إذا حلمي اصبح حقيقة << كل وحده تقول شتسوي بمكاني

[مس روبنز]

السلام عليكم ورحمة الله وبركاته

حلمت اليوم بشي غريب ومضحك إذا تحول صج باختصار أبوي ما أدري أخوي ناداني قالي تعالي بالديوانية (....) ولد عمتي بيشوفج لأنه جاي يخطبج والغريب من دون موعد ولا شي وأنا رحت استعد وألبس ومكيجت عين بربع ساعة جان يقولي اخوي يالله تأخرتي ناطرينج بعدها رحت غسلت مكياجي وقلت احسن يشوفني على طبيعتي بعدها أخذت عبات الكتف وقصتها قصة بعد بس باختصار لبستها وقطيت الشيلة على راسي بس عشان يشوف شعري ورقبتي وعمتي ومرت عمي يقولون لأمي بسرعة لا تتأخر بنتج عاد أنا كنت معصبة قلت كيفهم محد قالهم يجون من دون موعد ولا اتصال المهم يوم نزلت ولا هم رايحين وبعدها كل يوم نفس الحزه اتجهز ولا أحد يمر بس طبعا هو شافني بالحلم القصة طويله مالي خلق اكتبها >>> حلم غريب واختي تقول يمكن رؤية << الله يقطع بليسها

آنا وحده ما أحب طاري الزواج بس بتكلم هالمره عشان أكون على بصيره بعدين شنو لازم أسوي


إذا ياج واحد بيخطبج وطلب يشوفج شتسوين وشلون تدخلين عنده شنو تلبسين وشنو تقولين طبعا كل هذا يجوز تحت مسمى النظرة الشرعيه بضوابطها

 

[مس روبنز]

ناطره ردودكم حبيــــــباتي

 

[كيـف أسيـبكـ]

رد : إذا حلمي اصبح حقيقة << كل وحده تقول شتسوي بمكاني

عااادي حبووو

اللي يفكر بشيء معين ممكن يتحلم فيه مو شرط رؤيه

بالنسبه للبس ماادري

بس لازم الشعر والويه يطلعوون

 

[مس روبنز]

لا آنا ما أفكر بالزواج نهائيا

 

[مندوبة ام بندر]

الله يرزقج يارب انا لابست بدله راقيه وناعمه وحطيت ميك اب خفيف حده وطلعت بعينه قمر

 

[ضاقت علي دنياي]

حلمج غريب ،،

اتوقع الحلم من التفكير ،، والله يوفقج ..


وبآلنسبه لسؤآلج جوآبي مآ اطلع لهم لآني استحي حيييل ...

 

[مس روبنز]

لا شفيكم أنا تفكيري منصب بالجامعة والدراسة ونادر ما أتحلم أصلا

 

[ريانة العود ،،]

رد : إذا حلمي اصبح حقيقة << كل وحده تقول شتسوي بمكاني

حبيبتي احس انو اضغاث أحلام لأنك ماتبغين الزواج تحلمــين فيه..
وموفقـــه يآرب..

 

[مس روبنز]

مشكورين كل الي ردوا

 

[شيخة الزين كله]

اللـه يوفقج ويرزقج بالنصيب الصالح

 

[catwiti]

السلام عليكم ورحمة الله وبركاته

حلمت اليوم بشي غريب ومضحك إذا تحول صج باختصار أبوي ما أدري أخوي ناداني قالي تعالي بالديوانية (....) ولد عمتي بيشوفج لأنه جاي يخطبج والغريب من دون موعد ولا شي وأنا رحت استعد وألبس ومكيجت عين بربع ساعة جان يقولي اخوي يالله تأخرتي ناطرينج بعدها رحت غسلت مكياجي وقلت احسن يشوفني على طبيعتي بعدها أخذت عبات الكتف وقصتها قصة بعد بس باختصار لبستها وقطيت الشيلة على راسي بس عشان يشوف شعري ورقبتي وعمتي ومرت عمي يقولون لأمي بسرعة لا تتأخر بنتج عاد أنا كنت معصبة قلت كيفهم محد قالهم يجون من دون موعد ولا اتصال المهم يوم نزلت ولا هم رايحين وبعدها كل يوم نفس الحزه اتجهز ولا أحد يمر بس طبعا هو شافني بالحلم القصة طويله مالي خلق اكتبها >>> حلم غريب واختي تقول يمكن رؤية << الله يقطع بليسها

آنا وحده ما أحب طاري الزواج بس بتكلم هالمره عشان أكون على بصيره بعدين شنو لازم أسوي


إذا ياج واحد بيخطبج وطلب يشوفج شتسوين وشلون تدخلين عنده شنو تلبسين وشنو تقولين طبعا كل هذا يجوز تحت مسمى النظرة الشرعيه بضوابطها

عادي البس لبس يكوون حلو وبنفس الوقت مايكووون حييل ضييج او يفشل يعني يناااسب الحيا لووول عشان يمكن يستحي يشووف لوول

 

[RoWaIsHeDyA]

رد : إذا حلمي اصبح حقيقة << كل وحده تقول شتسوي بمكاني

تعرفين هذي دعايه الاسنان شلون لابسه شئ حلو وشكلها حلو طبعا من غير الضروس سوي نفسها لبسي شئ ناعم وراقي وسوي شعرج والمكياج خفيف وطلعي لهم وبالنسبه شنو تقولين خليج مستحيه كثر ماتقدرين مو تصيرين دفشه وتسولفين جنج مو مصدقه
وبس واتوقع ماراح تقدرين تقولين شئ من الحيا ,, وعن الحلم يمكن رؤيه ليش لا دزيه حق شيخ يفسره لج

 

[حبة شوكولاته]

لا ما اعتقد رؤيه الرؤيه ثواني بس مو فلم هندي هههههه اتغشمر
بس انشاءالله يصير صج والعبايه بالحلم ستر وانشاءالله تنخطبين قريب

 

[~وريثة الملوكـ~]

لبس العبااة بالحلم ستر
والله يوفقج ​

 

[فوشيـــا]

رد : إذا حلمي اصبح حقيقة << كل وحده تقول شتسوي بمكاني

يمكن الحلم تنبيه لج
والله يوفقج حبيبتي