- إنضم
- 21 أكتوبر 2007
- المشاركات
- 5,700
- مستوى التفاعل
- 0
- النقاط
- 0
السلام عليكم
للبنات اللي يحبون يسوون رياضه بالبيت
اكيد بتحتاجون ادوات معينه حق بعض الحركات او التمارين
انا متعوده اسوي بالبيت فتقريبا كل اللي احتاجه عندي
هذي بعض الأشياء اللي تعتبر أساسيه للرياضه
1) المرتبه اللي بتنسدحون عليها عشان تسوون تمارين المعده عالأرض
مو اي مرتبه لان بيتعور ظهركم
أنا شريت هالمرتبه من محل Go Sport بالأفينيوز بعشرين دينار
و مو خساره فيها كلش
مريحه بشكل موطبيعي وماتعور الظهر لانها سميكه مو خرجه نفس باقي المرتبات اللي جنج منسدحه عالأرض ماسويتي شي
هذي هي المرتبه
انا ما اعرف اسوي رياضه عالأرض بدونها لانها صج تريحني وايد وشوفوها متينه جنها فراش اسفنج انصحكم فيها عن تجربه
2) حق تمارين الستبس أحسن ماركه Reebok هم شريتها من Go Sport وسعرها 50 او 55 دينار ما اذكر
هذي صورتها
بتلقون بره ماركات ثانيه وارخص بس طيعوني لا تستخسرون على نفسكم اشتروا ماركه زينه لان بتفرق واااايد من ناحيه الثبات ماراح تزلق وانتوا تلعبون نفس الماركات الرخيصه
وهم لما تناقزون عليها ماتنعوي او تهتز بتظل سيده ثابته
وترى صارلها سنتين عندي ماتغيرت ولا صار فيها شي
3) الأثقال شي مهم جدا عشان الزنود لا تترهل
ومهم تختارون وزن يناسبكم
ابدوا بشي خفيف لين تتعودون و زيدوا الوزن بالتدريج
انا بديت بنص كيلو والحين حدي كيلوين لان مابي تصير عندي عضلات رياييل فكيلوين كافي
4) الوزن اللي ينلبس بالريول هم يفيد واااايد
يعني اي تمرين عادي تسوونه لو تلبسون معاه هالوزن بريولكم راح يفرق وايد
وطبعا يصير تتحكمون بالوزن تزيدونه و تنقصونه
انا شريتهم من Go Sport ومرة ازيد ومره انقص اذا مافيني حيل
شوفوا الحزوز اللي فيه هذي نفس مخابي فيها جياس هي اللي فيها الوزن
فاذا ماتبون وزن ثقيل تشيلون منهم
تقدرون حتى لو تروحون الممشى تحطونهم او على جهاز المشي تحسون ان صرتوا اقوى و حتى تحرقون سعرات اكثر كل مازاد الوزن
5) حق اللي يسوون push ups و ايدهم تزلق او ماتثبت عدل راح تفيدهم وايد هالشغله
انا للاسف للحين ما اعرف اسوي push up بس شريتها وبتعلم لان صج تمرين مهم للصدر والظهر والايد
بس اخوي استخدمها و وايد عاجبته
طبعا في أجهزة وايد وأدوات وايد للرياضه بس حاولت احطلكم اهم الأشياء اللي تحتاجونها
وانا عندي الرياضه بالبيت اريح عالاقل متى ما ابي اتمرن وببيتي وما اضطر اطلع
فاللي تفكر انها تبدي تسوي رياضه بالبيت خل تاخذ فكره عن الاشياء اللي بتحتاجها
ودمتم رشيقات ان شاء الله
للبنات اللي يحبون يسوون رياضه بالبيت
اكيد بتحتاجون ادوات معينه حق بعض الحركات او التمارين
انا متعوده اسوي بالبيت فتقريبا كل اللي احتاجه عندي
هذي بعض الأشياء اللي تعتبر أساسيه للرياضه
1) المرتبه اللي بتنسدحون عليها عشان تسوون تمارين المعده عالأرض
مو اي مرتبه لان بيتعور ظهركم
أنا شريت هالمرتبه من محل Go Sport بالأفينيوز بعشرين دينار
و مو خساره فيها كلش
مريحه بشكل موطبيعي وماتعور الظهر لانها سميكه مو خرجه نفس باقي المرتبات اللي جنج منسدحه عالأرض ماسويتي شي
هذي هي المرتبه
انا ما اعرف اسوي رياضه عالأرض بدونها لانها صج تريحني وايد وشوفوها متينه جنها فراش اسفنج انصحكم فيها عن تجربه
2) حق تمارين الستبس أحسن ماركه Reebok هم شريتها من Go Sport وسعرها 50 او 55 دينار ما اذكر
هذي صورتها
بتلقون بره ماركات ثانيه وارخص بس طيعوني لا تستخسرون على نفسكم اشتروا ماركه زينه لان بتفرق واااايد من ناحيه الثبات ماراح تزلق وانتوا تلعبون نفس الماركات الرخيصه
وهم لما تناقزون عليها ماتنعوي او تهتز بتظل سيده ثابته
وترى صارلها سنتين عندي ماتغيرت ولا صار فيها شي
3) الأثقال شي مهم جدا عشان الزنود لا تترهل
ومهم تختارون وزن يناسبكم
ابدوا بشي خفيف لين تتعودون و زيدوا الوزن بالتدريج
انا بديت بنص كيلو والحين حدي كيلوين لان مابي تصير عندي عضلات رياييل فكيلوين كافي
4) الوزن اللي ينلبس بالريول هم يفيد واااايد
يعني اي تمرين عادي تسوونه لو تلبسون معاه هالوزن بريولكم راح يفرق وايد
وطبعا يصير تتحكمون بالوزن تزيدونه و تنقصونه
انا شريتهم من Go Sport ومرة ازيد ومره انقص اذا مافيني حيل
شوفوا الحزوز اللي فيه هذي نفس مخابي فيها جياس هي اللي فيها الوزن
فاذا ماتبون وزن ثقيل تشيلون منهم
تقدرون حتى لو تروحون الممشى تحطونهم او على جهاز المشي تحسون ان صرتوا اقوى و حتى تحرقون سعرات اكثر كل مازاد الوزن
5) حق اللي يسوون push ups و ايدهم تزلق او ماتثبت عدل راح تفيدهم وايد هالشغله
انا للاسف للحين ما اعرف اسوي push up بس شريتها وبتعلم لان صج تمرين مهم للصدر والظهر والايد
بس اخوي استخدمها و وايد عاجبته
طبعا في أجهزة وايد وأدوات وايد للرياضه بس حاولت احطلكم اهم الأشياء اللي تحتاجونها
وانا عندي الرياضه بالبيت اريح عالاقل متى ما ابي اتمرن وببيتي وما اضطر اطلع
فاللي تفكر انها تبدي تسوي رياضه بالبيت خل تاخذ فكره عن الاشياء اللي بتحتاجها
ودمتم رشيقات ان شاء الله
