لو بتفيد جان فادت ناس قبلنا

 

[kuwait_queen82]

والله انا سجلت بجم موقع و اغلبهم جذابين وداشين حق الخمبقه والي محترم فيهم ونبيل يقولج ابي زواج مسيار

 

[Galb.sh]

ابتعدي عن هالمواقع ... ادعي ربج وان شاء الله .. ربي يرزقج بالزوج الصالح ويرزقنا معاااج ...

 

[يـاسمينا]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا




نصيحه ابتعدي عن هالسوالف ترا ماتنفعج
كل اللي يدخلون هالمواقع ناس تافهين وماعندهم سالفه بس يبون يلعبون
وادعي ربج ان يرزقج بالريل الصالح
لاتوهقين عمرج حبيبتي الحمدالله ماكو وحدا فينا طايحا بجبد نفسها
وكل واحد بهالدنيا لازم ياخذ نصيبه

موفقه كل خييييير ..

 

[قطووه حلووه]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

والله حسب الاشخاااص بس اغلبهم يدشووونه لعب

 

[! هُوْ وِينِه !]

مآ أيد حطي عند خطآبة أحسن لج
وآلله يرزقج بآلزوج آلصآلح

 

[catwiti]

لا ما اايد هالمواقع لان الي جاد بالزوااج يدور ناس جااده مو مواقع وماتدرين صج جذب يعني ماتظمنين البنت او الولد
وانا اعتبرها مواقع للتعارف وهالسوالف اكثر من انها مواقع للزواج
اذكر مره سمعت بالمارينا اف ام كانو يناقشون موضوع عن الزواج وجذي
ودق واحد قاعد يقول سالفته يقول انا ابي اتزوج فقمت سجلت بأحد المواقع مالت الزواج وتعرفت على وحده فقلت لها بشوفج بشوف شكلج وقام وواعدها اهي ورفيجتها واهو ورفيجه بمطعم وكانت وحده منهم جيكره والثانيه عجبته بس ماعرف منوو اليي كلمها مادي شلون ماعرف المهم واتفق معاها يروح يخطبها وراح بيتهم ويوم دشت ولا تطلع الجيكره اهو انخبص وتوهق ويقول طلعت من البيت وهونت عنها
احس البنت اهني حطت نفسها في موقف محررررررررج واهانة نفسها
يعني البنت المفروض تحفظ نفسها من هالامور
واذا تبي تتزوج ممكن تشوف خطابه زينه وتحط اسمها بس انها تسجل بموقع للزواج لاا غلط

 

[نور مغليها]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

لا صيحه مني لج ...
يمكن يكونون جذابين يعني شباب مسوين الموقع بس تعطينهم البيانات يبدون لعب ....
لأني سمعت انهـ في جذي ...

 

[مزاااج انثى]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

انا بصراحه كلش ما احبه لانه لعب في لعب

ونصيبك في يد ربك عزوجل الله يسعدك ويعجل في نصيبك يا حبوبه

 

[الأميرة جوري]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

كله جذب ولعب واكثرهم يبون علاقات بدون زواج ...او زواج مؤقت

 

[QT]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

اي والله بنات صدقتوا

الحين في احد الموقع مرسلين لي رسايل

اكثرهم كاتبين :: ممكن نتعرف ::


تبون الصراحة ماني قد هالمواقع


والحمدلله الايميل اللي حاطته لهم جديد



بشوف لي طريقة اسكر الحساب

واذا ما تسكر


ماني راجعه لهم او ادخل موقعهم

 

[sherazia-x]

رد : إشرايكم في مواقع المخصصة حق الخطبة والزواج ؟ هل تؤدي الغرص بسرية .. هل أثبتت نجا

والله مالي خبره بهسوالف

 

[monmon12]

كلها جذب

وايهي أصلا مواقع للمغازل وتصيد الفتيات

الشباب الي يبي يتزوج يعرف اشلون يتزوج بس من النت لأ يبي يتسلى وبس ديري بالج حبوبه