إســدحــــووووه

[W6n Jaber]

صارلي فتره ابحث عن كتب تتكلم عن سيره للشيخ عبدالله الاحمد الجابر الصباح رحمه الله عليه
ما ادري ليش اهو بالذات اللي جذبني ابحث عنه , قعدت اتصفح النت وما حصلت اللي ابي اوصل له
و سبحان الله بالصدفه قبل فتره كنت بمكتبه الكليه و شفت ع الطاولة كتاب [كويتنا جوهرتنا ] :q8:للكاتب غانم شاهين الغانم
المهم يا محفوظين السلامه
وانا اتصفح بالكتاب لقيته متكلم عن الشيخ عبدالله الاحمد < سبحان الله يرزق ع النيات :yaaaaaarb:
و فعلآ ما خاب ظني ان هالشخص مميز
يقول الكاتب ان امن الكويت بذيج الفتره كان مرتبط بالشيخ عبدالله الاحمد اللي كان يشغل منصب رئيس دائرة الأمن العام في الكويت في فترة خمسينات القرن العشرين
وكان معروف عنه بالتزامه الديني و تشدده بتطبيقه وما يتساهل ابدا مع المخطئين
ومن المواقف اللي ذَكرت بالكتاب
ان احد اصحاب المقاهي بساحه الصفاة جاب من ايران سماعات على شكل حيوانات (كلاب و قطط ) -تكرمون1- و كان الصوت يطلع من فم هالحيوان -تكرمون2-
و الناس بهذاك الوقت طبعا استخفوا
و يقول ان ما تلقى بالمقهى مكان دوس من كثر زحمه الاوادم اللي بيشوفون هالشي الغريب
و مرت الايام و دخل رمضان عليهم و المقهى كل يوم الناس يزيدون فيه بالليل بعد الفطور
و كان صاحب هالمقهى يشغل الراديوات الظهر ويحطه قرآن _ بحيث كان صوت القرآن يطلع من فم الحيوان -تكرمون3- _
و وصل هالامر للشيخ عبدالله الاحمد و استدعى صاحب المقهى و قاله : ما تخاف الله - قرآن ويطلع من فم البهايم
قعد صاحب المقهى يتعذر و يحلف ما يعيدها
وكان رد الشيخ كلمه وحده :إسدحوووه
و جلدوه جلدتين عشان يعتبر وما يستهزأ بكلام الله .




و موقف آخر - من كتاب آخر لا يحضرني أسمه حالياً

ان احد الاجانب سرق من احد محلات الصفاة و لما علم الشيخ باللي سواه
استدعى صاحب المحل و عوضه عن اللي المسروق منه - و قال سامح الاجنبي هذا غريب ويمكن انه محتاج ولكن بنراقبه وان عادها بيكون عقابه اشد
و فعلا سرق هالاجنبي مره ثانيه و ثالثه و اشتكوا منه اصحاب المحلات
و امر الشيخ انهم يجيبونه و لما جابوه قال كلمه وحده : إسدحووه
و طبعا تعرفون شصار





هذي بعض المواقف اللي قدرت اجمعها وحبيت الخصها واعرضها لكم
و جد استمتعت وانا اقرا عن _ الشيخ عبدالله الاحمد _ شخصيته قوية - رجل عادل لا يرضا بالظلم - و ناصر للمظلوم



تمنيت لو يكون عندنا بهالوقت [ عبدالله الاحمد ] ثاني
تتوقعون جم شخص بينسدح ؟

:eh_s(3):

\


قلمي لا ينتظر إلا مُشاركتكم
إختكم [وطن جابر]
50 فلس

:eh_s(21):

 

[Faru7a]

اسم الله عليج لو يعيد الا سواه في ذلك الزمان جان ياكلونه
ياقلبي على شيوخنا ما صار لهم هيبه مثل زمان

 

[ii DareeN ii]

رد : إســدحــــووووه

كان الصورة تخص الشيخ عبدالله الجابر متاكده اختي من الشخصية

 

[MoonDiamond]

يعطيج الف عافيه 50 فلس
دائما متميزه بمواضيعج

والنعم بالصباح كلهم وعجبتني شخصيته اببحث فيها بعد

 

[الجــادل]

رد : إســدحــــووووه

الصوره للشيخ عبدالله الجابر

ثانيا لو بنطيق مبدأ اسدحوه حاليا جان 90% من الديره بتسدح لووووووول

 

[فطومه]

مشكوره حبوبه على هالموضوع وهالشخصيه المحببه الى قلبي


يحضرني من ذاكرتي لما كان صغار كنا نروح كشتات فكنا نروح مزرعه ماذكر بأى منطقه بس اهى مزرعته كنا نقعد نتغدى

ونكشت هناك تالى ايونا الفداويه ملوته ويطلبونا الكبار مع الصغار حريم روياييل نسلم عليه ويسالنا انتوا منو؟ ومنوا ينقال لكم


يسأل عن العوايل ويقعد مشاء الله عليه يطلع اصل كل عايله ومن وين نسبها واللى اذكره بالذات ان لما يينا بنطلع سلمنا

عليه كلنا صغار وكبار وقام يحرص علينا ان ابواب مزرعته مفتوحه للكل وحياكم الله كذلك ماانسى سبحان الله ابتسامته

اللى شحلوها سبحانك ياربي عسى الله يرحمه برحمته الواسعه


كان مزواج ويحب الحلال اخر زوجه له كانت محاميه رشيديه جميله لكن لما انحطت الصور فى المجلات سببت

مشكله عند العايله ومن بعدها اختفى هالانسان الجميل عن الناس وانقطعت اخباره وعسى الله يرحمه ياربي