إستفسارات عن محلات الميك اب

[Noura`]

السسلام عليكم ورحمة الله وبركاته
بنات انا من السعوديه
وان شاء بزوركم بالإجازة :eh_s(7):
ومرا متحمسه
وحابه تقولون لي عن محلات الميك اب تكون حلوة و اسعاره حلوة
زي سوق المنصور مادري محل المنصور
وابي الوصف تبع المحل
وماركة إيلف وين ممكن احصلها ؟؟
وكمان ابي احسن المولات عندكم
واماكن حلوة تستحق الزيارة

ومشكورين أوي :eh_s(7):
*​

 

[عيميه عسوووله]

حياج حياتي بتنورين

شوفي لازم لازم روحين مجمع الافنيوز بتسانسين من قلب

نصيحه لاتلبسين كعب لانه كبير لبسي فلات

ودشي سنما كل المجمعات فيها

ومجمع مرينا مول

وطبعا شارع الخليج قز البحر
ومجمع360

وحق الوناسه واللعب المدينه الرفيهيه

الكويت كلها حلوه

وحق الراث والسوق الشعبي وجو ثاني حيل حلو سوق المباركيه حيل حلو
وهناك في سرداب الشايع كله ميك اب من النوع الي بينه وفي المنصور

 

[Noura`]

حياج حياتي بتنورين

شوفي لازم لازم روحين مجمع الافنيوز بتسانسين من قلب

نصيحه لاتلبسين كعب لانه كبير لبسي فلات

ودشي سنما كل المجمعات فيها

ومجمع مرينا مول

وطبعا شارع الخليج قز البحر
ومجمع360

وحق الوناسه واللعب المدينه الرفيهيه

الكويت كلها حلوه

وحق الراث والسوق الشعبي وجو ثاني حيل حلو سوق المباركيه حيل حلو
وهناك في سرداب الشايع كله ميك اب من النوع الي بينه وفي المنصور

حبيبتي مشكورا مرا :eh_s(7):
ويعطيك العافيه

 

[سمـو آلشيخــہ]

حياج حبيبتي اتنوريناا

ومحلات الميك اب عندج دابنهامز وماك وفافوم كلهم بالأفنيوز

وعندج بوبي براون ب٣٦٠ طبعا هالمحلات ماركات واسعارها اشوي غاليه

اما المنصور اتحصلينه في العربيد بلازا بالفروانية فوق تلقينه على زاويه وامكانة واضح

و بالفحيحيل جبال الدبوس و بالديرة في سرداب الشايع على ما اظن وعندج بعد عروس البحر بالفروانيه اسعارهم حلوه

 

[Maybe_87]

حياج الله بالكويت

وأتمنى لج إقامة سعيدة





بالنسبة للمكياج عندج بالفروانية

-المنصور بالعربيد بلازا

-عروس البحر + لمسة فن يم العربيد






وسرداب الشايع بالمباركية




وإذا تحبين مكياج حنان دشتي أتوقع تحصلينه بصالوناتها



وبالنسبة لمكياج elf تحصلينه بهالصيدلات :

السلام (جنوب السرة)

جمعية القصور

جمعية الزهراء

جمعية العيون

الشيماء (بالجهراء)

وأي منتج سعره دينار ونص




وتقدرين تطلبين من تاجرات المنتدى ماركات مو موجودة بالكويت

وإن شاء الله يوصلونها لي مكان سكنج

 

[عذبة الروح..]

ما شاء الله البنات ما قصروا عطوج شرح وافي عن الاسوقه ، حياج الله